كبرنا وكبر معانا همنا فقد نقول ان الايام تمضي ولكن هل الايام ترجع سؤال يطرح نفسه

ي

يسرى 2008

:: عضو متألق ::
أوفياء اللمة
السلام عليكم
صحا فطوركم
سير تقولو يسرى اي تفلسف في الموضوع هدا الله غالب اني مفلسفة والكل يعرفني
انا اليوم حبيت نحل كتاب حياتي
ونقرا فيه شوي ونتدكر الدكريات
وحليت الالبوم فوتو وشفت الايام الي تعدات واللحظات الي ضحكت فيها
والاوقات تاع البراءة
والاوقات الي لقيت فيهم اصدقاء صح
وتاني شفت الاوقات الصعبة وكيفاه تلمينا لافامي الكل وعاونا بعضانا
شفت اللحظات الي ندابز فاها مع خواتاتي ههه وقت الي نعيط عليهم
تفكرت رمضان الي تعدا ورمضان هدا ورمضان قبل 15 سنة
تفكرت الاوقات الي تدابزت مع لافامي والاوقات الي عاونوني فيها
وتما عرفت انو جمعت لافامي مكانش كيفها
اليوم جداتي راحت للعمرة وصلناها
وكي رجعنا للدار عرفنا قيمتها نسنا غير وقتاه تجي وتطبطب الباب
كبرنا وكبر همنا نعرف موضوع متشائم
بصح نحب نعرف علاه نكبرو تكبر همومنا معانا
علاه منبقاوش كيما كنا
علاه الايام تفوت في ساع
​
 
والله تقول راكي طليتي على قلبي مام انا جدة راحت اليوم وصلناها والله كون تشوفي شحال توحشتها:tears::tears: يا يسرى ربي يرجعهم على خير تكبر هممومنا بارسكو كل مانزيدو نكبرو راح تزيد مشاكلنا وزيد عباد تبدلو مراحش نبقاو كما بكري هدي هي دنيا يمات حلوين ويمات مرين ورانا عايشين
يعطيك الصحة حنونة وصحا فطورك ​
 
ميرسي خويا سعيد يعيشك وانت زادة
ايمان مالا تلاقينا اليوم في المطار وما شفناش بعضانا هههه معليش
والله يا اختي انا الفطور مكليتوش من كترة الوحش على الطابلة وش نقولو ربي يرجعهم بسلامة وبرك
 
سلام ...صحا فطورك
انا نقولك لازم نعتبرو من حاياتنا وكي نتفكورو الزينا و الشينا ندو عبرى و لا فايدا سيرتو من غلطاتنا هاذي الحاجة الوحيدة لنتفكرو على جالها ليفات....سلام
 
السلام عليكم
صحا فطوركم
لازم كي نرجعو بالدكريات نتعلمو من اخطائنا ونحاولو ماكررهاش

​
 
صح عندكم حق مشكورين على الرد
 
هاه تفوت ليام و مايبقاو غير الذكريات
 
صح حالة نتساءل فيه علاه نكبرو وتكبر همنا معانا
هذه الدنيا الانسان كي يكون صغير تكون خاطيه المشاكل مازال براءة اما كي يكبر يبقى يحاول يشوف الدنيا واش تحمل في طياتها وتلقايها مشغول بيها اذا يدخل في المشاكل نتاعها
 
خاصك في العنوان.. كل هذا و ذاك تشاهدونه في الأوقات التالية مع يسرى ههههه
اييييه فكرتيني بوحد الذكريااااات....:tears:
 
شكرا اخت يسرا ,هذا الاحساس كامل مرينا بيه نتذكرو الطفولة وعفويتها وجمالها ونتحصروا على الايام لي مضات

نكبرو تكبر همومنا عل خاطر تكبر معانا الانانية وتصغر فينا البراءة وتتبدل نظرتنا للحياة ,منين كنا نلعبو ونجرو والبال خالي والقلب بريء ولات عندنا متطلبات وطموحات وهموم
ابتسمي اختاه وارجو خالص الرجاء ان تعود جدتك وتاخذك بين ذراعيها ان شاء الله
 
إيه فكرتيني بجدة الله يرحمها كانت مرأة و نص تمنيت كون راهي معانا ذوك كاين ذكريات ميتنساوش شكرا أختي
 
ايه هادي هيا لافي اختي
علاه نسمعو في الانتحار درك
والعجائب
غير من البدوع ربي يسترنا
 
يا يسرى اختي ربي يرخعلكم جداتك بالسلامة
لازم تكبار همومنا باسكو عدنا نعرفو الدنيا هادي ماشي كيما كنا صغار كنا نحسبوها غير لعب
شكرا اختي
صحا صحورك
 
صح اختي نور يعيشك حنونة
 
اوووو كي غاية عندك كتاب وقاع
والله متمنية تكون عندي مذكرة من نكبر هكا نبدا نتفكر وقاع ها بصح عدنا بوليس ف دار تفتيش يوميا ههههه
ماما ربي يحفظها او قاتلك نخاف عليكم ههههههههه
ايه نكبرو وهم يكبر صح يا ختي في بالي انا حنا رانا هم على دنيا باين موصيبة مش قاع كاين معندهم هم وادا عندهم ماشي بزااف
ها مكتوب ربي شكرا ختو ربي يوفقك ويهنيك
​
 
كل شي يفوت تبقى غير الدكريات
اييييييييه فكرتيني في بزاف حوايج
 
قال يسرى 2008:
ميرسي خويا سعيد يعيشك وانت زادة
ايمان مالا تلاقينا اليوم في المطار وما شفناش بعضانا هههه معليش
والله يا اختي انا الفطور مكليتوش من كترة الوحش على الطابلة وش نقولو ربي يرجعهم بسلامة وبرك
إضغط للتوسيع...
امين يرجعونا بخير هدا مكان والله كيفي جات سامطة حالة بلا بيها شفتي خسارة كبيرة كونلا تلاقينا تكلختلنا
:yahoo::yahoo:​
 
وعليكم السلام اولا ربي يرجعلك ميمتك بخير

صح كاينةة منها مي ماشي هاك انا تبانلي بلي الواحد كي يكبر و يتفكر الذكريات الي فاتو يحس بالحزن و كانو ماراحش يزيد يعيش يامات كيفها و هاد الشي نوعا ما يعد هم و زيد ماتنسايش الواحد كل ما كبر كبرت معاه السؤوليا و زاد فهمو للعالم و عالمنا غير هين ابدا و هدا تاني يعد هم..

سيتو كي نتفكر حاجة راني نزيد نجي و نفرغ قلبي

تقبلي فلسفتي و تحليلي ..
باي صح سحورك
​
 
بكرسي كنا صغار براءة تاع الصح همنا الكبير اللعب ودرك زعما فقنا للدنيا نخمو كيفماه ننجحو في حياتنا نطلعو ونهبطو نجريو وراء الدنيا ونسينا بلي كلشي والمكتوب
انشاء الله جداتك ترجع بالسلامة ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom