هايات أعليكم
على كامل راكم مديوقتيين من السماطة لي حاكمتكم ..
موهيم من الداخل راكم حيين ؟؟؟ ....... أيا بيان
على بالكم قريت رد فالقسم هذا عجبني بزاف
" قال منتدى اللمة هي وسيلة لتحقيق غاية "
عندو الحق حبيت نشكو في أول موضوعي هذا أوموا يكوراجيني في تحقيق غايتي الى راح نحكيلكم عليها .... :wink:
علابالي بيكم تحبو التقرعيج يا شعب التقرعيج :yahoo:
وتحبو التقطاع علابالي تموتو فيه ايا قلت نجبدلكم الخيط ونشوفكم كيفاه تقطعو
مي على حاجة تصلح
حبيت نحكي على
التسنطيح
التسنطيح ومـــا أدراكــ ما التسنطيح ...
التسنطيح بمعنى تخشان الراس .....
لاحظنــا أنو اي واحد يسنطح راه يجيبها كان في روحو ...
كيما وحد الرد قريتو هنا فالمنتدى قالت بلي خشنت راسها مع حبيبها ايا ديركت بدلها وتزوج غيرها ؟:music_whistling:
هذا مثال برك باه ماتفهمونيش غالط
ديفوا تقلو أك مسنطح يعجبو الحال حتى في أمر الواقع ويفتخر بيها تاني تقول راك تشكر فيه ؟
انا في حياتي كامل جامي شت واحد سنطح وجابها فالصواب ...
آخرتها يقلك العبد هذاك .... ألطيف راسو خشين حجرة ..
خلي لا جات بنت ماتفراش .. هذيك البنت ألطيف راسها خشين مانجيبهاش ولو تقعد هي لخرى ....
كلام كيما هذا يتداول عدنا وفي أمر الواقع تاني بلاك غي فالدورة برك تسمع يماك ولا خوك لكبير يقول فيه ...
نحكي على روحي ديفوا نعود زعفاان مقلق :busted_red: مي باه نسنطح ماجياش :music_whistling:
وزيد ديفوا تعود تحكي مع عبد تقلو هك وهو يقلك هك
تقلو بيضة يقلك كحلة ؟؟؟؟ :scared:
روح أنت وأفهم :music_whistling:
الى راك مسنطح كبير ولا مسنطحة كبيرة قولونا واش أستفدتوا منو ...
والى راك خاطيك ولا خاطياتك
خبرونـــا ذرك وش لازم دير للعباد المسنطحة ؟
:mellow:
الموضوع برعــاية :
sahiko ونــاس عقـــــDZــــلية
