أنتي ألي فرضتي فرضية أختي وتحوسينا نجاوبوكي ؟؟
ديجات راكي قلتي بلي الرجل يتزوج من غير ما يفكر في زوجتو الأولى .. أنا نعرف واحد زوجتو ماتت طول مش طلاق ولا ماتت ومنا حبش يتزوج حتى كبر ولادو طفل وطفلة وظرك الطفل راه راجل عمرو 24 سنة وبنتو بالاك 25 باه عاود الزواج .. واش رايك فالحالة هاذي ؟؟ ..
إذا قلنا من جهة المشاعر واحد ما يقدر يحكم رغم انو المرأة حساسة كتر من الراجل وتبين مشاعرها .. إلا أنو الرجل تاني حساس مي دوما يخبي مشاعرو هذا لأنو ما يحبش يبان ضعيف ..
ورانا كامل مخلوقين من طين واحد .. وحواء خلقت من ضلع آدم .. يعني مش من حاجة خلاف .. الرجل والمرأة كيف كيف مي التصرف في المشاعر هو الي يختلف .. نرجعو للزواج ..
النساء في غالبية الأمر ما يحبوش يتزوجو خصوصا إذا كانو عندها أولاد من الرجل الأول ( رغم أنو كاين ألي يتزوجو ويسحمو في ولادهم نورمال ) .. وألي ما تحبش تتزوج تقدر على مصاريفها وووو ..
مي الرجل لازملو مرأة في الدار وهذا منطق ما نقدروش نهربو منو .. شكون يعشيه شكون يتهلا فيه في ولادو شكون يغسل حوايجيو ( ما نقصدش خدامة مي نقصد مرأة وزوجة ) .. الرجل لازملمو مرأة مي المرأة تقتدر تستغني عنو إذا حبت بعد طلاقها من الاول آو وفاته ...
إن شاء الله تكون الفكرة وصلتكي أختي .. مشكورة على الطرح الجميل بارك الله فيكي تحياتي سلام ..
