racisme fi laghouat

[le beau ange]

ya khawti assalamou alaykoum wa rahmatou allahi wa barakatouhou le racisme le régionalisme fi laghouat yasser eda kan le nom de famille ta3ek machi men laghouat ma tkhredjlek wrka ma ykaymouk ygoulek makeche men hna wchenhi had lassem rak brani dahira ghariba tgoul rak djay men mars

 

[shy_girl]

wa3alaykOm salam

oh Oh !!!
what's up ?!!!

ana mn laghOuat
wash kayen exactement monsieur
??
kifach hadi
ana jamais sma3t b7aja kima hak
ga3 nass kif kif
3lah nta mnin
??
et SVP e7kina wach sarlek exactement


​

 

[madjidz]

كلنا جزائرين رغما عن انفنا .
وكلنا اخوة .
انا اغواطي بالصح هاذي جامي سمعتها انت العبها بلي راك من لبلاد .
وماتقيم حتى واحد . راني نحدث فيك .
وقولهم الي يسال يجي يخلص .
وراني معاك للصباح .

 

[madjidz]

wa3alaykom salam

oh oh !!!
What's up ?!!!

Ana mn laghouat
wash kayen exactement monsieur
??
Kifach hadi
ana jamais sma3t b7aja kima hak
ga3 nass kif kif
3lah nta mnin
??
Et svp e7kina wach sarlek exactement


​

هو من بريكة وشيكيتو جا لغواط وماقيمهش .
اه لغواط ناس ملاح .
بلاك طاح في شبيبة ضايعة صائعة .

 

[le beau ange]

ya khawti ana rani mra 3aycha fi laghouat ça fait 12ans machi djedida hdi 2 fois reht llmahkama ta3 laghouat hatit mes papibach nkharedj la nationalité men dimanche li fat galouli aredj3i mardi gelt ma3lich raha la charge ( les concour bezaf les bachelires men ba3d ki roht mardi galek zid youm wla3 ma3lich zedna rohna galek wadrna les papiers djaybethoum men 500km w zid wchenhi ad alassem mdjakbel machi 3aib 3lik tgoul lwahd had lhadra _ makiche mena makich kwatiya ana khardjili kwarti mayhemekch assmi lala w hadi machi la 1ere fois fi lmahkama fi lbaladiya fi lycée par tout ma fhemtech 3lah ( lbarania klaouna lbaranina djayine yaklou fi lkhobza lbarania darou lbarania darou aw 3ayb chi hada hacha lfhoulla w wlad lbllad ta3 sah

 

[shy_girl]

wallah ya khti wash ngoulek
raki goultiha
hacha lfhoula w wlad lblad
psk ana ngoulk laghouat ktar fiha lbaraniya
manich nehki 3lik mais
3ad li men wala yahkam lkorssi weli chad plaça y3afass 3la lghachi

mais echi li 7kiti 3lih ndon raho partout
ana ma3labalich psk jamais ro7t lma7kama
mais 3la 7ssab klamk allah la ychawafni

rabi m3ak
w nchallah tsshal omourek


​

 

[shy_girl]

wallah ya khti wash ngoulek
raki goultiha
hacha lfhoula w wlad lblad
psk ana ngoulk laghouat ktar fiha lbaraniya
manich nehki 3lik mais
3ad li men wala yahkam lkorssi weli chad plaça y3afass 3la lghachi

mais echi li 7kiti 3lih ndon raho partout
ana ma3labalich psk jamais ro7t lma7kama
mais 3la 7ssab klamk allah la ychawafni

rabi m3ak
w nchallah tsshal omourek
​

 

[mir@cle]

ya khawti ana rani mra 3aycha fi laghouat ça fait 12ans machi djedida hdi 2 fois reht llmahkama ta3 laghouat hatit mes papibach nkharedj la nationalité men dimanche li fat galouli aredj3i mardi gelt ma3lich raha la charge ( les concour bezaf les bachelires men ba3d ki roht mardi galek zid youm wla3 ma3lich zedna rohna galek wadrna les papiers djaybethoum men 500km w zid wchenhi ad alassem mdjakbel machi 3aib 3lik tgoul lwahd had lhadra _ makiche mena makich kwatiya ana khardjili kwarti mayhemekch assmi lala w hadi machi la 1ere fois fi lmahkama fi lbaladiya fi lycée par tout ma fhemtech 3lah ( lbarania klaouna lbaranina djayine yaklou fi lkhobza lbarania darou lbarania darou aw 3ayb chi hada hacha lfhoulla w wlad lbllad ta3 sah

شوفي أختي
أنت بالاك جيتي للأغواط وأنت عندك فكرة مسبقة باللي كاين راسيزم .... وانهم يفضلو وليد البلاد على البراني ... الخ

أنا نضن بلي هذي الفكرة فعلا كاينة منها بالصح في بلايص معينة مش في كل مكان، وربما في مسألة التوظيف بالتحديد، ومانتصورش باللي الأمر وصل لدرجة كره كل من هو براني ومضايقتهم وتضييع اوراقهم في الادارات..

وهاذي المشاكل كاينة في كل بلاصة فالجزائر باش نكونو واقعيين ...

أنا نقلك المشكل وين راه بالضبط
المشكل انو مدينة الأغواط مدينة عدد سكانها صغير جدا والادارات اللي فيها في أغلب الأوقات تكون فارغة والضغط عليها مش كبير
فهاذي الأدارات مش متعودة على ضغط كبير فالخدمة .. وفي هاذي الأيام بالذات اللي تصادف الدخول الاجتماعي، والتسجيلات ..الخ وايضا شهر رمضان اللي فيه ساعات عمل أقل ..يكون الضغط على هاذي الادارات كبير ويصيروا المشاكل
أنت يا ختي جيتي من باريكة وهي بلدية كبيرة في باتنة، وربما يكون آداء الادارات فيها عالي خطراش هما متعودين على الضغط الكبير

..منيش عارف اذا قنعتك ؟؟ :tears:
​

 

[SAMANTHA]

والله يا اختي واش نقلك حنا الى من الاغواط راه يصرا معنا هاك desfois
معناها غير ما تقوليش بلي راكي برانية صرا معاك هاك
البرانية هنا عايشين لاباس عليهم ما كاين لا راسيزم ما والوا
ادا انتي تلاقيتي بناس كيماهاك
الاغواط و ناسها ماشي كيما هاك
و ربي يهديهم الي داروالك هاك و ربي يعينك
حنا تاني desfois يخرجونا من عقولنا في حوايج تاع ورق
mais اسمحيلي تهدري على هدي و تقولي racisme
ما شفتيش كي يروحو الاغواطيين برا كيفاش يعاملوهم
ولاد الصحرا مانيش عارفة مناش يشكو ؟؟؟؟
mais كاين الناس لملاح و مازال الخير كاين
هنا تقول ماشي بلاد وحدة الجزائر
كل بلاد تضحك علي الاخرى
المشاكل هادي partout اتحلاي بالصبر و خلاص
و ربي يفرجها عليك هادا ما نقلك يا اختي
سلام.

​

 

[NICHA03]

سلام اختي والله عندك الحق انا ثاني عايشة فالاغواط صح هما ناس الجود والكرم بصح لي يكون ماشي غواطي متكونش المعاملة تاعهم مليح يقلك جيتو في بلادنا وتحكمو فينا واش تحبي نديروا..............سلام
صحى فطورك

 

[سهيلة الاثرية]

السلام عليكم يا اختي اوافقك الراي 100ب 100 انا تاني مانيش من الاغواط و يصرالي نفس المشكل surtout الاسم راكي قولتيها وشنه هداالا سم المجقبل قبايلي ولشاوي ماكش منا بطريقة مؤذية و كءن البراني ملقط ما عندوش اصل صراحة سكنت في 7 ولايات بحكم تنقل عمل والي لم اصادف عقلية كما هذي و هذا لا ينفي ان الاغواط فيها الفحولة تاع الصح ولاد لبلاد كيما قلتي تلقايهم في وقت الشدة رجال maisتلقايه وليد لبلاد ووليد الاصل يعني غواطي حر الله يهدي الجميع لو كان برك ينحيو عقلية البراني لخاطر رانا ga3وليدات الجزائر

 

[الجمرة الخبيثة]

ههههههههه
هادي غير نgزوها يخاوتي غير حنا الي مافيناش!!!!!!!!!!
ونتي ياحنونة وين رحتي ورجعوك قولينا
ولا نقولك الي قصدتيه مش منا معناها مش قويطا 100/100 براني كما نتي
غير قويطا الي مافيناش داك راسيزم

​

 

[الجمرة الخبيثة]

السلام عليكم يا اختي اوافقك الراي 100ب 100 انا تاني مانيش من الاغواط و يصرالي نفس المشكل surtout الاسم راكي قولتيها وشنه هداالا سم المجقبل قبايلي ولشاوي ماكش منا بطريقة مؤذية و كءن البراني ملقط ما عندوش اصل صراحة سكنت في 7 ولايات بحكم تنقل عمل والي لم اصادف عقلية كما هذي و هذا لا ينفي ان الاغواط فيها الفحولة تاع الصح ولاد لبلاد كيما قلتي تلقايهم في وقت الشدة رجال maisتلقايه وليد لبلاد ووليد الاصل يعني غواطي حر الله يهدي الجميع لو كان برك ينحيو عقلية البراني لخاطر رانا ga3وليدات الجزائر

راكي تهدري علينا :scared:حنا نعاملوا فيكم هاك ولانتم
ياللعجب !!!!!!!!!!!!!
بهتوني قع هادي لموعاملة معجبتكمش واش دوروا عدنا هيا ؟؟؟؟؟؟؟؟:busted_red:

 

[الجمرة الخبيثة]

سلام اختي والله عندك الحق انا ثاني عايشة فالاغواط صح هما ناس الجود والكرم بصح لي يكون ماشي غواطي متكونش المعاملة تاعهم مليح يقلك جيتو في بلادنا وتحكمو فينا واش تحبي نديروا..............سلام
صحى فطورك

ياسبحان الله فيكم هدا منقول :closedeyes:

 

[chiguevara]

السلام عليكم
ايه اختي وش نقلك انا اقواطية 100/100 و صرالي المشكل تاعك 2 مرات و صرا مع جداتي ثاني حنا المشكل في الاقواط ما يسموهش راسيزم يسموه معرفةكيما كامل الدزاير عندك المعرفة اللهم ما برك ورقك يخرجوا في ساعة ما عدكش باصيت و نظن الاخ ميراكل شرحلك جزء من الموضوع و المشكل اللي راه صاري

 

[chiguevara]

السلام عليكم مرة اخرى تاع الصح انا قريت التعليقات حسيت روحي منيش عايشة في لقواط وفي الصح انا اقواطية و عايشة في لقواط يمالا بلا ما نحكي لحكايات نقولكم يا خواتاتي لقواطي امشوا معاه نية يحطكم في عينيه و فوق راسو
بلا ما تنساو حنا كامل جزائريين و اخوة و ولاد بلاد وحدة و كلمة براني بالنسبة ليا متعجبش لانو حنا كامل جزائريين
نقولكم صح فطوركم و صح سحوركم و رمضان كريم

 

[سميةCR]

صح فطوركم وسحوركم ...........

tom and jerry



​

 

[سهيلة الاثرية]

يا الجمرة الخبيثة la preuve ردك واش دورو عدنا رانا في دولة وسمها الجزاير ماشي لغواط ورانا قلنا بلي كاين ولاد الفاميليا بصح واش نقول غير الله يهدينا اجمعين و ماشي غير في الادارات رانا نقولو عقلية مراناش نداوسو هنا رانا نطرحو في واش رانا نحسو لازم تفهمونا راه لغريب على بلادو وعلى اهلو وعرشو صعيب يا خاوتي مايحسش بالغربة غير كي تقولو براني علاش جيت لبلادنا الغريب يحس كثر من وليد لبلاد و ما يحس بالجمرة غير لليعفس عليها الله لا يوري لواحد الحقرة وهو غريب

 

[SAMANTHA]

يا خاوتي راكم مكبرينا بللا والوا
كي عدتوا طارحين موضوع للنقاش فيه اعرفوا كيفاش تحطوه
و هادي اهانة لناس الاغواط racisme ما كانش منو
و راني سبق و قلت انوا الاغواطيين يعاني نفس الشيء برا
و واحد ما شكا و قال racisme امالا انتهى الموضوع
البارانية هنا هما ولاد البلاد اغواطيين
ما همش حاسين رواحهم برانية طول غير انتي مكبرتها
هما هنا مستقرين و عايشين كيف كيف مع ناس البلاد لاباس عليهم
و الحقيقة لقيتها حاجة تافهة تحكي على ال racisme في بالد ما فيهاش ال racisme
و هادوك الناس الي تهدري عليهم و الي محسينك هاك ما هومش ولاد الاغواط
برانية تاني
هادي غير ماتعاودوهاش قالك racisme .
​

 

[chiguevara]

السلام عليكم و جمعة مباركة
يا اختي سهيلة وش رايك نحكيلك على حكاية صراتلي و غيرها ياسر كي ولا هذا راسيزم و حنا يصرالنا في الادارات وش نقولو حنا راسيزم على الغاشي كامل و اختاي الجمرة الخبيثة و سامنتا نظن لازم تحكو وش صاري هوما في بالهم نهدرو هاك
المهم الحكاية مرة في الليسي جابولنا وحدة استاذة فرنسية و هي اصلا تخصصها مش فرنسية برانية كيما قلتوا و كان عندنا زميل تلميذ من نفس ولايتها طول العام حنا لقواطيين قاع متشوفلناش تهدر معاه ق هو حنا عقبناها عادي و محسبنهاش حنا ثاني و في نهاية العام و ش قالتلو و تصوت فيها اففففف الواحد كره من جد هذي الصحراء ما فيها والو و بدات تعاير في لقواط و ناسها و هي اصلا ما تعرفهمش ما شافتش لقواط كاملة شافت ق المعمورة المهم انا طرت فيها قتلها تاكي في الخبزة و تسبي في الملة دارت روحها ما سمعتنيش حتى عندي صحبتي واحدة من سطيف جاتها مش نورمال
المهم لحكايات ياسر الرحمة على لي جابوك قوليلي وش يسموه هذا بلاك راسيزم و الله اعلم
انا ما درتش عليها و ما عممتش على ناس هذيك الولاية لاني نعرف بانها واحدة ووحيدة و الناي لي نعرفهم من باتنة و من سطيف و من العاصمة و من تلمسان ....الخ ما خلاونيش نعمم لانهم ناس ملاح و جامي ما عايرو ناس لقواط و هدرتهم و ولايتهم
هذي حكاية واحدة و لحكايات ياسر صراو معايا شحال من مرة و صراو مع صحبياتي و خواتاتي و يصراو مع ناس الصحراء كامل
راني من بعد ندير تعديل منيش حابة المشاكل بين لحباب حنا رانا ولاد بلاد واحدة و كيما كاين الناس لملاح كاين لمش ملاح بصح ما تعموش