أدخل منشر روحك ؟؟؟؟

[يوسےفے]

السلام عليكم و رحمة الله تعالى و بركاته

في وقت الناس كامل تعلمت الاطراء إللي تهدر معاه يشبعك كلام حلو ... و في وقت عادت عيوبنا منحبوهاش تبان و هاذي نقطة ضعف فينا لخاطر نواجهو مشاكلنا بالتظاهر بللي راهي مكانش و لكن في داخل قلوبنا رانا معمرين .... و فكرة الموضوع هي أنك تدخل تمنشر روحك يعني الكمال هو لله سبحانه على هذا كل واحد يدخل رايح يبدا يمنشر روحو عارفين الشعب الجزايري كامل بعيوبو غير شوية كوراج و خرج منشارك الحافي و ابدا ههههه...

تحياتي الخالصة

:re_gards::re_gards::re_gards::re_gards::re_gards::re_gards:​

 

[يوسےفے]

شكرااا لقبول الموضوووع​

 

[آمِيْرَتُه]

سلام خويا يوسف صح الكلام و الكمال غير لربي سبحانه أنا عنذي ايجابيات و عنذي سلبيات و من بينها أني مش صبورة و قلوقية بزاف بص حنينة لدرجة متتصورهاش . شكرا على الموضوع

 

[يوسےفے]

سلام خويا يوسف صح الكلام و الكمال غير لربي سبحانه أنا عنذي ايجابيات و عنذي سلبيات و من بينها أني مش صبورة و قلوقية بزاف بص حنينة لدرجة متتصورهاش . شكرا على الموضوع

ههههه صح انا ثاني ما نصبرش بزاف...........مي الحنانه مليحه بصح مشي في gاع الاوقات....شكرا منيني

 

[sissi-jijlya]

شكرا على الموضوع خويا حتى أنا نتنارفااا بزاااااااف و نزعف على حوايج صغاار هدي هي الحاجة لي ماشي مليحة فيا و نحب روحي بزااف ههههه

 

[زاكي 18]

موضوع رائع ومشكور عليه
انا واعوذ بالله من كلمة انا لدي ايجابيات ولدي سلبيات ولا ادري هل ايجابيات اكثر من سلبياتي ام لا المهم من بين سلبياتي والتي احاول ان انزعها هي سريع الغضب:angry: حتى على اتفه الاشياء ارجو ان تدعيولي باه تروح علي هذه الصفة والا ساغضب هههههههههههههه

 

[DARINE05]

اي ميضو ع باهي كي تكون عندي تمنشيرة نرجع هههههههههههه

 

[يوسےفے]

شكرا على الموضوع خويا حتى أنا نتنارفااا بزاااااااف و نزعف على حوايج صغاار هدي هي الحاجة لي ماشي مليحة فيا و نحب روحي بزااف ههههه

هههه تحبي روحك بزاف....هاذي تبانلي مليحه مي مشي حتى توصل الأنانيه.....و الزعاف فيها فيها....الله يحفظك sissi​

 

[يوسےفے]

موضوع رائع ومشكور عليه
انا واعوذ بالله من كلمة انا لدي ايجابيات ولدي سلبيات ولا ادري هل ايجابيات اكثر من سلبياتي ام لا المهم من بين سلبياتي والتي احاول ان انزعها هي سريع الغضب:angry: حتى على اتفه الاشياء ارجو ان تدعيولي باه تروح علي هذه الصفة والا ساغضب هههههههههههههه

هههههههه...على حساب ما راني نشوف ناس gاع تتنارفا بسرعه.....ما سبتلكش دعاء ندعيهلك باه تروح هذي الصفه غير كالمي روحك بروحك...ههههه....شكرا زاكي​

 

[D@rk Angel]

ههههه الله يعطيك ما تتمنى وش هادي الفكرة , أنا السلبيات الي عندي أكثر من الايجابيات .. نحب كل شيىء يكون ليا وحدي و داير في بالي بلي واحد ماهو خير مني الخ الخ ..

 

[يوسےفے]

اي ميضو ع باهي كي تكون عندي تمنشيرة نرجع هههههههههههه

راني نستنا فيك....................مي تمنشير على روحك مشي على الغاشي...................
​

 

[يوسےفے]

ههههه الله يعطيك ما تتمنى وش هادي الفكرة , أنا السلبيات الي عندي أكثر من الايجابيات .. نحب كل شيىء يكون ليا وحدي و داير في بالي بلي واحد ماهو خير الخ الخ ..

.
.

ههههههه.......أنانيه 100%100.......الناس gاع حاسبه روحه هي خير ...الله يجيب الخير​

 

[sissi-jijlya]

هههه تحبي روحك بزاف....هاذي تبانلي مليحه مي مشي حتى توصل الأنانيه.....و الزعاف فيها فيها....الله يحفظك sissi​

هههه و على الأنانية أنا شوية أنانية شوييييية نمدلك مشال *ما نخلي حتى واحد يقعد في الميكرو نحبو غير ليا و نقعد فيه غي أنا * هههههه هادي هي الحاجة الوحيدة لي نكون فيها انانية
و الزعاااف كيما قلت نتا فيها فيها
ربي يخليك لينا خويا يوسف

 

[يوسےفے]

هههه و على الأنانية أنا شوية أنانية شوييييية نمدلك مشال *ما نخلي حتى واحد يقعد في الميكرو نحبو غير ليا و نقعد فيه غي أنا * هههههه هادي هي الحاجة الوحيدة لي نكون فيها انانية
و الزعاااف كيما قلت نتا فيها فيها
ربي يخليك لينا خويا يوسف

هههههههههه.......و يخليك لينا...بارك الله فيك​

 

[sissi-jijlya]

و تاني نسيت باش نقولك حاجة *عندي بزاااااف تفنيين* فنيانة بزااااف هههههههههه

 

[يوسےفے]

و تاني نسيت باش نقولك حاجة *عندي بزاااااف تفنيين* فنيانة بزااااف هههههههههه

ههههههههه...من كثرت الانانيه تاعك تحسب الموضوع ندار على جالك ...شكرا على الردود الجميله.....التفنيين حرفت الجزايرين​

 

[Jeune Sghir Mc]

1- انا كل يوم نجي نتغدى لازم تكون قرعة COCA قدامي
2- ونضبح بزاف على الماكلة وامباعد ناكل شوي ونمشي
3- الطفلة لي حبيتها تعقدت منها كي نشوفها تحكمني الرعشة حبيت نروحلها مي الله غالب حشومي بزاااف
4- كي نجي نطلع شعري مع الصباح نبات معاه وبالعافية لايخرجلي
5- حاجة مليحة فيا كي نشوف وحدة حاطة روحها شادة السما مانعطيهاش ربع قيمة حتى اضيقلها
6- انا نكره لبنات بزاااااااف بصح نحب خديجة
7- كي نخير اللبسة انتاعي ندور عليها gاع باش نقنع بلي تخرج عليا
فيا عقلية نلبس واش يعجبني ماشي واش يعجب الناس
8- انا كي نتقلق نكفر بزاف ربي يهديني
9- البارصا داتلي عقلي ونبغيها كثر من حاجة اخرى
10- نحب رايي هو لي يمشي ولي يغالبني باصا


صحيت صاحبي على الموضوع

​

 

[NICHA03]

الحاجة لي ماشي مليحى فيااااااااااااااااااا نتقلق ثم ثم و على حوايج صغار نتنارفا و و ساعات نحب كل شي يكون ليااااا وحد + عندي حب التملك
اما الايجابيات قلبي بيض بزااااااااااااااااااااااااااااااااااااااااااااااااااااااااااااااف
merciiiiiiiiiiiiiiii على الموضوع

 

[الجريئة]

نتنارفا فيساع وكي نتنارفا الي في قلبي على لساني
ما نجاملش الناس و الي يقلقني نعطيه الحس هههههههه
و راني من جماعة والله انها معزاة ولو طارت ههههه
وكشما تفكرت نرجع نقولك
موضوع فور سلام​

 

[sisou023]

من السلبيات لي فيا بلاك عكسكم صح منتقلقش بزاف ومنيش منارفيا بصح اذا تقلقت ولا تنارفيت يحيا جدي من القبر منهدرش نقتل الناس غير بالسكات ومنعبرش على واش كاين في قلبي ندس في قلبي بزاف