انا بصراحة جبتلكون موضوع وسببو الرئيسي موقف صار معي
مارح طول كتير عليكون
القصة صارت بتاريخ 22 حزيران الي فات
انا كان عندي صديقة بعرفها كتير وكانت مريضة بالدم
الله لا يضر حدا ( امين)
وكانت العملية تبعها بتكلف 5 مليون
سوري
يعني 100 الف دولار واكتر شوية بس اهلها فقراء مامعهم
هالمبلغ
المهم هالبنت كان عندها ايميل وكنت اكلمها كتير بس بتاريخ
22 حزيران
وبصراحة استفقدتلها كتير فقلت يابنت اتركيلها كلام اوف لاين
وفعلا حكيتلها :
((حبيبتي عهد وينك شو اخبارك وين هالغيبة طمنيني عنك
بأقرب وقت
انا اشتقتلك كتير وياريت تكوني محافظة على شرب الدواء ))
هالحكي كان الساعة 2 بعد نص ليل
بعد شي ساعة ونص فتحت صديقة تانية لالي وكانت جارة ل
((عهد))
وحكتلي : بدي احكيلك خبر محزن
انا حكيتلها : قولي بسرعة شو في؟؟
فجاوبتني انا لله وانا اليه راجعون ... العواض بسلامتك ..عهد
توفت
انا بصراحة حسيت بصدمة رهيبة واصابني سكتة مطولة وبعد
شي ربع
ساعة وانا ابكي
حكيتلها لصديقتي :: من ايمت توفت؟؟
قالتلي: من شي ساعتين او اكتر شوي
بصراحة انا انهرت تماما وكنت رح افقد اعصابي
كيف اني تذكرت صديقتي بوقت كانت عم تقبض فيه روحها
لبارئها
واوقات بس اتذكر هالموقف برجع بحس برجفة وخوف كبير
هاد اصعب موقف صار معي بحياتي
ادعو معي الله يرحمها ويرحم موتى المسلمين اجمعين
وبدي من كل شخص يحكيلنا اصعب موقف صار معو بحياتو
لحتى اقدر اتحمل يلي صار معي
ويارب الله مايحط حدا بموقف متل الي صار معي
وشكرا