ارواح قول رايك فالحكم تاع بلادنا

[Lonely Girl]

بسم الله الرحمان الرحيم
السلام عليكم ورحمة الله وبركاته


حبيت فقط نعمل استطلاع للجزائريين في نظرتهم لنظام الحكم فالبلاد تاعنا بين رضى وقبول بالاوضاع الحالية وبين التسيير السيئ لشؤون البلاد وسخط وغضب الشعب على الحالة المتردية وغلاء المعيشة
و و القائمة لا تنتهي ..

:wink:

بانتظار تصويتكم:heh:


​

 

[شعانبي حر]

بصراحة الشعب طماع و ما يقنع و الخداميين و الاساتذة و الاطباء كيف كيف كل طماعيين .الحمد لله النظام في بلاد عجابني فوق اكثر من اللازم و انا اني هاني و متهني و الجزائر مكانش كيفها لو كان انخرجوا منها الصح تم وين انعرفوا قيمتها ملا حمدوا ربي اللي راكم في الجزائر كلاش باااااال و مزال الناس طامعة واش حابيين اولادنا بقراو باطل الناس التانية ارهي تخلص التعليم المستشفى عندنا باطل في مصر يخلصوا حق العملية الجراحية احنا باطل عندنا لبورص باطل بونيس الدول التانية معندهمش حاجة اسمها لبورص المنح الجامعية توزيع السكن وين شفتوها يرحم والديكم لو كان ما شي غير في الدزاير حمدوا ربي اكم في نعمة برككم من الشكوى ​

 

[fleur d'hiver]

الحكم في الجزائر

ملي زدنا و حنا صابرين
و مازال يقولولنا اصبرو دوك تتقدم لبلاد

 

[Lonely Girl]

بصراحة الشعب طماع و ما يقنع و الخداميين و الاساتذة و الاطباء كيف كيف كل طماعيين .الحمد لله النظام في بلاد عجابني فوق اكثر من اللازم و انا اني هاني و متهني و الجزائر مكانش كيفها لو كان انخرجوا منها الصح تم وين انعرفوا قيمتها ملا حمدوا ربي اللي راكم في الجزائر كلاش باااااال و مزال الناس طامعة واش حابيين اولادنا بقراو باطل الناس التانية ارهي تخلص التعليم المستشفى عندنا باطل في مصر يخلصوا حق العملية الجراحية احنا باطل عندنا لبورص باطل بونيس الدول التانية معندهمش حاجة اسمها لبورص المنح الجامعية توزيع السكن وين شفتوها يرحم والديكم لو كان ما شي غير في الدزاير حمدوا ربي اكم في نعمة برككم من الشكوى ​

الشعب طماع ?!فرزق بلادو هيه حاجة باينة من حقو وسينورمال هادي اللي راك تقول باطل وباطل بلا مزية تاع حتى واحد داكور يالزين من حقو وديجا هادا اسمو فليكسي باش غير يسكتو الشعب برك ايا منكثروش الهدرة تان انت حاكمتلك ايا ربي يشدلك فيها وميرسي عالمرور و احترم رايك

​

 

[zahra09]

وااااااااااش نهدر واش نخلي شكووووون لي راهو راضي​

 

[Lonely Girl]

الحكم في الجزائر

ملي زدنا و حنا صابرين
و مازال يقولولنا اصبرو دوك تتقدم لبلاد

الصبر لربي والهربة ليه برك بلاك تعيا تتقدم بلاك ههه
​

 

[Lonely Girl]

باينة راني كونتر وكونتر وكونتر ني تسيير مسقم ني حكومة مسقمة ولي حاكمينها هاردينها وين تسدي تلقايها مخروبة واش من اوضاع تقبليهارنا عايشين وخلاص كما جات كلات ربي يسقم لحوال وتتطور شوية
صحيتي عميرتي ع الطرح هايل
​

عــــــــــايشين على ربي برك ياشعشبونتي هاديك هي كما جات كلات حتى يفرج ربي سبحانو وتتبدل لحوال ويجيب ربي الخير وتتطور بلادنا شويه وتترقع الحالة ا :wink:
ميرسي على مرورك زهيتي الميضوع بالاريبونس الباهيه كيفك
​

 

[loca]

جات ولا خلات منعرف والو
ومش عاجبني نكمل قراية ونروح بربي ان شاء الله هههههههههه
كيما نحكي ختو انا مش عاجبني حال نكمل قراية وطريق السد تديني
شكرا انووشة​

 

[Lonely Girl]

وااااااااااش نهدر واش نخلي شكووووون لي راهو راضي​

تهدري تلقاي روحك غير توجعي في قلبك :wink:... مرسي زهروشتي عالمرور تعيشيلي حنونة
سير جابتك
ايمان ولا وحدك هههههه


​

 

[N@riM@N]

ترضاي ولا ماترضايش كيفكيف

والله غير كــرهنا​

 

[عبد الجبار الجزائري]

السلام عليكم ورحمة الله تعالى وبركاته
ادا تم الاجابة على سؤالي فساجيبك بكل عفوية​

سؤالي هو من اختار الحاكم

 

[Lonely Girl]

ترضاي ولا ماترضايش كيفكيف

والله غير كــرهنا​

ياودي ربها واحد صح كرهنا تاع الصح:music_whistling:
​

 

[Lonely Girl]

السلام عليكم ورحمة الله تعالى وبركاته
ادا تم الاجابة على سؤالي فساجيبك بكل عفوية​

سؤالي هو من اختار الحاكم

سؤال صح فمحلو مي وشمن ماندة راك تهدر عليها راهم 3
الاولى منهدروش الزاوجة منهدروش الثالثة جوبونس مكانش فيه انتخابات صح ولا لا :wink:
​

 

[عبد الجبار الجزائري]

سؤال صح فمحلو مي وشمن ماندة راك تهدر عليها راهم 3

الاولى منهدروش الزاوجة منهدروش الثالثة جوبونس مكانش فيه انتخابات صح ولا لا :wink:​

نقلك يا اخت وربما حسب رايي الشخصي الشعب هو الحكومة والحكومة هي الشعب
لما يهدر الشعب تسكت الحكومة ولما يسكت الشعب الحكومة دير رايها املا خليها على العالي ولا يغير الله ما بقوم حتى يغيرو ما بانفسهم حنا في بعصانا راه هدا يدبح في هدا واحد ما يرحم واحد خليني منزيدش كون نزيد منخلصش
مثلا نحكيو على الرشوة نقولو الموظف يدي الرشوة اوك الموظف من الشعب يا اختي كون يحب المواطن ميمدش الرشوة ميمدهاش ويقضي مصلحتو عادي شوفي هدا فوق هدا كاين موظف وكاين مدير اوك طلبها الموظف اطلعي للمدير طلبها المدير احكمي عليه براف وعقبيه للعدالة

ولكن الان يحدث العكس المواطن هو الي يروح يمد الرشوة باه يفري شغلو وهو قادر يستعمل الف طريقة باه ميلعنوش رب العالمين


نحكيو نحكيو ونوليو لنقطة وحدة
لا يغير الله ما بقوم حتى يغيرو ما بانفسهم ما عندي منزيد فوق هدي

 

[البسكرية1990]

السلام عليكم ورحمة الله تعالى وبركاته

ادا تم الاجابة على سؤالي فساجيبك بكل عفوية​

سؤالي هو من اختار الحاكم

ما نقدرش نجاوب على هذا السؤال حتى تعود عندنا انتخابات حرة نزيه وتتنحى لحوايج الي تحت الطابلا....
وانا مش راضية على الكثير من القرارات ...

 

[Dr.CrAzY]

كي الحكم كي الشعب
مايصلحوش
​

 

[Nina's]

تبهديلة علينا يشوفونا وحدوخرين يضحكو علينا
كيما قالي المصري : شوفي ولاد بلادك لي ما يحبوش رئيسهم امبعد ولي للمصريين
انا تبهدلت تبهديلة كبيييييييييييييييييييييييييييييرة

 

[zahira92]

تم التصويت ضد نظام التلحليح يتحتو لماماهم فرنسا ظال يعنق في ساركوزي .نظام التلحليح

 

[mir@cle]

تبهديلة علينا يشوفونا وحدوخرين يضحكو علينا
كيما قالي المصري : شوفي ولاد بلادك لي ما يحبوش رئيسهم امبعد ولي للمصريين
انا تبهدلت تبهديلة كبيييييييييييييييييييييييييييييرة

هههههههههههههههههه
باغية نكذبو على روحنا ونقولو نضامنا مليح باش أنت ماتتبهدليش قدام المصري؟؟؟

خلاص يا ستي مانزعفوكش قولي للمصري نضامنا مليح وديمقراطي
والاسعار رخيصة اوى اوى اوى
والرغيف كبيييييييييييييييييييير
والموصلات فاضيااااااااااااااااااااااااا
والشقق كتييييييييييييييييييييييييييييرة
وكل شوية يقوللنا فكو الحزام فكو الحزام فكو الحزام
يعيش الحكومة .. يعيش احمد عرابى ... واحمد الكحلاوىىىىىىىىىى
و تحيا الامة العربية
و تحيا الامة العربية
و تحيا الامة العربية
​

 

[fittaa]

انا والله غير يعجبني الحكم فبلادنا و تعجبني بلادي و بوتفليقة ما يتعاملش مع ليهود و مع اسرائيل و زيد القراية باطل و المستشفى باطل و الجامعة يوكلوك و يشربوك و يخلصوك + en و و و و و .....................حوايج بزاااااف ملاح ما تشوفوش غير السلبيات هاكدا سينورمال تبانلكوم مامليحش الحكم مي شوفو حوايج بزااااف عندنا كاين ناس ماعندهومش déja من وقتاش كاينة بلاد وسمها دزاير حتى سنة 2000 حنا خرجنا فرنسا و زيدنا خرجنا الارهاب حتى سنة 2000 باش طلعت دولة الدزاير و راهي خير على بلدان وحدوخرين لوكان جينا حنا ما عديناش مشاكل سياسيةى لوكان واحد ما يعدينا ما تتشاءموش والله يا بلادنا غير جنة ...........و جيل الرشوة و جيل الحراقة نقص ماعادش كيما كان

وانا من رايي بوتفليقة خدم حوايج بزاااف ملاحو العهد نتاعو فالبلاد مليح