نظام جديد لفرق بينوا و بين لقديم ااااايه يالي معندوش المعريفة

[parkour14]

السلام عليكم​

​

​

​

​

واش حالكم ناس اللمة​

​

​

ها ليوم كيما كل يوم و زايد يوم و خلاص​

المهم جيت نخرف عليكم شويا​

ايا هذا اليوم قاعدين يقترحوا عليا​

واش راك حاب تخدم​

واش راك حاب تكون​

واش راك حاب تقراى​

واش راك... ​

واش راك...​

واش راك ... ها قولولهم مانيش لباس وخلاص خخخ​

المهم و علبالكم صح حيرتني حاجا​

كاين ناس ... منقولوش ناس معضم الي راهم يقراو​

دركا معلبالوش واش حاب يدير مستقبلا​

ولا لقرايا الي يقراى فيها وين راح توصلوا​

و علبالك ولله حوست حوست لقيت ديفوا في​

تعليم تاعنا​

تعليم تاعنا يخليك ابتدائي ثم متوسط ثم ثانوي​

و من بعد الجامعة أأأأه تجيك الورقة تاع الخيرات​

و تيهلك و تتزاGا و من بعد تخرج بديبلومك​

و تشد الحيط​

ربي قولولي قالك جابونا نظام تعليمي اجنبي​

زعما زعما تطور في قطاع تعليم​

والله لتطور في قطاع تخريب حياة الشباب​

قولولوا يخمم في مستقبلنا اولا ثم​

يخمم كيفاش يدخل تعديلات على قطاع التعليم​

حنا مناش رفضين السيستام جديد​

بصح كون تجي تشوف كيف الي راه حاكم ديبلوم​

في النظام جديد كيف الي عندو ديبلوم قديم​

كااامل تحت الحيط الا من لقى راسوا و معا شوي​

معريفة هذاك هوا​

​

ايا انا نخليكم بخير​

راني تعبت من لكتيبة المهم​

يا سي بودبوز أأأأ قصدي بوزيد​

ريقلنا مستقبلنا و خطيك من طابلية بيضة​

و طابلية زرقة​

​

ايا سلام تهلاوا في روحكم​

​

معا موظيف اخوكم مراسل اللمة الجزائرية​

Parkour14​

اللمة الجزائرية​

​

أأأأأأي حقوق النشر محفوظة​

منتدى اهنا فرغ واش كاين في قلبك​

خخخخ​

ايا سلام​

 

[chamse121919]

رانا كي الفيران نتبعو و خلاص

 

[parkour14]

راكي تشوفي والله كرهت غير باش نفهم لوين حبين يوصلوا بهذا خخخ

شكرا لك اختي
​

 

[nasnoussa89]

يا خويا كل واحد واش كتبلو ربي بصح و الله يا فرحت الباك متكمل بويسك يجي وراها لكوشمار تاع لي شوا حياتك كامل تحلم تخرج طبيب و من بعد تلقى روحك بيولوجي و الكارثة 12 سنة و نتا تقرى سيونس و من بعد تروح محاسبة يخي حالة و الله ما كاين حساب مع ربي و كي نظام القديم كي الجديد كي مكاااانش كلش طيف طيف قول المكتوووووب