rani vraiment karah hyati

[omnia]

بصراحة امك عندها الحق ، الخدمة لازمة باش والدين الطفلة ما يصيبوها سبة باش ميقبلوش بيك
مي اذا راك خايف يدوهالك قول ليماك تروح غي تهدر مع يماها و تقوللها كي يدبر خدمة يجي يخطب.
و انت تاني زرب و متلهاش دبر اي خدمة باش تديباني روحك لابغات مشي فالسبيسياليتي ديالك المهم متقعدش حاط يدك على خدك و تقول الله غالب.
و انشاء الله ربي يفرج عليك
بالتوفيق

 

[مايا الجزائرية]

السلام..انت حاول تحكي مع الام ديالك وتفهمها الوضع قلها الطفلة راني نحبها وتعجبني بزاف وحاول تقنعها وقولها الخدمة جاي جاية انا خايف الطفلة تروح من بين يديا oui ou non ربي يكون معاك

 

[badro blidi]

chkroune 3ala rodoude ...
nass mlah kima ntouma jamé nensawhoum

 

[badro blidi]

سلام خويا بدرو

بون قبل ما نحكى معاك فى السوجى الثانى خويا حبيت نقولك على لاكارت جون
ممكن تتصل بيا و لا ترسلى المعلومات تاعك و لا السكايب تاعك على الخاص
ممكن نقدر نعاونك و لا نشوفلك كاش خيط راك تعرف فى بلادنا غير لمعارف
مالغرى راك بعيد عليا شوية بصح بالك نقدر نعاونك فيها

أما بالنسبة للمشكلة الثانية تاعك خويا واش راح نقولك كيما نصحتنى قبيل ممكن أنا تانى نقدر ننصحك
بشرط اسمع كلامى مليح و ما تتسرعش

شوف خويا رانى مقدر شعورك و عارف كيما يقول المثل
"العين بصيرة و اليد قصيرة"

خويا راح نطرح عليك سؤال واحد و اذا جاوبت عليه راح تلقى نصيحتى Ok !!!

أنت عندك دار و خدمة و تقدر تتحمل مسؤولية الزواج و النفقات تاع الزواج ؟

خويا لبليدى حكم عقلك مليح و ما تتسرعش
يقولو الحب يصنع المعجزات بصح أنا نقولك الحب ماشى راح يعمرلك جيوبك بالكنوز و الحب ماشى مصباح علاء الدين .

نشوفك على خير شريكى و رانى نستناك تراسلنى فى اقرب وقت و ان شاء الله تلقى حل لمشكلة تاع الخدمة (ربى مايضيعش عبدو)
سلام


​

mrc khoya wlahi lnta bayan rajal zine ou nass mlah fy mayakhoss skype rah 3andek

 

[مايا الجزائرية]

chkroune 3ala rodoude ...
Nass mlah kima ntouma jamé nensawhoum

من ذوقك اخي شكرا
​

 

[نجاة40]

نفس لحكاية نتاعي
واحد حب يخطب وامو ماحبتش ختراه حاباتو يكمل قراية
ذرك او قافل على روحو و ماهوش عارف واش يدير
آآآآآآآآآآآآآآآآآآآآآآآآآآآآآآآه
خويا نقولك اتوكل على ربي واجري على الخدمة ذرك ربي يعاونك يا ما ناس عياو فلول ومبعد فرج عليهم ربي بخدمة

ربي يسهل ويقدم لي فيه الخير
انا راني نستنا فيه ولي تحب تخطبها انت تقدر تستناك اذا باغياتك​

 

[badro blidi]

نفس لحكاية نتاعي
واحد حب يخطب وامو ماحبتش ختراه حاباتو يكمل قراية
ذرك او قافل على روحو و ماهوش عارف واش يدير
آآآآآآآآآآآآآآآآآآآآآآآآآآآآآآآه
خويا نقولك اتوكل على ربي واجري على الخدمة ذرك ربي يعاونك يا ما ناس عياو فلول ومبعد فرج عليهم ربي بخدمة

ربي يسهل ويقدم لي فيه الخير
انا راني نستنا فيه ولي تحب تخطبها انت تقدر تستناك اذا باغياتك​

chokrane 3ala rad khti najat rabi yfarej 3lina kamline nchalah

 

[mer10]

asbar rabi yaftah 3lik

 

[nassim007]

معليش يا خويا ماكش غير نتا والله كامل هكدا

ربي يصبرك ويفرج عليييك


​

 

[آلاء النايلية]

يا خويا احمد ربي على الصحه و العافية و كي راكم مجمولين
الحوايج لوخرة راها مكتوب ربي .. و راه ربي يفرج ان شالله انت اسعى واصبر و الفرج قريب ان شالله
و تعرضنا على عرسك ^^

 

[douna.16]

ربي يفرج عليك يا خويا ويكملك
ربي ينوبلك بخدمة &كي تروح تخطب يموداهالك

 

[ملكة الانوار]

السلام عليكم
انت حاول تحكي مع اومك شوف لكان قبلت حاجة مليحة ولا ماقبلتش حاول تلقى خدمة في اقرب وقت.
شكرا

 

[badro blidi]

chkokrane khawti 3ala rodoud

 

[sarita 6k]

صلي على النبي خويا كل مشكلة عندها حل و ربي يجيبلك خدمة انشاء الله و يجمعك انت وحنونتك

 

[sissi-jijlya]

خويا انت راح تخطبها ماشي تتزوج ديراكت

أنت قول ليماك تخطبهالك وامبعد حوس على خدمة بعقلك​

صح راني معاك في هادي أهدر معا يماك و قولها تخطبهالك و الخدمة ماراهيش هاربة حوس عليها و تزوجو و جيبو دراري صغار و تعود نتا شيخ........الخ هاهاهاهاها:sheer:

 

[°~Kenza_02~°]

الصااااااااابر ينااااااااال