• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

الي جايه كل اقريبه

BOUSS

:: عضو فعّال ::
أحباب اللمة
سلام عليكم ناس اللمه وصحا صهرتكم
والله وقت يعقب بجري البارح برك نشفي كنت نركب الvلو معا
بابا ونا صغير دخلت الابتدائ ونا صغير حاوزوني من المتوسطة ونا صغير نشفي لهذيك الكلمه امليح كان بقولهالي بابا ياوليدي مراحش تبقي صغير وعايش في وسط والديك تجي نهار تكبر ودير احياتك وتفارق والديك والجي جايه قاع اقريبه صح كاينا
منها والله اليوم راني باولادي ومازلت نتفكر في هذا الكلام ونتوما
علبالي كل واحد مدي عبره ولا كلام من عند والديه ديروه امليح
في راسكم والله كلام من الفضه مايحولش وقت الي تفكرتوه
تلقاوه صح ايا تهلاو في رواحكم خاوتي فرصه اخري ان شاء الله
 
السلام عليكم ورحمة الله تعالى وبركاته
على سلامتك اخي بوس
واله مايدوم حال
وعن الاولياء وكان نديرو على كلامهم والله مايخصنا شيء
ربي يوفقنا ويحفظلك العائلة برك
بالتوفيق

​
 
السلام عليكم ورحمة الله تعالى وبركاته

على سلامتك اخي بوس
واله مايدوم حال
وعن الاولياء وكان نديرو على كلامهم والله مايخصنا شيء
ربي يوفقنا ويحفظلك العائلة برك
بالتوفيق​
يعطيك الصحه اخي محمد وبتوفيق امع الوالدين ان شاء الله
ربي يحفظهم ويطول اعمارهم ونطلبو ربي يقدرنا لخدمتهم
 
و الله عندك الحق

انا الحمد لله نحاول بقدر الامكان ندير على هدرتهم

و هوما تاني ديما متهليين فيا ربي يحفظهملي ان شاء الله

شكرا على الموضوع الرائع + تقييم

تحياتي
 
ماكاش اللي يخاف علينا كيما الوالدين
و مام يزعفو علينا ........هدا على صلاحنا........
و يدور الزمان و نتفكرو هدرتهم و نلقاوها صح

ميرسي
 
ربي يخلينا والدينا
هوما الصح في هذي الدنيا
 
اييييييييه يا زمان


​
 
السلام عليكم
عندك الحق خويا بوص
الكلام تاع الوالدين دايمن يكون على صواب
ونصيحتهم كي نديروها دايمن تخرجنا على خير
ماكاش ناس يخافو علينا ويمتناولنا الخير كيما الوالدين
ربي يخليهم ويحفظهم وان شاء الله
يعطيك الصحة
بارك الله فيك​
 
الوالدين هوما الصح
 
والله عندك الحق
 
عندك الحق خويا واحد كما يكبر يعرف بلي هدرتهم كانت على صواب والحمد مخلفتش امرهم ونصحيتهم تخرجنا طول على خير واحد مايخاف علينا قدهم ربي يخليهم ويحفظهم قولو معايا امين
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom