████ هاو يديروها الكبار و يخلصوها الصغار و يوحلوا فيها ████

EL General

:: عضو مَلكِي ::
أوفياء اللمة
السلام عليكم و رحمة الله تعالى و بركاته

ردوا السلام :busted_red:


الدخول للمووضوع :

نعرف عائلة جيراننا لاصقين فينا
و نعرف وحد الطفلة في عمرها : 24 عام

راها باينة وصلها سن الزواج و لازم تتزوج

و يا محاينك اللي راهي تحبه و تحب تتزوج بيه

بين أبوها و أبو الحبيب عراك من وقت الثورة التحريرية

يعني أبوه و أبوها مايتفاهموش و جامي يتفاهموا

و الله أنا ديما تغيضني الطفلة ديما تشوفها حاكمة روحها
و تحب تبكي ساعات

وش معناها :

يديروها الكبار و يخلصوها الصغار ؟؟؟

وش ذنبها هي و لا وش ذنبه هو ؟؟؟

إذا تعاركوا الكبار ؟؟

صحيح الكبار هوما اللي يتفاهموا

بصح الله تعالى ماقالش نقطعوا بين حبل الزواج

راككم قطعتو بداية حياة جديدة ؟؟ و لا راني غالط ؟

و لحد الآن مازال الوضع هكا ...

علابالي انا الطفل درك يقلق يروح يشوف
Female.gif
أخرى

المهم

اللي يشوف هذه الظواهر

يحكي لنا

الموضوع تع نقاش من فضلكم

و فكونا من : ههههههههه ، خخخخخخخخ

و إليكم الخط ...
 
توقيع EL General
و عليكم السلام
..كيما يقولك المسامح كريم
و ماشي مليح هاد الاولياء يدخلو امورهم الشخصية عندها ماضي
في مستقبل هاد الطفلة و اللي راهي حابة تتزوج بيه
ويدا كان هاد السيد لاباس بيه و عاقل
ما عندهم غير يقبلو بيه
و نقول لهاد الطفلة
انتي ديري اللي عليك باش تقنعي والديك
بصح بالتفاهم و النقاش
ماشي تروح دير حاجة ما ترضيش والديها
و ربي سبحانه
خاترش مهما يكون الوالدين يقعدو والدين
و مام ولا دات هاد السيد بلا ما يقبلو والديها
ماهيش رايحة تنجح في حياتها
خاترش والديها رايحين يغشوها و يزعفو عليها
هههه علابالي نهدر بزااف
مي ربي يفرج هدا مكان
 
آخر تعديل:
هادا هو المجتمع تاعنا واش تحب تدير

الوالد مايمدش بنتو لاخاطر يكره بابات الولد و لا بالاك جدو و لا عمو هادي كاينة منها بزاف عندنا

عمبالهم هوما لي يتزوجو مشي ولادهم

ربي يهدينا هادا مانقدرو نقولو
 
hhhhhhhhhhhhh t9oul film drama ya okhti wach habitina ndirou hadi hiya koul wahed yadi mektoubou rabi ykoun f 3awnha nchallah
merci 3al el mawdou3
 
هادي هي العقلية
و المصيبة مش هنا المصيبة في الجيل الصاعد اللي ينقد الكبار و كي يولي في عمرهم يدير نفس التصرفات هيا افهم انت
 
ههههههههههههههههههه خخخخخخخخخخخخخخخخخخخ هذي كي قلتها نديرها سكارة فيك
اما الميضوع نتاعك والله غير مليح ويستحق النقاش
لحد الآن ماعرفتش :mellow:علاش الكبار يغلطو ويخلصوها الصغار:scared::tears:
وهذه الظاهرة شائعة بزاااااااااااااف عندنا واش نقولو:angel:
ربي يهديهم قولو :yahoo::busted_red:آآآآآآآآآآآآآآآآآآآآآآآآآآآآآآآآآآآميييييييييييييين:closedeyes:
copy.png
trans.png
 
لازم ادير لي يرضي رب الاعالمين النزاعات هاذو جامو لا يدومو ايه من لبثورة التحريرية كنا احنا وفرانسا مانتهاملوش كي الاما والزيت مي ضرك ولا المياه المجاريحا
 
اليك خويا صح واش قلت كيما حنا نقولو يديرها ذيب وتحصل في جراه ههههههههه هدرة معوجة تاع زمان
انا في بالي تسمع هدرت باباها وصاي مناش في تركيا تا تهرب معاه ولا حاجة راح تخلي تبهديل موراها من جوايهنا مصراتش ادا بغيت انا نجربها معليش مش خسارة هههههههه نضحك خويا بصح مسمعتش بيها عند وحدة قريبة
شكرا خويا حفظك
 
ééééééééééééééh
يا مارادونا ياخويا والله وقلتيها يديروها لكبار تغلي
وتوحل في مكتوبنا نحن الصغار
الله لا تربح لي كان السبة
+ تقيم وشكرا ليك
 
يا خويا صح هوما ماعندهم حتا ذنب

و اكيد مدامهم مايتفاهموش مستحيل يناسبو بعضاهم


شكراااااااا اخي



 
كــــــلشي بالمكتــــــــوب اذا حب ربي يــــتزوجو سي يتزوجـــو
لا متعاركين من الثوره ولا من لبـــــــارح
يع ــــــــطيكـ الـــــــــــــــــصحه
 
يلعبها زعمة خليل و يخطفها و يزوجها و يرحمها ربي . .

الله غالب هذو هوما ناس بكري عقلية مقزدرة و مقودة . .

ربي يجمعهم
 
توقيع الرومنسي الجاد
راكم تشوفوا مساكن يتحرمو من بعض على جال حاجة ما ذمبهومش فيها
 
واش راح ديــر
كــلشــي بــالمـــكــتوبـ
 
بروبلام كبير هدا
واعرة بزافــــــــ يا محاينك
كما قلت يديروها الكبار ويخلصوها الصغار
ربي يهديهم و
يكبرلهم فلعقل مش العمر
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom