الهدرة القلبة ...هههه ادخلوووووو

[hadjer92]

السلام عليكم ورحمة الله وبركاته
وش راكم ياناس ؟؟ اليوم السخانة راهي دايرة حااالااااا
:surrender:
اليوم حبيت نحكيلكم شوية على الهدرة المقلبة ..يعني واحد كي يعود يهدر بزربةولا يكون ديخ..دي فوا تروحلو الهدرة...هههه​

انا وحد النهار فالكلاسة كان راسي يسطر عليا ..وكامت الاستادة تع المات دارتنا تمرين وقالت شكون ينوض يديرو؟؟...
مالا ناضت الكلاسة كاااملة "استادة استادة استادة استادة ... ويماجينيو نتوما 44 تلميد كي ينوضو يعيطو كامل :surrender:..مالا انا تسدت ودني ..سع قلتلها لصحبتي "اييي اي تودنت سدي "
ههه
تاني خطرة جيت نقول البقرة رجليها سمان قلت "البقرة سمنيها رجال" :yahoo:
صحبتي قاتلي وحد النهار كانت زدرانة ..جات تقول لمها خشمي مسدود سع قاتلها "سدي مخشوم" ههههه
وينت عمتي وحد النهار روحت مع صحبتها من القراية على طريق وحدخرا .. جات تقلها طريقكم طويلة .. تالمو ديخانة قاتلها "طريقة طويلكم "...:scared:
هههه
ونتوما جامي عكستو الهدرات هكا ؟؟​

:yahoo:
نتمنا تتفاعلو مع الموضوع.. سلااام​

 

[** غزال الصحراء **]

ههه قتلتيني بالضحك و الله //
لبارح مريح أنا وصاحبي شايخين ,, أيا قالي ( الحصة كاشي بدات ليوم ) ,, زعمة باش يقولي الكاميرا كاشي

و العكيس تاع الهدرة دايمن يصرا ,, كيما تاع اللي يحب يقول : خمسالافتي سرقوهالي يقول ( سرقلافتي خمسوهالي )

ايا Wiw .

 

[** غزال الصحراء **]

صحيتي هاجر, شكرا على الموضوع .

 

[الجمرة الخبيثة]

هههههههههه
صح تصرا مرات
وانا وحد النهار جات صحبت ماما لدار وانا راني غير كي نضت روض ميدوروش
هي جات وملقاتش ماما وجابت بنتها صغيرة اول مرة تدخلنا للدار ايا قعدت شوي وجات رايحا قتلها ياويلي يزهيرة جيتيني غير بيديك ههه خلعت تقول وش بيها الطفلة (العوض نقلها بنتك اول مرة تدخلنا معلقيتي عدي والوا )
​

 

[NICHA03]

ههههههههههههه مرة جيت نقول لبابا بابا جيت جان قوتلوا بابا جيت جان فاش هههههههههه قالي شوف اسيدي

 

[hadjer92]

ههه قتلتيني بالضحك و الله //
لبارح مريح أنا وصاحبي شايخين ,, أيا قالي ( الحصة كاشي بدات ليوم ) ,, زعمة باش يقولي الكاميرا كاشي

و العكيس تاع الهدرة دايمن يصرا ,, كيما تاع اللي يحب يقول : خمسالافتي سرقوهالي يقول ( سرقلافتي خمسوهالي )

ايا Wiw .

ههههه مليحة هادي تق سرقالافتي خمسوهالي ..ههه
مشكوووور على اعتماد الموضوع اخي :wink:

 

[hadjer92]

صحيتي هاجر, شكرا على الموضوع .

قريت التوقيع الجديد تاعي ؟؟:tears::tears::tears:

 

[hadjer92]

هههههههههه

صح تصرا مرات
وانا وحد النهار جات صحبت ماما لدار وانا راني غير كي نضت روض ميدوروش
هي جات وملقاتش ماما وجابت بنتها صغيرة اول مرة تدخلنا للدار ايا قعدت شوي وجات رايحا قتلها ياويلي يزهيرة جيتيني غير بيديك ههه خلعت تقول وش بيها الطفلة (العوض نقلها بنتك اول مرة تدخلنا معلقيتي عدي والوا )​

هههههه مشكووورة على المروور

 

[hadjer92]

ههههههههههههه مرة جيت نقول لبابا بابا جيت جان قوتلوا بابا جيت جان فاش هههههههههه قالي شوف اسيدي

هههههه ياخي عدات سالامات برك ؟؟ مشكورة على المرور يا الزينة

 

[ملك اللمة]

سلام ...و صحا فطوركم
انا صراتلي ليوم ...ايا رحت للحانوت نشري حليب شكاوي ههههههانا قتلو اعطيني(شكيب لحلاوي)

 

[hadjer92]

سلام ...و صحا فطوركم
انا صراتلي ليوم ...ايا رحت للحانوت نشري حليب شكاوي ههههههانا قتلو اعطيني(شكيب لحلاوي)

هههههههههههه جبتهانا جديدة خويا ...
يعطيك الصحة وصحا بعد الفطور راك باين ديخان اليوم ..هههه
سلاام

 

[BOUSS]

كينا منها هاجر والله خطرات الهدرة تتلف معا التعب تاع رمضان
العبد يعود يطرش وخلاص والله خطرات الاسموات يتلفولي ايا صحا فطورك

 

[معاك يا الخضراء]

هههههههههه عدرا ختك راني نقلك هجرة
ونتي عندي سمانة وانا نسمي فيك عادر
هههههههههههههه​

 

[bouaz]

موضوع هايل اختي مرسي والله منخليها فخاطرك تستاهلي تقييم تحياتي وصح فطورك +تقييم

 

[@احساس طفلة@]

حتى أنا صراتلي
وحد النهار رحت نفتح الباب نتع الدار
يخي لازم نقول شكون....
أنا قالت ألوووووووووو
ههههههههههههه​

 

[souhila_95]

ياحصراه عندها ما صراتلي .................كرشا على الموضوع قصدي شكرا

 

[ISMA.dz]

ههههههههههههه فشليا رجلو......رجليا فشلو

 

[loca]

واه صح تصرا بصح انا والله منغلطش في هدة متروحليش والله كيما نقولك نضل نهدر h 24 سينورمال هههههههه
انا ترثارة منسكتش كامل بصح انا نقلب هدرة وحدي نوقت مع لي نحكي معاهم ههههههه خلي موضوعك لي نوقت عليه بهدرة نجي نخبرك هههههههه
​

 

[*ليديا*]

صح فطوركم
ههههههههه يعطيك الصحة حنونة
راهي بارتو كامل تجرا معانا
كي نتفكر راني نرجع
​

 

[zahra09]

صح تصرا بزااااااااف حتى الواحد يرجع يدحك على روحو

مرسي ختيتي​