حلى كاسات بشوكولاته كيندر اللذيذه
.... طعمه أكثر من رائع...
أول شيء جبت علبة كاملة شوكولا كيندر
وذوبتها في حمام مائي
بعدين أضفت لها فنجان قهوة حليب السعودية
الحين طفيت النار عن الحمام المائي
للشوكولا وجبت علبة كبيرة بسكويت أولكر للشاي
كسرت نص العلبة بأيدي عشان تبقى خشنة
وطحنت نصفها عشان أبيها ناعمة لأني بسوي نوعين من الحلى
بنفس المقادير
وضعت البسكويت الناعم بالكاسات ورتبته صح بالملعقة
مع الضغط الخفيف حتى يرتص بالكاس
بعدين أصب نصف كمية الشوكولا اللي
ذوبتها فوق البسكويت بالراحة
وتزينيها بالطريقة اللي تبيها وهذي صورتها من الجانب
الحين الطريقة الثانية :ـ
نضع البسكويت الخشن فوق الباقي من الشوكولا
بعد زيادة فنجان قهوة حليب السعودية لها
نعجن البسكويت صح مع الشوكولا بعدين نرصه بالكأس
نغلفه بدريم ويب أبيض مخفوق ومجهز سابقاً
بعدين تزينيه حسب رغبتك أنا زينته برش بودرة قهوة
بارنيز أحس إنها أضافت له نكهة حلوة مرة
وهذي صورته
تقدميها مع القهوة العربية
