يامولات الشال جبت عليك كلام ..

[azzedine02]

يامولات الشال جبت عليك كلام

وعنك في لسواق نمدح ونشادي
كي شفتك واهملت ما عني ملام
كي شفتك خليت ناسي واولادي
كي شفتك تلفت حتي في لكلام

صرت نهلوس كي المجنون العادي
يامولات الشال زينك كي لعلام
معروفة بخصايلك بنت اجوادي
الوجه الصافي بدر في ليل التمام
والعنين كبار سلبت فؤادي
والخدين الورد في جنة لريام
وفم الحوتة لون احمر ميدادي
والقد الشامخ ريم في خفة لحمام
والشعر المجنون بامواجوا عادي
يامولات الشال حتي في لمنام
جاني طيفك ساقني شك الوادي
يامولات الشال ردي لي لكلام

حافتك بالله رب العبادي

 

[جزائرية روحها فلسطين]

ربي يرحم حسني ويخليلنا حسني تاع الشلف قول آمين
صح كلماتك خفاف مي معناهم كبير من واحد شلفاوي ثاني كبير تقبل مروري المتواضع امام قوة كلماتك ت ح ي ا ت ى

 

[Elif DZ]

كلماات قوية
باارك الله فيك
​

 

[غفرانك ربي]

هاصبر علينا بشوية يا خويا صح حسني الجديد ربي يبارك فيك ويخلينا مولات الشال اللي خلاتك تبعث هذ الكلام الرزين....