هيا وليدي نديك تصلي معايا......

[sam_houssem]

السلام عليكم
وصحا رمضانكم كامل
ما نخلي حتى واحد باه تحبوني كامل
المهم خلينا من الحب
خاطر قالها لطفي يدير الحب ويجيح العبد سيرتو كي يجي نهار الاحد
اليوم حبيت نحكي على حاجة لاحظتها بزاف في رمضان هذا
الا وهي الناس لي يجيبو معاهم اولادهم الضغار زعمة باه يصليو
جاء رمضان وفرحنا بيه
وفرحنا اكثر كي شفنا الجوامع يتعمرو بالمصليين
من كل الاعمار شيوخ شباب اطفال
حتى لي عمرو صلى في رمضان يحكم الصف الاول
قريب يطيرها للامام
والشيء لي يفرح تلقى واحد يجيب ابنو الصغير يعلمو ويولفو في الصلاة في المسجد من صغرو
يا فرحتي شحال باهية هاذ الحاجة
تحس روحك رجعنا لوقت الرسول عليه الصلاة والسلام
مي الشيء لي يقطعلي فؤادي
كي تبدا الصاة ويبداه هذوك الصغار باللعب والضحك والجري والناس تصلي
وين رايحين بيها يا جماعة
صح مليح تجيب ابنك يصلي
مي خويا سامحني لازم تفهمو بلي ماهيش بلاصة تاع لعب
ماش الطفل مازال ما يفرقش بين الالوان تجيبو يفسد الصلاة على الغاشي
والله صدقوني اليوم نصليو وواحد ابنو يجري بين الصفوف ويرقد ما يخليش الناس حتى باش تسجد
واش راح دير تحبس الصلاة وتعطيه زوج كفوف
ولا تحكم باباه لي جابو تعطيه بدماغ
قولولي برك وش الحل
؟؟؟
هيا نخليكم صحا سحوركم
وفطوركم ومولاقاة الخير
​

 

[اسماء16]

واش تحبي ختي ومقلتيش الي راهم يجو يقصرووو وخلي خلي ربي يهدي معندنا منديرو متقدريش تحكمي في ناس كامل كل واحد حر
انا وحدة نصلي فدار احسن شيء
مشكورة وانتي تاني صح فطورك
​

 

[هدى42]

ما عنك ما يي غير الله يهديهم هذا ما كان

 

[sam_houssem]

واش تحبي ختي (خويا ماش اختي) ومقلتيش (ما قلتش) الي راهم يجو يقصرووو وخلي خلي ربي يهدي معندنا منديرو متقدريش نحكمي (ماتقدرش تحكم )في ناس كامل كل واحد حر​

انا وحدة نصلي فدار احسن شيء
مشكورة وانتي (مشكور وانت ) تاني صح فطورك ​

ههههه
باين خدم فيك رمضان
رجعتي ما تفرقيش بين الطفل والطفلة
نصيحة برك ماش قادرة تصومي افطري​

مشكورة اختي
على مرورك وردك
وعندك حق ما عندنا ما ندير
غير الواحد يقول ربي يهدي ما خلق
سلام وصحا فطورك​

 

[sam_houssem]

ما عنك ما يي غير الله يهديهم هذا ما كان

اللهم امين
ربي يهديهم ويهدينا معاهم ويهدي جميع امة محمد
مرسي العزيزة
وصحا فطورك اختي
اتهلاي في روحك​