عاجل : جبال ونوغة تحترق والسلطات تستهزء بالأمر

[aYyÖub aDaM]

بسم الله الرحمن الرحيم
السلام عليكم خاوتي صحة فطوركم الموضوع راني كاتبو بالغسبية وكل مافيه حقيقي ويحدث الان من موقع الحدث ونحن نتأهب للصعوط الى الجبل للاخماد
--------------
يشهد الان سكان بلدية ونوغة حالة من الخلع والخوف وهذا لاندلاع النار في جبل المنطقة وهذا منذ البارحة

ولم يتمكن السلطات من اطفائه الى الان وهي في زيادة والسكان متخوفون ان تنزل الى القرية

وعند وقوفك وان تشاهد المنظر يدب الرعب في قلبك تأثيرا بالمنظر الذي لا يصر الناظرين صدقوني الكل هنا متخوف

وهنا اتأسف لحال دولتنا وسلطاتنا عن عجزها منذ البارحة عن اطفاء تلك الحريق

نتمنى ان تتجند الدولة وبطرق سريعة لاخمادها لانها في حالة اقتربت من القرية والعياذ بالله فأنها ستحرقنا بالكامل
----------------------
وكل من ليديه معريفة في الدولة ان ينقل معاناتنا لانها في ازدياد

النار لن تنطفء الا بالطائرات المروحية ربي يستر وادعولنا معاكم

-----------

للتذكير بلدية ونوغة تقع في شمال ولاية المسيلة دائرة حمام الظلعة
​

 

[aYyÖub aDaM]

ياجماعة اي واحد يعرف ناس من تاع الحرائق ولا الطيرات يقلهم ربي يعيشكم
والله ربي يستر ادعولنا ربي يفوتها على خير
​

 

[سرور الجزائر]

ربي يستركم

 

[shosho.21]

ربي يستركم و يفوتكم على خير

ان شاء الله ميكون غيرا لخير

 

[aYyÖub aDaM]

يا جماعو ياخاوتي ربي يعيشكم كيما قتلكم

واي واحد مسجل في كاش منتدى جزائري او موقع اخبار او اي شيئ يوصل الرسالة للسطات العليا

صدقوني رانا سمحنا في التراويح والشباب قاع طالعين ربي يخليكم وصلو الرسالة

والله راني نكتب وخايف راهي غير زايدة

ياربي استرنا واعفي عنا وارحمنا


​

 

[aYyÖub aDaM]

من فضلكم لا تضيعوا الموضوع

 

[عاشقة رجاص]

السلام عليكم ورحمة الله وبركآته
ربي يستركم خويا وإن شاء الله تقدرو تطفوا النيران
ربي يستركم برك​

 

[aYyÖub aDaM]

واعطوني حل كيفاه نوصلو الرسالة لنتا الطائرات المروحة ولا معندناش في دزاير نتاع شكبي

والله واحد يقول كلام خاطي مع دولتنا

افففففففففففففففف يا جماعة ربي ينصركم انشرو الخير الله يعيشكم على الاقل نحتاج مساعدات

من الولايات المجاورة

لاحول ولا قوة الا بالله
​

 

[عاشقة رجاص]

ياخويا ماعندكمش رقم الحماية المدنية؟​

 

[عفاف الجزائرية]

ربي يستر ان شالله
ربي يكون معاكم وان شالله ما يكون غير الخير

 

[aYyÖub aDaM]

يا ختي واش دير الحماية باعثين كاميو ولا زوج واش يدرو انا نقلك راهي زاهرة للسما راهي غابة في الجبل

لازملها كوبتير وماعرف والله ماعندي وش نقول فمي حبس ربي يستر ربي يستر

 

[aYyÖub aDaM]

الحمد لله بدأت النار تنطفئ تدريجيا لكنا احاطت وانتشرت في كامل ارجاء الجبل

نتمنى ان تنطفئ تدريجيا كل هذا كان بشجاعة سكان البلدية الذي ابو الا ان يكونو الجدار المانع لوقف هذا الاندلاع

الذي تبقى حقيقة اندلاعه مبهمة لدى سكان القرية فمنهم من يقول ان الدولة هي السبب وكانت تقوم بعملية تمشيط

على مستوى سلسلة الجبال ومنهم من يقول انها من الحرارة المرتفعة وتبقى الحقيقة غائبة

المهم الان هو ان نتمكن من اخمادها ...دائما اخوتي تذكرونا بالدعاء والتوفيق على اخمادها
​

 

[عاشقة رجاص]

السلام عليكم
الحمد لله أخي إن شاء الله النار تنطفىء دون أي خسائر بشرية
وطمنا خويا عليكم​

 

[بودبوز]

ربي يلطف بيكم خويا كملتو من محنة الزلزال جاتكم محنة الحرائق
ربي يكون فالعون
​

 

[aYyÖub aDaM]

شكرا لكم على وقوفكم الحمد لله قمنا باطفائها حتى الفجر

كيما قلت خويا بودبوز السنة عام ربي يستر من كارثة كارثة

واش نديرو نقولو الحمد لله على كل شيء
​