واش صرالك اليوم ؟؟؟ كونوا معانا

[إشراقة حب]

واش صرالك اليوم ؟؟؟ كونوا معانا


السلام عليكم ورحمة الله تعالى وبركاته

ان شاء الله راكم كاااامل بخير


اليوم جيت بموضوع هااايل ونتمنى يبقى معانا لمدة طويييلة فالقسم .

أيا مالا كنت قاعدة وجاتني في بالي فكرة

نتاع كل واحد يحكي لنا موقف صرالو اليوم ولا غدوة ولا البارح ولا السمانة الجاية

موقف محرج ولا يضحك ولا يفرح

المهم قاسمونا شوية حياتكم

وقاسمونا مواقفكم

نتمنى تكون مشاركة قوية

كيما نعرفوكم يا رواد قسم واش راك تهدر

مالا ماتخيبوناش وابداو معانا


نبدا أنا :

هذي العام لي فات ياسيدي ..كان عندي امتحان روحت ركبت فالتران

ووصلنا لزياري نتاع الكوس ..ايووووه راني نمشي بشوية

انا وصلت للكوس ديالنا وترق :scare d: الصباط تقطع

واش ندير حرت ..مالا مزية ليزاري نتاع الكوس ماشي بعاد بزااف على الدار

والحمد لله كي كان التيلفون

عيطت لبابا جابلي صباط اخر وفررررر طرت للجامعة هههه

بصح والله ماننساها تبهديلة نمشي ونكركر في صباطي​

 

[BARCA232]

السلام عليكم ورحمة الله تعالى وبركاته
لي عودة لموضوعك
​

 

[EL General]

اليوم نهار كامل و أنا مع الميكرو ماخرجتش


​

 

[روعة الأخلاق]

مممممم
من كثرتهم حتى نسيتهم
هذا مرة رحت باه نخرج بحث تاعي في السيبار مالا انا خدمتو في الدار و هزيت لفلاش
مديتو لمول السيبار بدا يخرج ورقة زوج تلاتة حتى خلصو
طليت على ساكي ملقيت حتى دورو هههههههه


نسيت دراهمي
وليت نقلو اسمحلي ووو... جاب ربي يعرف خويا قالي معليش روحي برك كي تفوتي منا جيبيلي
و قدام ذاك الغاشي ياااااا البخااايص
هههههههه
ميرسي اختي ع الميضووووع

​

 

[روح الوفاء]

اليوم واش صرالي؟؟؟

إيه اليوم راني فرحانة بزاااااااااااااااااااف
على خاطر رجع الموضوع الشبااااااااااااب
تاع ختي لعزيييييييييييزة " اشراقة حب"

هاذي ليكي...ان شاء الله تعجبك

​

 

[السلطانة]

اليوم وهاليوم
النو مدايرة حالة
رحت نقرا ​

طلعت جبل الحلوف للجامعة الجديدة
ياسلام
نزلت ديراكت
لقيت الgلت والغرg
وقافلة تاع كلاب في فم الباب ​

حكمت الطلعة لي طيحتلي جهدي حتى وصلت
تلاقيت ابتسام وريمة
تغدينا
على ال12 ونص دخلنا قرينا td
ادب مقارن
تؤبرني الاستاذة شو حلو​

ة​

​

عطاتلنا مقولة قالتلنا ديرولها التحليل تاعها نشوف المستوى نتاعكم
حللنا وقرينالها سمعتنا ​

خلص الوقت خرجنا ومعانا امينة
راطينا الكور
قالولي الاستاذ تاعو صامط
مالا حكمنا طريق العودة
ركبنا في البuس
والى المنزل


​

 

[manghassa_ali]

السلام عليكم
درك نفتكر و نرجع كنت نستنى في الموضوع والظروف اللي فاتت نساتني
​

 

[هديل الربيع]

اليوم انا فريب تقابدت مع واحد في ال bus مللي ركبت و هو يخرج في عينيه معايا و من بعد جا قدامي و ضربني على رجلي خزرت فيه رايحة ندبزوا الله غالب خفت من التبهديل هههههههههه شفت معاه من الفوق لتحت و بدلت بلاصتي نستنى فيه برك يزيد يغلط معايا باش نحطلوا سعدوا في يدوا ايا فهم روحو و كي نتفكر كاش حكايات نحكيلكم

 

[جزائرية مكاش كيفي]

اليوم واش صرالي مممممممم

ايه اليوم درنا فرض ماكنت حافضة والووووو رحت على ربي :crying:+لحقت روطار بزاااف لقيتهم بداو الفرض:blink: و البلايس قاع خلاصو كل واحد قعدتو وحدو زهري قعدتني في الطابله الأوله مع القاريه تاع الكلاصة :lolo:كتبتلي كلش في ورقة كل الأجوبة و مدتهالي .كوبياج هااااااااااايل
:tongue_1:هههههههههه:lol:

تسلمي ع الموضوع يا عسل
​

 

[manghassa_ali]

السلام عليكم
كي كنت صغير السنة التانية ابتدائي
كانت عندنا سيارة، كي كانت مسكرة في الgراج مابغاتش تتفتح، امالا طلعنا انا وخويا فوق سطحها وابدينا نزحلقو فوقها،
امالا انا قتلو انديرو السباق مشاريار زوج خطرات فتو والخطرة الثالثة جبيتها بطيحها على ظهري وتضربت على راسي ودخت،كي فطنت في الشنبرة ،امي ادريلي في الريحة وجاو النسا سمعت امي تقوللهم كان خوه يقولو ياقتلك احبس خلاص، بصح انا زدت فيها وافقدت توازني ودييت ضربة قريب قتلت روحي بضحكةi-o:
​

 

[روح الوفاء]

السلام عليكم
واش راكي حبوبة؟؟؟
بالأحرى...وين راكي؟؟؟
قريب تغرب الشمس...وانتي مازال ما أشرقتي
ان شاء الله يكون المانع خير

ليوم تفكرت حكاية
هاذا يا ختي...كان عندنا محاضرة مع وحد لبروف يحب التمسخير بزاااااف
وهاذاك النهار جاتو غير عليّ...كان كل ما يقول "الوفاء بالإلتزامات التعاقدية"
يضحك وحد الضحكة...ويقولهم: يا جماعة ما شي وفاء زميلتكم...
وعاودها شحال من مرّة...وكل ما يقولها الناس تضحك وأنا يطلّعلي الزعاف...
قريب حلفت ما نزيدش ندخل عندو
سمّطها عليا تاع الصح
وكي خرجت قولت لصاحبتي...دبريلي اسم واحد آخر...راني كرهت اسم وفاء
​

 

[AWDIESL]

اليوما rien de spécial .....
صبحت كي الشاطرة وعلى 8 كنت فالجامعة كنت نجري كي الماشينة حتى فقت بلي اليوم ماعندناش قراية مي عندنا ستاج امالا رالونتيت و مشيت بعقلي ..........
المهم قصرنا مع لبروف على الميموار و بدينا نبنو فيها زعما ....قصرت شوية و ضحكت و رجعت للدار..........

و تيتا تيتا خلصت الحدوثة....
هذا واش نكتب ف الاجوندة
ايا ميرسي

 

[إشراقة حب]

السلام عليكم احبابي
ان شاء الله راكم بخير ....نعود لنلتقي في حنايا هذا الموضوع الذي يجمعنا
المهم انا نحيكلكم واش صرا اليوم ...بو انا اليوم جاهدة بصح جهاد نتاع قراية
ندت الصباح على 30*4 نتاع الصباح وجدت روحي وعلا 30*6 خرجت من الدار
مزية مزية لقيت بلاصة فالكوس ريحت ...ايا دخلنا لونفي البروف الاول ماجاش

خرجنا انا وصحبتي نشمو شوية هوا نقي ريحنا في واحد البلاصة شابة كالم فيها الحشيش والشجر وكانت الشتا تقطر بالشوية ...عجبني الحال فووووور

حتى جاو 3 ليجان وقفوا شوية بعاد ...وبداو يهدروا على البالون ويعطوا وكملت جاو واحد كي الشميني بالدخان نتاعو ...فسد الجو كامل قلت لها لصاحبتي نودي يرحم باباك الهوا فسد هههههه

ايا دخلنا ومن بعد كان عندنا اقتصاد كلي دخلت الشيخة خربطت جد يمها كامل بالقوانين نتاعها
عياتنا .... ايا زيد جا الشيخ نتاع محاسبة الشركات وبقا غير يهدر يهدر

وجعلي راسي ههههههههههههههههه ماكملش حتى 30*12

من بعد جرية ليصال تيدي * مكاش كامل الوقت باه يفطر الواحد * نحكموا بلايص

ايا جا الشيخ الاول قرينا وعينا بالهدرة ...وزدت قريت محاسبة معمقة بعدها ماحبيتش نكمل حتى 5

خرجت عييييت بزاااااااااااااااااف وزيد الكراسة نتاع ليصال تيدي يقسموا الظهر
الطابلة جاية في تيندوف والكورسي في العاصمة يسمى تجعد روحك باه توصل تكتب فالكايي

ريحت فالكوس حسيت روحي ماقسوما على زوج ههههههههههههههههه مع لونكومبروموا فالطريق ماوصلتش

حتى الطاقة نتاعي ولات 00 بالمئة ههههههههه

دربتها رقدة من 6 حتى ال 30*10 ههههههههههههههههههههههه

المهم والله القراية نتاع هذا العام تخرج من العينين يالطيف

ادعولي ربي ييسر لي الامور والله عييت وحنا مازال مابدينا نتاع الصح

ايا طولت عليكم هههههه حكيتلكم واش صرالي كامل هههههههههههه
​

 

[manghassa_ali]

السلام عليكم
الله يحسن والله تعب كبير
ربي يكون في العون اشراقة (سمية ) ماتفكريش في المنتدى درك وقت القراية ومبعد يرحمها ربي
والله ولي التوفيق

​

 

[تسنيم22]

يا اختي انا نقولك واش صرالي لبارح كنا انا وابي فليل عند اختي لمتزوجة وكي خرجنا من دارها ركبت فلوطا وبابا قلع كي قربنا نوصلو لدار نزل بابا عند واحد لحانوت قريب لدارنا يشري لخبز وخلا لوطو نايضة وراح للحانوت وبلطبع اللوطو كانت بعيدة شويا على الحانوت انا جاتني فكرة قلت نسوق لوطو حتى لدار لخاطر معنديش بزاف كي جبت لبرمي ايا قلعت لوطو وقلت بابا يجي على رجليه ايا غير قلعتها ومشيت شويا ويروح واحد راجل يجري لبابا ويقوله لطوتك سرقوها وخرج بابا يجري وراجل معاه يجرو مور اللوطو حسبو واحد سرقها وسرقني معاها هههههههههه وانا من هذيك اللحظه حلفت مانزيدش نسوق هذ لبطراكة لي دارلي فضيحة على جالها لي يشوفها كي كان يجري يقول سرقوله مارسوداس

 

[روح الوفاء]

السلام عليكم احبابي
ان شاء الله راكم بخير ....نعود لنلتقي في حنايا هذا الموضوع الذي يجمعنا
المهم انا نحيكلكم واش صرا اليوم ...بو انا اليوم جاهدة بصح جهاد نتاع قراية
ندت الصباح على 30*4 نتاع الصباح وجدت روحي وعلا 30*6 خرجت من الدار
مزية مزية لقيت بلاصة فالكوس ريحت ...ايا دخلنا لونفي البروف الاول ماجاش

خرجنا انا وصحبتي نشمو شوية هوا نقي ريحنا في واحد البلاصة شابة كالم فيها الحشيش والشجر وكانت الشتا تقطر بالشوية ...عجبني الحال فووووور

حتى جاو 3 ليجان وقفوا شوية بعاد ...وبداو يهدروا على البالون ويعطوا وكملت جاو واحد كي الشميني بالدخان نتاعو ...فسد الجو كامل قلت لها لصاحبتي نودي يرحم باباك الهوا فسد هههههه

ايا دخلنا ومن بعد كان عندنا اقتصاد كلي دخلت الشيخة خربطت جد يمها كامل بالقوانين نتاعها
عياتنا .... ايا زيد جا الشيخ نتاع محاسبة الشركات وبقا غير يهدر يهدر

وجعلي راسي ههههههههههههههههه ماكملش حتى 30*12

من بعد جرية ليصال تيدي * مكاش كامل الوقت باه يفطر الواحد * نحكموا بلايص

ايا جا الشيخ الاول قرينا وعينا بالهدرة ...وزدت قريت محاسبة معمقة بعدها ماحبيتش نكمل حتى 5

خرجت عييييت بزاااااااااااااااااف وزيد الكراسة نتاع ليصال تيدي يقسموا الظهر
الطابلة جاية في تيندوف والكورسي في العاصمة يسمى تجعد روحك باه توصل تكتب فالكايي

ريحت فالكوس حسيت روحي ماقسوما على زوج ههههههههههههههههه مع لونكومبروموا فالطريق ماوصلتش

حتى الطاقة نتاعي ولات 00 بالمئة ههههههههه

دربتها رقدة من 6 حتى ال 30*10 ههههههههههههههههههههههه

المهم والله القراية نتاع هذا العام تخرج من العينين يالطيف

ادعولي ربي ييسر لي الامور والله عييت وحنا مازال مابدينا نتاع الصح

ايا طولت عليكم هههههه حكيتلكم واش صرالي كامل هههههههههههه
​

وعليكم السلام
الحمد لله كي شفت دخلتي
نا عليش عمري نقدّروا ظروفك
ربي يكون في العون
على بالي باللي لقريا فالجامعة ما شي ساهلة
بصح...كيما قولتلك من قبل...ديري اللي عليك
وان شاء الله تخرجي من ليماجور
وندعيولك...هاذي بلا ما توصينا وبلا مزيتنا
ربي ينجحك ويوفقك ويسّرلك أمورك ويجعلك من الأوائل في رضاه ورضا الوالدين وفي قرايتك...آمين
نحبك بزااااااااااااااااااااااااااااااااااااف
يا أروع وألطف وأظرف "إشراقة حب"=سمية في العااااااااااااااالم
​

 

[روح الوفاء]

يا اختي انا نقولك واش صرالي لبارح كنا انا وابي فليل عند اختي لمتزوجة وكي خرجنا من دارها ركبت فلوطا وبابا قلع كي قربنا نوصلو لدار نزل بابا عند واحد لحانوت قريب لدارنا يشري لخبز وخلا لوطو نايضة وراح للحانوت وبلطبع اللوطو كانت بعيدة شويا على الحانوت انا جاتني فكرة قلت نسوق لوطو حتى لدار لخاطر معنديش بزاف كي جبت لبرمي ايا قلعت لوطو وقلت بابا يجي على رجليه ايا غير قلعتها ومشيت شويا ويروح واحد راجل يجري لبابا ويقوله لطوتك سرقوها وخرج بابا يجري وراجل معاه يجرو مور اللوطو حسبو واحد سرقها وسرقني معاها هههههههههه وانا من هذيك اللحظه حلفت مانزيدش نسوق هذ لبطراكة لي دارلي فضيحة على جالها لي يشوفها كي كان يجري يقول سرقوله مارسوداس

قتلتيني بالضحك
أضحك الله سنك
وربي يفرحك دنيا وآخرة
ختي تسنيم...إسمك شباب الله يبارك
​

 

[Thayri]

السلام عليكم و رحمة الله و بركاته

جيت نحكيلكم واش صرا لي البارح

زعما الصبح لازم نروح للجامعة نقرا

من عوايدي ننوض على الستة غير الربع و نخرج من الدار على السبعة غير عشرين و نركب le bus على السبعة غير الربع

العشية كي عمرت البوطابل تاعي باش ندير 5.45 درت 6.45

لحسن الحظ نوضتني اختي خمس الدقايق قبل يعني على السبعة غير عشرين ههههههههه

تخيلو في خمس دقايق لبست قشي و غسلت و كملت كل شيء و على

السبعة غير الربع كنت داخل le bus

حطمت الرقم القياسي

مازال

كي لحقت للجامعة

لقيت الاستاذ ماجاش

هههههههه

واش حبيتوني ندير قريب نبكي

​

 

[تسنيم22]

الله يجعل ايامك كلها ضحك وابتسامات يا اختي وفاء الحمد لله اني ضحكتك شويا ونحيت عليك ربي يحفظك

 

[إشراقة حب]

السلام عليكم ورحمة الله تعالى وبركاته
لي عودة لموضوعك
​

وعليكم السلام
ننتظر عودة المشرف بفارغ الصبر
هذي اول مشاركة لك معانا هنا