**حملة لتسييق الجزائر بمناسبة العيد السعيد **

[عاشقة رجاص]

السلآم عليكم ورحمة اللهـ وبركآتهـ:
صح فطوركم
---------
رانا فالأيام الأخيرة من شهر رمضآن ربي يبلغنآ رمضآن الجاي إن شاء الله
وكيما كامل العآئلات الجزائرية لبنات مسآكن فهذو ليآم يشيانو خلااااااااص
بسسب الميناج :tears: ولي gاطو:yahoo:
وأنا اليوم حبيت نهدر على عآدة من عآدآت الجزآئريين الجد حميدة ورائعة
وهي :النظآفة
مالgري التسياق والميناج هالكنا في كل يوم من أيام السنة:tears: مي الميناج تاع رمضان والعيد الصغير والعيد لكبير حآجة أخرى :surrender:
لبنآت راهم فاهميني مليح مليح :tears:
غبارة ماتقعد نحوسوا عليها بالمكبر :music_whistling:
صح هي عادات مليحة فالمجتمع الجزائري والنظآفة من الإيمان بالصح أنا يظهرلي اللي نظيف في دارو لازم يكون نظيف برا :wink:
صح ولا راني غالطة؟
مي رانا نشوفوا العكس
مثلا:
مرا تسيق وتدوس في دارها ومبعد تطيش لقرع ولابوبال من البالكون؟؟؟
ناس تاكل وتطيش برا
لي بوبال في كل بلاصة
المارشي كي يقفل تلقاه بوبال :surrender:
والله ماهيش أفار خلاص
قولولي وكتاش نتعلموا حآجة إسمها
تربية بيئية
الضرر كامل راهو راجع لينا
تلوث وأمراض وأوبئة وتشويه للمناظر العامة وناموس
مالا كل واحد يحاول قدر المستطاع يبدا بنفسو ويحافظ على نظافة محيطو كيما يحب دارو تكون نظيفة:wink:
--------------
بالنسبة لعنوان الموضوع واش رايكم كون نسيقوا دزاير نبداو بالصحراء ونجيوا طالعين بالفروطوارات والباليات حتى نلحقوا للبحر الأبيض المتوسط ومبعد نحطوا طابي فالحدود واللي يدخل للجزائر لازم ينحي السباط ويمسح رجليه:yahoo:
-------------------------------
عيدكم مبارك تعيدوا بالصحة ولهناء:heh:​

 

[فراشة الايمان]

موضوع مميز و رائع و يستحق التقييم

 

[mira.21]

بالنسبة لعنوان الموضوع واش رايكم كون نسيقوا دزاير نبداو بالصحراء ونجيوا طالعين بالفروطوارات والباليات على نلحقوا للبحر الأبيض المتوسط ومبعد نحطوا طابي فالحدود واللي يدخل للجزائر لازم ينحي السباط ويمسح رجليه
ههههه فكرة هايلة
واللع عندك الحق رانا هلكانين مع الميناج و الgاطو
مي معليش النظافة مليحة
ويعطيك الصحة ختي موضوع هايل
وصح فطورك

 

[iméne09]

بالنسبة لعنوان الموضوع واش رايكم كون نسيقوا دزاير نبداو بالصحراء ونجيوا طالعين بالفروطوارات والباليات على نلحقوا للبحر الأبيض المتوسط ومبعد نحطوا طابي فالحدود واللي يدخل للجزائر لازم ينحي السباط ويمسح رجليه
ههههههههههه:yaw: هدي فووووووور ايا انا لولة معاك في هدي الفكرة وراني موجدة فروتوار ومكنسة:yahoo: مي شوية رايحين طولو باش تلحقو لينا ايا اكنسي فوق لفوق :yaw:
نرجعو للسـuـجي عندك الحق حنونة النقى يلزم من داخل ومن برا ماشي تشباح من داخل وبرا يعلم الله وسخ عند باب ومايقدروش يرفدوه مي شكون لي ينضر من غيرنا راه هلكنا ناموس مي مع من تهدري ياو كاين عباد معافن مايفهموش :heh:
فكرتيني في ميناج :tears:بديناه مي مزالل الخير ولخمير غيرا ظهورنا تقسمو :sadwalk:وخلي هم الحلوى مايجي يلحفق العيد غيرا تكولينا :crying_1:
يعطيك الصحة حنونة موضوع هايل
​

 

[fufa22]

كي توصلو جيهة دارنا نعاونكم ب بدون ماء
​

 

[chiva.]

موضوع جميل جدا بارك الله فيك + تقييم

حملة ذات منفعة عامة علابيها كثر ناموس تحير تسيق دارها ومبعد طيش بوبال من نافذة ههههههه تناقض

 

[حورية الجزائر]

ايه صح الفكرة وصلت

حاجة شابة

علاش مكانش في بلادنا حملات تطوعية لتنظيف الاحياء

وتبقى دائما وراء هذه العبارة علامة ؟ كبيــــــــــــــــــــــرة

 

[chiva.]

علاش مكانش في بلادنا حملات تطوعية لتنظيف الاحياء

وتبقى دائما وراء هذه العبارة علامة ؟ كبيــــــــــــــــــــــرة

بلدية مش تخدم في خدمتها دازينها غير تvياس

 

[حورية الجزائر]

بلدية مش تخدم في خدمتها دازينها غير تvياس

ايه هادا هو المشكل


كل واحد يتكل على الآخر


اما البلديات خليهم راهم راقدين في سبات عميق مديرش الحس خيرما يفطنو:heh::heh:

 

[chiva.]

ايه هادا هو المشكل


كل واحد يتكل على الآخر


اما البلديات خليهم راهم راقدين في سبات عميق مديرش الحس خيرما يفطنو:heh::heh:

كل واحد يتكل على الاخر

؟ عارفين شعب اعوج حاشا مش كل ملا يخدمو خدمتهم على العام يبكو على مناصب عمل ومبعد يلعبو لعوبهم مرات نقول عندهم الحق يشد الحيط :closedeyes:

 

[DARINE05]

يعطيك الصحة اختي مي معامن تهديري او العرق فينا تع الجزائرين
مثلا نزف انا وجاري يوسخ نعود حلوف نبطل منضفش

 

[حسام د]

عنجد فكره حلوه كتير

لجزاائر ولكل البلاد العربيه

شكرااا كتير لطرحك الرااائع

تستحق خمس نجوم وتقيم وطلب صداقه كمان

هههههههه
​

 

[**بنت الأصول**]

بالنسبة لعنوان الموضوع واش رايكم كون نسيقوا دزاير نبداو بالصحراء ونجيوا طالعين بالفروطوارات والباليات على نلحقوا للبحر الأبيض المتوسط ومبعد نحطوا طابي فالحدود واللي يدخل للجزائر لازم ينحي السباط ويمسح رجليه:yahoo:
هادي الفكرة راني معاها :yahoo:المهم لولاد يعاونونا ومايحgروش على لبنات كل شيء لبنات لبنات :tears:
ههههههـ
موضوعك هايل يالغالية وكلامك صحيح والله صراحة إحنا عندنا الشارع إنتاعنا لازمه كل أسبوع نظافة بصح عندنا جيرانا نفهموا فيهم ماتعملوش لوسخ وحافضوا على نظافة الشارع والله ضاربين الدنيا بkتبي :music_whistling: وماعلبالهم بشي
لكن هالأيام تربوا شوية كي شافوا العيد قرب هههـ
أيا في لامان ونختم قولي بـ النظافة من الإيمان والأوساخ من الشيطان
مشكورة :angel:


​

 

[**بنت الأصول**]

كي توصلو جيهة دارنا نعاونكم ب بدون ماء​

بدون ماء برك ياو رانا مش نسيقوا إتزاير كلها

هه هه هه​

 

[mohamed ali 1992]

السلآم عليكم ورحمة اللهـ وبركآتهـ:
وعليكم السلام ورحمة الله تعالى وبركاته

صح فطوركم
--------
الله يسلمك وانت زادا

بالنسبة لعنوان الموضوع واش رايكم كون نسيقوا دزاير نبداو بالصحراء ونجيوا طالعين بالفروطوارات والباليات على نلحقوا للبحر الأبيض المتوسط ومبعد نحطوا طابي فالحدود واللي يدخل للجزائر لازم ينحي السباط ويمسح رجليه:yahoo:
-------------------------------
عيدكم مبارك تعيدوا بالصحة ولهناء:heh:
​

موضوع في محله أختي عاشقة رجـاص ...
بصح الصحراء واش تلقي ماتنظفي فيها ههههه سمانة وانت دوري تلقي غير الحالة صحراء هههه :wink: تلقي صاشيات يلعب بيهم الريح :music_whistling:
مكانش خير من النظافة ... وهذه مسؤولية كل فرد وكل مواطن اذا نظف كل واحد روحه وكان مؤمن بضرورة نظافة منزله حيه وكل بلاصة رايح تتنتشر ثقافة النظافـة ...لكن مادام كل واحد فينا يرمي الصاشيات والقرع الفارغة والاوراق وغيرها من الأوساخ وكل واحد يبقى يقول هذاك يرمي وهذاك يرمي ماراح يتغير والو ...كاين بلايص نظيفة في الجزائر ومشهورة بنظافتها وكاين بلايص ماتتشافش وكاين بلايص راهي راهي تتنظف بالشوي بالشوي ...يبقى دور المواطن هو الدور الكبير في هذه الاصلاحات ...
ربي يعاونك ويعاون جميع البنات هههه في عمليات التنظيف المكثفة وخاصة في هذه المرحـلة :tears:
باركـ الله فيكـ ...عيد سعيد وكل عام وانت بالف خير

 

[إحسَانْ]

هههههههههههههههههههه هايلة هاذي

انا وذراري نسيقوا كوتي نتاع ليبيا وتونس

 

[sandybelle]

هاكي هدي والله يوفقكم :music_whistling:

 

[أبو عاتكة]

مصيبة قلة النظافة في الجزائر وعند العرب بصفة عامة
متى نستوعب قيمة النظافة والتعاون على التنضيف
واضيف انه على المصالح البلدية لكل مدينة والولائية لكل ولاية ان تقوم بواجب الردع لكل من يتسبب في الفوضى والوسخ
يعني لما تشوف شخص في محل او سوق او منزل واضع القمامة او مكدس الاتربة والحجر والحديد او اي مادة تظر المارة ان تفرض عليه عقوبة اما ازالة الاذى واما السجن .

انا في رايي الردع وفرض النظافة والنظام في الشوارع بالقوة لانو لم يفد لا التوعية ولا الدعوات ولا الحملات .
تؤذي الطريق ولا تعطي حقها تتعرض للسجن حتى يتم ازالة الاذى .
هذا الحل الوحيد والا كيف سبقنا الغرب في ذلك لا بردع المخالفين .

 

[AnGeL*dZ]

عبالك اجورا كون يديروا هاذي الحملة أول عايلة تشارك هوما عمومي الرجالة
يموتو على النظافـــــــة:surrender:

شفتي ابنتي كيفاه النسوين ينضفو دارهم ويرميو لخماج برا
و المرا تحكم عليها بللي نظيفة من قدام باب دارها
:music_whistling:

لآزمـ نديرو فورمات لعقلية الجزايري لازم كي ياكل حاجة برا مايطيشهاش ويخبيها في جيبو كي يوصل لدارو يطيشها هذا اذا مالقاش وين يرمي

لو كل واحد ينظف قدام باب دارو ويتلمو ليجان وينظفو الكارتي تاعهم
جزايرينا راها مليحة بصح الله غالب العبد يخرج بنيتو ينظف يقولو عليه مهبول
صحـــــيتي بنت لبلاد :yahoo:


​

 

[عاشقة رجاص]

موضوع مميز و رائع و يستحق التقييم

السلآم عليكم:
مرورك هو الرآئع حبيبتي فرآشة
شكرآ جزيلآ لك
وعيدك مبآرك​