الخير وخلاونا نخافو باش نديروه

إ

إيمان قلب

:: عضو فعّال ::
أحباب اللمة
السلام عليكم ورحمة الله تعالى وبركاته

....هذا أول موضوع ليا هنا...كيما راكم تشوفو... والظلم خلاني نهدر

حبيت نحكيلكم على على واحد العباد مايخافوش ربي هايجين على هاذ الدنيا

لمهم كاين واحد جارنا غير كي شرا لوطو (طوموبيل) وحاب يخدم على شرو مسكين ومزال ماجاب

lautorisation باش يبدا يخدم ....

كان ماشي حتى فالطريق حبسوه زوج رجال ومرأة وقالولو باللي تدينا في طريقك راه عندنا المرأة

مريضة ادايينها للسبيطار ايا هو رفدهم معاه كي ولاو قريب لواحد الواد لمهم بلاصة خاوية وين واحد

مايشوفهم هبطوه كتفوه وربطولو فمو وغطاوه واداو اللوطو وخلاوه متقايس حتى جات كار فايتة شافو

واحد شاير للي فايتين حبسولو اداوه للابوليس وديكلارا زعما ..والله جا مسكين في حالة .. ميت من

الخلعة اللوطو غير جديدة وماجا يشريها حتى ذاق العذاب وعندو ولاد وعايلة ربي وحدو المعين

عالم يحير ... يخوف... دوكا اي واحد يحبسوه فالطريق مايحبسش باسكو ولاو يخافو ويقولك يصرالنا كيما

فلان .... رانى في واحد الوقت ولاد الحرام ماخلاوش الناس تعيش مام ماخلاوش الناس تعمل الخير

ليكم الحكم على هاذ العباد
تحياتـــي
​
 
آخر تعديل:
walahi ssa7 y7ayar héd lwa9t rabi yéhdina nchalah
 
أهلا مرحبا بيك اختي وبأول موضوع ليك
واش نقولك هذي هي الحالة درك كيفاش رجعت تخاف تدير الخير في عبد
على خاطر الباشع فسّد على لمليح زي الطلاب لي يجي يطلب كاين لي محتاج صخ وكاين لي دليرها ميتيي والشي لي شفناه خلانا نرجعو نتوسوسو من هذو وما نصدقوش عليهم مام زوج دورو على خاطر يبانولنا يكذبو، مالا يا اختي رانا في زمان وين خيرك ديرو بالنية وخلاص ياك الأعمال بالنيات، وهذو العباد ربي يهديهم وربي ما يشوفهم نهار مليح على الحرقة لي داروها للسيد مسكين، هيا مغسي عالموضوع، سلامو
​
 
توقيع الورد الأحمر
يعطيك الصحة ايمان القلب
هكذا راح لمليح في جرت لقبيح ...
الإنسان كي يصرا فيه ويسمع مايزيدش يدير الخير
وللا يوسوسوه فيه
كيما الصدقة مثلا
ياي واحد المرة رحت نصلي المغرب لقيت واحد كبير ياي حكالي وشكالي وبكالي وقالي لوتال مالقيتش باش نسلكو وعندي لمرا في السبيطار ويبكي
ايا قتلو استناني بعد الصلاة
ايا رحت للدار وجبتلو واش كتب ربي سبحانو
ايا راح، واحد الشهرين ماشي ايا جاني وقالي ياخويا ووو انا عرفتو قتلو ماشفيتش عليا ؟؟ قالي لالا وحشم وهبط راسو وراح قتلو وكيلك ربي
قتلو راك تفسد على المحتاجين صح
من هذاك النهار وليت نتوسوس ملي يطلبو
يعني خلاونا مانديروش الخير ....
وكيلهم ربي​
 
راكي تشوفي يا ختي و الله يازمانا هذا مايديرو الخير مايخلو الناس تديرو
ولاد لحرام كترو ربي يبعدهم علينا و يا ربي يلطف من وقتنا هذا رانا ماشيين فالدونجي غير ربي الستار


و ربي يكون في عون جاركم و يفتح عليه من الباب الواسع و يرجعلو رزقو
​
 
راك ولهتني لوحد النقطة يا اخي ماكانش : الصدقة

حنا هنا في الكارطي ديما وحدة تجي بالقفة و تطبطب في الديار قالك عاونوني و انا معوقة زعما فمها عوج و ماتمشيش مليح و زيد في العشرينات هاكدا...حنا تغيضنا ديما نمدولها دراهم قش ماكلة

جاب ربي وحد النهار كنت فالسونطر فيل ندور ..حتي نشوفها قاعدة زعما تدير شوبينغ و ضاربة وحد الحطة تمشي نورمال و تهدر عادي لا معوقة لاوالو...انا تشوكيت ماامنتش راسي ..قلت بالاك ماشي هي قدمت ليها شافتني و لعبتها حشمت زعما .مالقيت واش نحكي قتلها ربي وكيلك...​
 
ya khti cha baghi ngoulou rabi yba9i el ster darwak ma b9ach confiance el 3ibad li mechi mla7 ma khawalawnach ndirou el khir
 
توقيع {مُدَلَّلَتُهُ}
قال nadia.:
راك ولهتني لوحد النقطة يا اخي ماكانش : الصدقة​


حنا هنا في الكارطي ديما وحدة تجي بالقفة و تطبطب في الديار قالك عاونوني و انا معوقة زعما فمها عوج و ماتمشيش مليح و زيد في العشرينات هاكدا...حنا تغيضنا ديما نمدولها دراهم قش ماكلة​


جاب ربي وحد النهار كنت فالسونطر فيل ندور ..حتي نشوفها قاعدة زعما تدير شوبينغ و ضاربة وحد الحطة تمشي نورمال و تهدر عادي لا معوقة لاوالو...انا تشوكيت ماامنتش راسي ..قلت بالاك ماشي هي قدمت ليها شافتني و لعبتها حشمت زعما .مالقيت واش نحكي قتلها ربي وكيلك...​
إضغط للتوسيع...

ايه يا نادية ...
حتى الصدقة فسدوها
ولينا نخافو نصدقو ، كيما نتوما خلاص تبالي ماتزيدو تامنو حتى طلابة هههههه
وكيلهم ربي وخلاص
بصح مزيا ربي يجازوي العبد على حساب النية تاعو ...​
 
دير الخير يدور عليك هذي مقولة صالحة غير في بلادنا عايشين في الخوف ربي يستر
 
قال nour_light:
أهلا مرحبا بيك اختي وبأول موضوع ليك
واش نقولك هذي هي الحالة درك كيفاش رجعت تخاف تدير الخير في عبد
على خاطر الباشع فسّد على لمليح زي الطلاب لي يجي يطلب كاين لي محتاج صخ وكاين لي دليرها ميتيي والشي لي شفناه خلانا نرجعو نتوسوسو من هذو وما نصدقوش عليهم مام زوج دورو على خاطر يبانولنا يكذبو، مالا يا اختي رانا في زمان وين خيرك ديرو بالنية وخلاص ياك الأعمال بالنيات، وهذو العباد ربي يهديهم وربي ما يشوفهم نهار مليح على الحرقة لي داروها للسيد مسكين، هيا مغسي عالموضوع، سلامو
​
إضغط للتوسيع...

عندك الصح اختي مي قلتلي ادير الخير بالنية صح فالطلاب ممكن ديري بالنية لخاطر ربي يطالع للنية ماشي للعباد السراق ... مي كيما عفسة كيماهذه والله يخافوا ودجا هذا وين قالي الوالد الله يحفظه كون نلقى واحد فالطريق مانقدرش نرفدو دوكا كون واحد آخر مسكين يكون صح محتاج مي الواحد مين يخاف على روحو مايغامرش
واش نقولو ربي يصفي القلوب ويهدي النفوس
ألف شكر على المرور الطيب والتعليق​
 
قال ماكانش:
يعطيك الصحة ايمان القلب
هكذا راح لمليح في جرت لقبيح ...
الإنسان كي يصرا فيه ويسمع مايزيدش يدير الخير
وللا يوسوسوه فيه
كيما الصدقة مثلا
ياي واحد المرة رحت نصلي المغرب لقيت واحد كبير ياي حكالي وشكالي وبكالي وقالي لوتال مالقيتش باش نسلكو وعندي لمرا في السبيطار ويبكي
ايا قتلو استناني بعد الصلاة
ايا رحت للدار وجبتلو واش كتب ربي سبحانو
ايا راح، واحد الشهرين ماشي ايا جاني وقالي ياخويا ووو انا عرفتو قتلو ماشفيتش عليا ؟؟ قالي لالا وحشم وهبط راسو وراح قتلو وكيلك ربي
قتلو راك تفسد على المحتاجين صح
من هذاك النهار وليت نتوسوس ملي يطلبو
يعني خلاونا مانديروش الخير ....
وكيلهم ربي​
إضغط للتوسيع...
ايه راك شفت بعينك وفي هاذ الحالة مانعرفو المحتاج من السراق مانعرفو المليح من القبيح وهاذ الثلة ماخلات الخير يمشي ربي وكيلهم ويهديهم
الله يسلمك خويا ...شكـــرا على التعليق والمرور الكريم
​
 
قال nadia.:
راكي تشوفي يا ختي و الله يازمانا هذا مايديرو الخير مايخلو الناس تديرو
ولاد لحرام كترو ربي يبعدهم علينا و يا ربي يلطف من وقتنا هذا رانا ماشيين فالدونجي غير ربي الستار


و ربي يكون في عون جاركم و يفتح عليه من الباب الواسع و يرجعلو رزقو
​
إضغط للتوسيع...

نعيب زماننا والعيب فينا .... وما لزماننا عيب سوانا
ياأختي الناس توع هاذ الزمان هما اللي فسدوا الحال وفسدو الزمان بضعف الإيمان لا عفة لا ثقة بالنفس عفسوا على الكل .... آمييين اختي ربي يبعدهم علينا ويهديهم وينزل في قلوبهم الرحمة​
​
 
قال نور * خ:
ya khti cha baghi ngoulou rabi yba9i el ster darwak ma b9ach confiance el 3ibad li mechi mla7 ma khawalawnach ndirou el khir
إضغط للتوسيع...

ربي يهدي الأحوال خيتو...شكــــرا على مرورك الطيب
 
قال star sweet:
دير الخير يدور عليك هذي مقولة صالحة غير في بلادنا عايشين في الخوف ربي يستر
إضغط للتوسيع...

كل شئ ولا بالمعكوس مانقولو غير ربي يبقى الستر ويحفظنا ويهدي هاذ العباد
 
والله عندك الحق هد الايلام ولاو يخوفو الخير ما بقاش خلاص
 
rabi yahdi ma khla9​
 
والله صح كترو هاد العباد وموليناش نميزو بين المليح والقبيح ....واش نقولو غير ربي يستر ويبعد علينا ولاد الحرام ..الوقت مراهش يعجب .....شكرا ختي على الطرح المميز
 
دير الخير وانساه
دير الشر وتفكرو
 
مرحبا بيك ختي
راكي تشوفي بكري كونا نخافو نديرو الشر ونحصلو مع الذنوب وضرك نقلب كلشي ولينا نخافو نديرو الخير وتطفر فينا
ولله رانا عايشين بالستر
لله يحفظنا و يبعد ولاد الحرام علينا ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom