خاص بالوصفات المطروحة

[semmouna]

سلام الله عليكم
تقبل الله صيامكم
البارح جربت وصفة كانت مطروحة جات ماش مليحة لا شكل ولا مضمون
ومن هاذي جاتني فكرة انو كل وحدة تجرب حاجة اذا ماصلحتش تنبهنا
والا اللي تحط الموضوع تكون مجرباتو 100% ومتاكدة من مقاديرو
انا ضك نبدا ونقولكم على الوصفة اللي ماصلحتش
ونتمنى ننفعو بعضانا
سلام

 

[semmouna]

الوصفة اللي جربتها وماصلحتش خلاص هي حلوة الحلقوم
طبقتها بمقاديرها وبطريقة تقديمها
البنة جات نشا صافي بالرغم اني درتلها لاروم ولافاني
والشكل ماجاش كيما نتاع الحلقوم
والطياب مستحيل انو يكون ساعة وزيد على نار قاوية كيما في الوصفة

 

[nada242008]

اولا رمضان كريم اختي
ثانيا ماتقديريش تضمني انو اي وصفة تطبقيها تنجحلك لان المسألة أذواق وليست اي وصفة توضع فهي ناجحة بالضرورة
وايضا تبقى الوصفات المجربة والمصورة هي الاضمن
وهناك عدة اقسام في المنتدى تضم الاطباق الرئيسية او المعجنات والحلويات الحصرية والمجربة بالصور
ركن الحلويات الحصرية و المجربة
ركن السندويشات والمعجنات الحصرية و المجربة
ركن المقبلات والسلطات والمشروبات الحصرية و المجربة
ركن الاطباق الرئيسية الحصرية و المجربة
وان شاء الله تجربتك القادمة ناجحة باذن الله

 

[semmouna]

ورمضانك اكرم ختي
شكرا على الرد
صح المسالة اذواق بالصح لازم تكون المقادير وطريقة التحضير متناسقين لانو لوكان ترجعي للوصفة تلقاي فيها خلل
وثانيا الهدف نتاعي انو توللي الوصفة وكانها مجربة

صح فطوووووووورك

 

[نورالياقوت38]

حبيبتي علاه عليك هذي الغبينة اشري الحلقوم من بري وهني عمرك ههههههههههه

نمزح معاك مليح وحده تتعلم وصح مش كلشي ينجحلك مي كون مديريش هكا عمرك ماراح تتعلمي
بتوفيق اي شي تحتاجينو اني هنا

 

[ibtesem]

والله انا تاني كاين وصفات منجحليش مي الانسان يتعلم ويستفاد من اخطائو
لانو فيه مقادير متكونش متناسقة مع بعضها البعض لكم احنا منطقيا نكتشفها
والحمد لله من نهار لعملو الوصفات المجربة خلاص
بصراحة منخذش من عندالكل الا من اثق في وصفاتهم
جربت القلب اللوز ناجح 100بال100
هذا العنوان انا منجحليش رميته عادي رايحا نعاودو الى ان انجح فيه
شكر على الموضوع:heh:

 

[semmouna]

يعطيكم الصحة يافحلات اللمة
هانا قاعدين نتعلمو والفضل ليكم انا شخصيا نتوما نتاع اللمة اللي درتولي القلب ووليت نطيب
دمتم

 

[عاشقة عاشق الوحدة]

يسلمووووووووووووووووو