السلام عليكم و واش راكم يا اهل الخير ان شاء الله
كامل راكم بخير وعلى خير:yahoo:
المهم اليوم جيت بوحد الموضوع هاكا خممت فيه وبغيت نهدر شوية على وحد الظاهرة ولا نقدرو نقولو على الانسان اللي يكون عندو قدر وقيمة كبيرة بين الناس و الناس كامل تكون تحبو وتحترمو بصح لوكان يجي نهار وين تطيح بيه:no_1: مسكين خلاص كامل يتخلاو عليه ويخلوه:tears:
مثلا تلقى واحد يكون لاباس بيه وبصحتو و جا نهار وكتب ربي طاحت بيه صحتو مانفعو حتى واحد والناس اللي كانت دايرة بيه كامل تخلاو عليه لاخاطر ضرك ماولاش ينفع و ماعندو حتى فايدة
مثال وحداخر واحد كان خدام وفي منصب عالي و مايخصو حتى شئ ويكون مليح مع الناس ومولا خير مع كامل الناس
كامل يشكرو فيه وكامل يحبوه ويكون هو القدوة تاعهم بصح كون يجي نهار ومايتفاهمش مع ناس معاه ويطيروه من المنصب تاعو للي كان فيه خلاص طفرت فيه
حتى حد مايسال عليه ولا يعاونو في المحنة تاعو حتى صحابو ويتخلاو عليه
خلاص ضرك طاحت بيه ومافيهش فايدة
علاه يعني الواحد كي يكون عندو قيمة كامل الناس تحطو فوق الراس ويكون هو كلشئ ونهار تطيح بيه وتدور عليه الساعة خلاص كامل يتخلاو عليه و يخلوه وحدو
هاو علاه هاكا واك اللي يبغيك يبغيك في كل وقت الوقت المليح والماشي مليح واكثريتها لازم يكون معاه نهار تطيح بيه و نهار يكون محتاجو في وقت الضيق ولا كيفاه؟
هاذي الحاجة اللي تحير الواحد وتخليه يستغرب في الدنيا ذي وناسها وكيفاه ولاو يشوفو ويتعاملو مع بعضاهم
:heh:
الله يهدينا برك
سلامي للجميع
كامل راكم بخير وعلى خير:yahoo:
المهم اليوم جيت بوحد الموضوع هاكا خممت فيه وبغيت نهدر شوية على وحد الظاهرة ولا نقدرو نقولو على الانسان اللي يكون عندو قدر وقيمة كبيرة بين الناس و الناس كامل تكون تحبو وتحترمو بصح لوكان يجي نهار وين تطيح بيه:no_1: مسكين خلاص كامل يتخلاو عليه ويخلوه:tears:
مثلا تلقى واحد يكون لاباس بيه وبصحتو و جا نهار وكتب ربي طاحت بيه صحتو مانفعو حتى واحد والناس اللي كانت دايرة بيه كامل تخلاو عليه لاخاطر ضرك ماولاش ينفع و ماعندو حتى فايدة
مثال وحداخر واحد كان خدام وفي منصب عالي و مايخصو حتى شئ ويكون مليح مع الناس ومولا خير مع كامل الناس
كامل يشكرو فيه وكامل يحبوه ويكون هو القدوة تاعهم بصح كون يجي نهار ومايتفاهمش مع ناس معاه ويطيروه من المنصب تاعو للي كان فيه خلاص طفرت فيه
حتى حد مايسال عليه ولا يعاونو في المحنة تاعو حتى صحابو ويتخلاو عليه
خلاص ضرك طاحت بيه ومافيهش فايدة
علاه يعني الواحد كي يكون عندو قيمة كامل الناس تحطو فوق الراس ويكون هو كلشئ ونهار تطيح بيه وتدور عليه الساعة خلاص كامل يتخلاو عليه و يخلوه وحدو
هاو علاه هاكا واك اللي يبغيك يبغيك في كل وقت الوقت المليح والماشي مليح واكثريتها لازم يكون معاه نهار تطيح بيه و نهار يكون محتاجو في وقت الضيق ولا كيفاه؟
هاذي الحاجة اللي تحير الواحد وتخليه يستغرب في الدنيا ذي وناسها وكيفاه ولاو يشوفو ويتعاملو مع بعضاهم
:heh:
الله يهدينا برك
سلامي للجميع
