حاب ندير معاك الدار بصح قارعي ؟؟؟؟؟؟؟؟؟؟؟؟؟؟

[bida27]

بسم الله الرحمن الرحيم صح فطوركم يا لمة
لقيت وحدة حبيبتي حكاتلي على وحد الشاب غريب الاطوار ساعة وهو يهدر ما فهمتش منه حاجة
انا والله حابه نعرف الغاية من اللف والدوران

انا ما لقيتش واش نحكي في هذه الظاهرة وليت نشوفها ياسر في شبا ن هاد الايام لما يحب وحدة يقولها لازم نتعارفو ونتشاوفو ونخرجو ونشوف عقليتك اذا تتوالم مع عقليتي
صدقوني بالله اني اكره كلمة حاب ندير معاك الحلال على خاطر سمعتها من عدة اشخاص همهم الوحيد التلاعب فقط
حابة نقولكم وعلاش ما تختاصروش الطريق وتدخلو من الباب وتقول واش عندك direct
ولا واش رايكم يا ولاد اللمة لعزاز ونتمنى ما يكونش واحد فيكم من فئة لي حابين يديرو الحلال (يا وفاقو )هاكدة انا نسميهم



نتنظر رايكم surtout شبان بلادي الفحولا ولي راه من هده الفئة يقنعني بوجهة النظر ديالو
نبداو التحدي وما دا بيا كل وحدة من بنات بلادي تحكي موقف صرالها مع كاش واحد من الفئة القلاية

 

[louna91]

ختي هدا الوقت لي لحقنا ليه كي البنات كي الولاد كامل الله يبارك....انا تان تصرالي بزاف هادي تاع راني ناوي معاك الحلال بفففففففف لي ناوي الحلال عمرو ما يطلب من بنت الناس تخرج معاه خاطر هو عمرو لا يقبلها على ختو و لا لالا.اي صحا على الموضوع و تقبلي مروري.​

 

[نهلة21]

شوفى اختى مش لازم اى شاب يقولك نخرجونتعارفو لازم علينا نخرجو معاه هدا مش شرط لى حاب يتعرف يجى يدق بابكم ويدخل بالحلال خير ما يجيب بيك الوقت من بعد يقولك روحى باي باي ومن بعد يولى يعجن ويخبز فيك عند كامل الناس من احسن نفكرو قبل ما يصرا هدا كل

 

[عاشق بنات حواء]

الناس مشي كيفكيف ومتحكميش على الناس من واحد

 

[bida27]

الناس مشي كيفكيف ومتحكميش على الناس من واحد

يا اخ انا مش راني نحكم عليك ولا عى غيرك انا هدرت بصفة عامة
عاود قرا الموضوع با ش تفهم مليه
شكرا

 

[اسماء16]

نورمال ختي اتعرفي عليه وهدري معاه ولكن لكل شيء حدود اعرفي كيفاه تمشي برك
تقبلي مروري
​

 

[جبور34]

الناس ميش كفكيف

 

[programmeur]

شعب المصالح عندهم هادي العقلية
يفكر غيل في مصلحته وحتى ولو كان ناوي الحلال
يخرج مع بنت الناس وكي ماتعجبوش يروح عند اخرى
هكدا تصبح البنت كي السلعة اللي يجي يلبس وكي ماتعجبوش يرجعها لمولاها

راه صاريلكم كيما الفردة تاع الصباط هههههههههههههههههه

 

[سارة 196]

شوفي اختي ما تقولي عليا سلفية ولا معقدة لخاطش صاحبتي قاتلي راكي
معقدة
شوفي اختي والله مكان كيما اللي تمشي نيشان وتشد في ربي
انا تاني طفلة كيما نتوما ونعرف الحب والعشق بصح انا نقولك
ادا تبغيني ارواح لدارنا
ادا تبغيني ما تخرجنيش وما تخليش الناس تهدر
ادا تبغيني تهمك صمعتي على ديك الواحد ادا بد يخلقك في العدار غي كملي معاه
قبل ما توالفيه اكتر
والله اعلم المهم ربي يجيب اللي فيه الخير

 

[لميس.]

اللي هدرتيه كااااامل عندك الحق فيه وما عندي ما نزيد راكي كفيتي ووفيتي الله يبارك فيك وجزاك كل خييييييييييير

 

[ألاء]

صح هذي الظاهرة منتشرة بزاف اذا عينك في الطفلة الباب قدامك معينكش فيها خليها ومهيش عفسة نتعرفوا ووووو وبعدا يكره منها ويروح لغيرها يقلها مخرجتيش علي باينة لحكاية من الاول مالة من الاحسن
نيتك اذا نويتها تنفذها ميش تحكمها عندك
​

 

[bida27]

شعب المصالح عندهم هادي العقلية
يفكر غيل في مصلحته وحتى ولو كان ناوي الحلال
يخرج مع بنت الناس وكي ماتعجبوش يروح عند اخرى
هكدا تصبح البنت كي السلعة اللي يجي يلبس وكي ماتعجبوش يرجعها لمولاها

راه صاريلكم كيما الفردة تاع الصباط هههههههههههههههههه

خويا هادو لي راه صاريلهم كي الفردة تاع الصباط هما نسا ء
ما تنساش بلي انت تاني عندك نساء في داركم لذلك ما دا بيك تحسن من الفاظك سيدي المشرف هادا التعبير لا يليق بلمتنا يا اخ
الشكر على مرورك

 

[bilale-007]

مشكوووووووووووووووووور على الموضوع

 

[حنين العمر]

انا مع الاخت سارة مليار بالمئة .و ما يهمك حتى واحد

انا ياما سمعت كلام كما هذا ........معقدة لاعبتها ..........لكن
اذا كان شيئ يتعلق بشرفي و اخلاقي فيقولوا مايحلوا لهم​

 

[abdsamad.]

اللي ماتعرفش تعوم وعلاش تعوم تقعد عند الشط!!!؟؟؟

 

[مجنون البرصة]

بسم الله الرحمن الرحيم
سلام اله عليكم
ورمضان كريم
تامنوني منذ مدة وانا نقرا مواضيع في اللمة ديما تمسحو يا البنات الخدمي في الاولاد
المهم انا ما ندخلش في هذا الامر
حبيت ناقش موضوعك
الوقت تبدل يا جماعة وصحيح ضروك ما بقى لامان لا في الراجل ولا حتى في المراة باش نكونو صرحاء
يعني الخدع والخيانة والمذب واللعب واللهو راهم في كلا الجنسين
بالصح يلزم في هذه الظاهرة ما نعموش نعرف شي ناس والله خرج مع بنت عرفها مليح شاف عقليتها والحمد لله راهم الان بانيين دار
المشكل فينا التعميم اللي راهو مخصر
يعني مرات تروح البنت ضحية المجتمع يقولوا فيها حكاية كيما البنات كلهم وتروح ضحية
والله عيب كبير كبير الراجل يلعب ببنت يا هل ترى يقبل شخص ما يلعبوا باخته
والله لا
انا الحمد لله واقسم بالله العظيم في حياتي ما نويتش نلعب بفتاة ديجا ضروك صحابي بقاو بلا راس فيا يعني قالولي راك تعيش في الاحلام عقلية تاع الوفاء والاخلاص يعني بكل صراحة جاتني فرص باش نخون حبيبتي لكن اقسم بالله نيتي غلبت في الاخر وراني لحد الان وفي ومخلص ليها عساها تكون كيما انا ان شاء الله وربي يكملنا في الخير والحلال وربي يجمهنا في دار واحدة يا رب
وان شاء الله كل المتحابين تكمللهم بالخير يا رب
الله يصلح حالنا وحال المجتمع ككل
كل التوفيق ان شاء الله​

 

[@احساس طفلة@]

ايييه كاينا منها بزااف هاد العفسة نتع باغي لحلال
أنا منأمن حتى واحد يقولي هكدا الي باغي لحلال يجي لدار
وعلاه الخطبة علاه داروها غير باش يتعارفو فيها​

 

[احلام ضائعة]

والله صح حالة منتشرة هادي الايامات والله صراتلي لكن ربي جابها في الصواب المهم حطي رجلك في الصح ما عندو مايدور بيك

 

[maria13]

قاع راهم هاكا ومن بعد ماتصيبي لا حلال لا والو
غير حرام في جرام
مشي على الطريق النيشان وخطيك منهم قلال اللي يستاهلو في هاد البلاد

 

[imy_amani]

رد: حاب ندير معاك الدار بصح قارعي ؟؟؟؟؟؟؟؟؟؟؟؟؟؟

السلام عليكم ورحمة الله وبركاته
شكرا لكي على طرح الموضوع اختي الكريمة

دروك الاغلبية راهم يتمشوا بهاد العقلية
بصح حتى لبنات راهم مرخسين برواحهم
تبيع روحها بالرخيس
اللي رايحة نقوله يبقى رايي الخاص
دروك تلقايهم يحبوا يخرجوا ويصاحبوا
وكل واحد يفتخر انو عنده خليلة
وحتى هي تفتخر بكل وقاحة
صارت عندهم حاجة عادية
يا اختي
كي تلقاي بنت مايهمهاش شي
والاولاد تاني راهم يلعبوا
وقليل اللي تلقايه يعرف قيمة روحوا

البنت كي تعرف قيمة نفسها
من المستحييييييييييييييييييل
انها تعمل شي يحط من قيمتها ومن شرفها
وعلى حساب الشي اللي مقتنعة بيييه
لخاطر كي تكون تعرف انو هادي العلاقات غادي تخسر فيها غير هي
ماتفكرش فيها حتى
بصح كي تشوفها على اساس مقياس تقدم وكي تعملها
راهي تعيش في حياتها تقدم فرصة لاي واحد يقوللها كلمة

ورانا نشوفوا كل يوووم منهم

واخيرا اختي الكريمة
الزواج نصيب
ومقدر ومكتوب عند ربي
والحرام يؤخر الحلال ويقل بركته
ومن تعجل الشيء قبل اوانه عوقب بحرمانه وهنا اتكلم عن الحب الحلال
والبنت اللي تعرف قيمة روحها ماترضاش تكون سلعة كل يوم في يد واحد
وما تخونش اللي اقرب ناس ليها اهلها اللي استامنوها على شرفهم
وتعيش بقيمتها ورافعة راسها


شكرااااااااا لكي
تقبلي مروري


​