الطبق المشهور عندكم في رمضان

[وزير الحب]

السلام عليكم صح رمضانكم كل عام و أنتم بألف خير
كل ولاية ولا كل بلاصا عندها طبق أو أطباق مشهورة في رمضان والي مستحيل باش تخلو منها المائدة تع رمضان........
على سبيل المثال ولايتي العاصمة...مائدة رمضان لا تخلو من البوراك و طاجين لحلو....
رانا نستناو فيكم وتعرفونا على ماكلتكم...

 

[DARINE05]

تبالي كاما القطر الجزائري يدير الشربة يوميا
هيا والبوراك

 

[وزير الحب]

تبالك برك كاين لي يدير لحريرا و مايديرش الشوربة....

 

[السلطانة]

وعليكم السلام
في قالمة:
الشربة +البوراك
الكفتة ولا المرقة لحلوة

 

[AWDIESL]

حنا ناس الوسط عندنا الشربة بيان سور و البوراك هادو لازم ..............

 

[nadjouta]

الحريرة طبعا
مايدة مافيهاش حريرة كي شغل ماراكش في رمضان

 

[nour mary]

شربة فريك = الجاري=
لازم تعود كاينة في رمضان

 

[JSK 14 CH]

طاجين الزيتون + شوربة فريك هادوا حنا مشهورين في ولاية سطيف مشكور على الموضوع

 

[hadjer92]

حنا في قسنطينة لازم البوراك والجاري "الشربة" - وفالنهار اللول مع طاجين الحلو ..+ طبق ثاني ...

 

[aidouch]

البوراك و الشوربة فريك
​

 

[ام انيس]

حنا في جهة الشرق لازم واكيد يكون الجاري والبوراك وكسرة خميرة

 

[AMOUNA+MIMA]

ابعثولنا شويا فريك الله يستركم​

 

[يسرى 2008]

حنا في عنابة
جاري وبوراك ومرقة حلوة

 

[وزير الحب]

شكرا على مروركم جميعا نورتونا

 

[وزير الحب]

واش ماراكمش تاكلو في هادا رمضان’’’’’’؟

 

[NaDiA.]

الحريرة +المعقودة او البوراك + الحلو

مستحيل نتتغناو عليها ف مستغانم

بالطبع كاين اطباق اخرى لازم تتحظر لاكن ماشي كل يوم
​

 

[وزير الحب]

الحريرة +المعقودة او البوراك + الحلو ​

مستحيل نتتغناو عليها ف مستغانم ​

بالطبع كاين اطباق اخرى لازم تتحظر لاكن ماشي كل يوم ​

خيار الناس أختي......شكرا على المرور

 

[ماكانش]

الشربة ...

 

[وزير الحب]

شكرا على المرور

 

[sirine-w]

hna f tlemcen lehrira daymen