قالو علا بطااالة ////مي ربي وكيلهم

[بيكهام]

سلام عليكم لعزاز
انا ندخل طوول
وانا ندور في اللمة شت شحال من موضوع علا البطالة
ذراري قالو بلى راهم شادين الحيط ومراهمش يخدمو ويعسو في فلان ذالع وفلان هابط
ويدانو للبنات ومنيش عارف
هاذي قريتها في بعض المواضيع
ــــــــــــــــــــــــــــــــــــــــــــــــــــــ
مي نقلكم لشاد الحيط خير من لراه يسرق ويقتل ووووووو منقدرش نقوول لباقو ماشي ملاح
وشووفو ظرووف يا عرب
ماشي تشووف رووحك وتقيس عليها
انتا مهنى لباس عليك وتكتب علا بطالة
خلوونا ربي يخليكم
وناس لقرات راهي ماتت
وناس لقرات راهي شادة الحيط
وناس لقرات راهي هبلت مصابتش الخدمة
نعرف واحد مهندس دولة راه يخدم خياط عند واحد وعساس فليل
ملا انا نختصر حياتي ذول ني قراية ني والوا
نحكم الحيط طول اوما بلاصتي ضامنة
ـــــــــــــــــــــــــــــــ
انتظر ردودكم ​

 

[حفيد هواري بومدين]

روحي بسلامة
​

 

[فراشة الايمان]

عندك الحق خويا
انه يقعد بطال احسن من حوايج أخرى
كيما يقول المثل
حتى الهم فيه ما تختار
شكرااااااااااا على الموضوع

 

[هشام مادي]

ايه صح والله عندك الحق.
لكن منا لقدام المراة هي لي تولي تصرف على الدار للله غالب ماراناش نجحو في ليكونكور ونساء راهم ينجحو ادا كنت علابالك علاه قوليلي من فضلك.

 

[dana1993]

سلام عليكم خويا
والله صح كاين واحد ماصو قاري في جامعة بومرداس *انجينيور*راه يخدم لاماصونري و نهار وين بقى بوست سبيسيال خدمتو قالهم لالا انا لي ندخلو في نهار نتوما دخلوه في شهر يعني من نهارها لوكان ماكالاه تبع روحو و يعني صح انا لا حظت حاجة الناس لي قرات كامل قاعدا و الناس لي خرجت من لقراية بكري خدامة و الارزاق بيد ربي
موفق باذن الله

 

[lamou]

ايه صح والله عندك الحق.
لكن منا لقدام المراة هي لي تولي تصرف على الدار للله غالب ماراناش نجحو في ليكونكور ونساء راهم ينجحو ادا كنت علابالك علاه قوليلي من فضلك.

المراة في وقت التخلاص ما يمدولهاش كيما الراجل يمدولها قل و هي قابلة بيه مسروف زيادة مي الراجل لا يحب يخلص مليح

 

[بيكهام]

روحي بسلامة ​

شكرا لك عبدو ​

 

[بيكهام]

عندك الحق خويا
انه يقعد بطال احسن من حوايج أخرى
كيما يقول المثل
حتى الهم فيه ما تختار
شكرااااااااااا على الموضوع

ربي يخليك ختي منورة موضوعي
مي واش تحبي هاذي دزاير
الدنيا وجوووه يا .......
تشاو تشاو ​

 

[بيكهام]

ايه صح والله عندك الحق.
لكن منا لقدام المراة هي لي تولي تصرف على الدار للله غالب ماراناش نجحو في ليكونكور ونساء راهم ينجحو ادا كنت علابالك علاه قوليلي من فضلك.

حكيات طويلة خويا هشام
منين نبدا ومنين نكمل
معليش ربي يفرج ويجب الخير برك
مارسي عليك منور كي العادة
تشاو تشاو
​

 

[بيكهام]

سلام عليكم خويا
والله صح كاين واحد ماصو قاري في جامعة بومرداس *انجينيور*راه يخدم لاماصونري و نهار وين بقى بوست سبيسيال خدمتو قالهم لالا انا لي ندخلو في نهار نتوما دخلوه في شهر يعني من نهارها لوكان ماكالاه تبع روحو و يعني صح انا لا حظت حاجة الناس لي قرات كامل قاعدا و الناس لي خرجت من لقراية بكري خدامة و الارزاق بيد ربي
موفق باذن الله

ربي يخليك شكرا جزيلا لك
زدت موضوعي اشراقا
تشاو تشاو​

 

[بنـ MaPa ـت]

كاين واحد من جيهتنا يعيبو عليه "شنايدر" صدقني كان هو اللول في ليكول ومسكين قرى حتى قريب مات ومع التالي ماجابش الباك دوك راهو مهبول تع صح لي يحوز قدامو يدي طريحة صحيحة.....القرايا في شي ظروف ماشي مليحة والباطلة تاني ماشي مليحة.....مرسي ليك..
​

 

[بيكهام]

كاين واحد من جيهتنا يعيبو عليه "شنايدر" صدقني كان هو اللول في ليكول ومسكين قرى حتى قريب مات ومع التالي ماجابش الباك دوك راهو مهبول تع صح لي يحوز قدامو يدي طريحة صحيحة.....القرايا في شي ظروف ماشي مليحة والباطلة تاني ماشي مليحة.....مرسي ليك..​

حنا تاني عدنا واحد يعيطلو موح رياضيات
يمووت على رياضيات ايا قعد يقرا يقرا
ومنبعد هبل راه ماء في ماء
ذرك ليخرج فيه يا يضربو
يا يطيحلو
ـــــــــــــ
مراسي عليك ختي منورة كي العادة​

 

[sandybelle]

كاين وكاين .....
كاين لي تعب في درستو ومازالو يتعب في الخدمة ويخدم اي شيء المهم يكون حلال يعني يحوس يلحق المعيشة كيف وماكانت وهدا النوع قليل بزاف في بلادنا
وكاين لي درس والله غالب ماربحش في لكونكور الاول لي عقبو ايا خلاص ظلمها على روحو وخبطها برقدة يستنى العام يدور باش يعقب الكونكور الزاوج ...
وكاين لي درس وقالك كيفاه انا نخدم حمال او طاكسي ...وكي يحكو معاه ماليه على لخدمة يلقى الف حجة وحجة من بينهم ...(واش ندير نروح نسرق) وعلاش ياخويا لبلاد خلات رجعت فيها غير السريقة لي تعوضك على شهادتك؟؟؟؟... والله صدقني لي محتاج تاع الصح يخدم اي شييء المهم يكون حلال ولي زاد فنيان يكبر فنيان وما أكثرهم في بلادنا

 

[جزائرية حتى الموت]

وعليكم السلام ورحمة الله تعالى وبركاته

كل اللي قلته صح

بصح

نتوما ديفوا تحشموا من الخدمة :music_whistling:

وما تبغوش تخدموا

والقراية

راك قلتها

تحوسوا غير على خلاها

لا قراية لا والو :music_whistling:

وين غادي تروحوا بهاد العقلية يا حسام :closedeyes:

 

[بيكهام]

كاين وكاين .....
كاين لي تعب في درستو ومازالو يتعب في الخدمة ويخدم اي شيء المهم يكون حلال يعني يحوس يلحق المعيشة كيف وماكانت وهدا النوع قليل بزاف في بلادنا
وكاين لي درس والله غالب ماربحش في لكونكور الاول لي عقبو ايا خلاص ظلمها على روحو وخبطها برقدة يستنى العام يدور باش يعقب الكونكور الزاوج ...
وكاين لي درس وقالك كيفاه انا نخدم حمال او طاكسي ...وكي يحكو معاه ماليه على لخدمة يلقى الف حجة وحجة من بينهم ...(واش ندير نروح نسرق) وعلاش ياخويا لبلاد خلات رجعت فيها غير السريقة لي تعوضك على شهادتك؟؟؟؟... والله صدقني لي محتاج تاع الصح يخدم اي شييء المهم يكون حلال ولي زاد فنيان يكبر فنيان وما أكثرهم في بلادنا

ربي يخليك طاطا منورة موضوعي كي عادة بردودك العطرة
شكرا لك جزيلا

وعليكم السلام ورحمة الله تعالى وبركاته

كل اللي قلته صح

بصح

نتوما ديفوا تحشموا من الخدمة :music_whistling:

وما تبغوش تخدموا

والقراية

راك قلتها

تحوسوا غير على خلاها

لا قراية لا والو :music_whistling:

وين غادي تروحوا بهاد العقلية يا حسام :closedeyes:

معليش منبعد نقعد مع راسي ونسقسيه وين رانا رايحين يا راسي

 

[the_end]

ايه صح خويا عندك الحق
يشد الحيط وما يسرقش
هذي هي الدزاير
مرسي على الموضوع
تحياتي

 

[أحبك ياجزائر]

موضعك شباب واعجبني
بارك الله فيك
​

 

[assoma]

صحيت خويا بيكهام
ياو ربي يفرج على ليان تاوعنا
الشدة في ربي
سلااااااااااام​

 

[حطيست1]

كيما الحطيست كيما الخدام
كيف كيف في دزاير
فرد راصة
وكيما قلت يشد الحيط خير ما يسرق ويقتل
باركـ الله فيكـ على الميضوع

كرطونة في روما خير من vيـــلا فالحومة
​

 

[zahra09]

صح عندك الحق ناس بلاليسونس ديالهم ميلقاوش خدمة الديفو فلبلاد

مرسي حسام فوور كوم توجور​