انت مع او ضد البنت ( القبيحة و الصعيبة )

[دزيرية حرة الحراير]

سلام
هل انت مع قباحة الطفلة ولا مع العقالة في هاد الزمان
تخالفت مع ماما قلتلها لازم تكون الطفلة قبيحة في وقتنا هادا باسكو ولات الحرمة قليلة اليوم
وماما قاتلي يجب على الطفلة تكون هادية ورزينة و عاقلة
وانتم واش رايكم​

 

[أم سهى]

تكون مرنة في وقت لقباحة تكون قد حالها وفي باقي الأوقات عاقلة وهادئة لانها طبيعة الطفلة

 

[خفيف الروح]

لازم تجمع بينهما

كل في الحالة والظرف المناسب له

لا شك ان على المرأة ان تكون حازمة وجادة وقبيحة مع

الشباب الطائش في الشوارع وضعاف القلوب

وفي مكان العمل فلا تخضع بالقول وتتلين وتطمع الغير فيها

بكلامها او حركاتها او اشارتها ..الخ

ويجب ان تكون لينة طيبة عطوفة عفوة مع

اهلها امها وابوها واخواتها

ومع زوجها وجيرانها..الخ

شكرا على الطرح.

​

 

[دزيرية حرة الحراير]

والله عندكم الحق

 

[nana1996]

لازم تكون موازية بناتهم في وقت القباحة تقباح وفي وقت العقالة تعقال

 

[دزيرية حرة الحراير]

ربي اجيب الخير

 

[hiba14]

انا مع انها تكون عاقلة و رزينة بصح ماشي معنتها بهلولة و غافلة

 

[MiSs Sisi StyLe]

اختي في اد الوقت كون ماتكونش الطفلة عند روحها و واقفا على حقها مشكيتش تعيش
و شكراااااااااا على الموضوع

 

[الخجولة]

انا مع امك

 

[هدى 17]

انا راي تكون عاقلة مع الناس العاقليين و قبيحة مع الناس القباح بصح مع الحدود
بسكو لكل شيئ حد حتى العقلية
​

 

[منايا الجنة]

قبيحة مع لقباح وعاقلة مع العاقلين

 

[re..sonia..da]

لازم تجمع بينهما​

كل في الحالة والظرف المناسب له​

لا شك ان على المرأة ان تكون حازمة وجادة وقبيحة مع​

الشباب الطائش في الشوارع وضعاف القلوب​

وفي مكان العمل فلا تخضع بالقول وتتلين وتطمع الغير فيها​

بكلامها او حركاتها او اشارتها ..الخ​

ويجب ان تكون لينة طيبة عطوفة عفوة مع​

اهلها امها وابوها واخواتها​

ومع زوجها وجيرانها..الخ​

شكرا على الطرح.​

رد كافي و وافي صحيتي

sonia27

 

[بقايا إنسان]

سلام حار مني لكي أنت وبعد:أمكي على حق والخطأ منكي فلا يستوي العاقل والقبيح
كما فضلت أنت ولا نرمي بلانا على الزمان بل العيب فينا قبحنا العاقل وولينا الفاجر علينا لكي مني أختي الفاضلة أسما معاني الود والاحترام

 

[إيمان قلب]

رانى في زمن كثرو فيه الذئاب الوقت اللي لازم تكون الطفلة قد حالها وماتخليش قاع اللي يحسها ضعيفة حتى لو كانت هي مش هكاك في وقتنا ولاو يشوفو العقالة جياحة وهي لازم عليها ماتبينلهمش
اما الرزانة والعقالة فلابد منهم مع أهلها والناس اللي تعرفهم
يعني لازم تجمع بيناتهم وتستعمل كل واحدة في وقتها
تحياتي

 

[شيزوفرينيا]

أنا ضد القباحة كيف ماكانت لأنها راح تخلي انطباعات سيئة عليك كونك أنثى معروفة بالرقة والعقالة كاين قباحة وكاين ذكاء ..الطفلة تحتاج الذكاء في التعامل مع بعض الناس وكي نقولك ذكاء معنتها تربطيه برزانة والحياء
ملاحظة : الذكاء لي نقصدو ليس بالمكر او الخبث لا ...هو ذكاء تبعد الطفلة عنها الضرر به​

 

[☺♥ ŚŎūsŎū ♥☻]

في رآيي لآزمــ تكون عآقلــة و رزينــــة و ماشي بهلولة و اللي يجيء يمشي الماء من تحت رجليها

و لآزمــ تكون واعيـــة و اللي قبيح معاها تقابلو بالوجه القبيح ,,,,

ما كاش كيما الطفلة العاقلة و الخلوقة ,, و لآزمــ تكون محلبة لكل شيء باش تقدر تميز الصح و الغلط

 

[hannsg]

زينة الطفلة في حيائها و رزانتها
اما اذا ولات قبيحة و طايرة للسماء و راحتلها الحشمة و الحياء و تسمع صوتها يعلوا في الشارع
فلا خير فيها بل حتى تفقد انوثتها
اصلا زوال الحياء هو سبب ما نراه من ظواهر دخيلة على مجتمعنا
و لا ننسى أن تلك الفتاة ستصبح يوما أم
بعض الناس يفهموا القباحة على أنها قفازة
القفازة شيئ و القباحة شيئ القباحة اسم على مسمى "قبيحة" و اما القفازة يكون الانسان حكيم و رزين و يعرف وين يحط رجليه و يعرف يكسب احترام غيره و يفرض احترامه

 

[سجاآآايا]

السلام عليكم
لا تكن لينا فتعصر و لا تكن صلبا فتكسر
الوسطية أحســــــــــن حل
لا يجب أن يتنازل الانسان حتى تهضم حقوقه
كما أنه يجب أن يحترم الآخرين و أن لا يتعدى حدوده
​

 

[loca]

سلآآآآآآآآآآآآمووو اليك ختو هدي نقطة مهمة وباغية نفهمها لي يقولو شيرة قبيحة وهكا
بصح للاسف ميفرقوش وقاع رانا ضد شيرة قبيحة لكن قبيحة بمعنى مسوفجة هادي لي رانا ضدها
وكاين قبيحة بمعنى ترد هدرة على روحها وفايقة مع عمرها يقولولها قلبيحة
اليك لي فيقة مع روحها ماهيش قبيحة وادا كانت نية كلاها بوبي وراحت في هواء انا شخصيا نرد هدرة ومنخافش من الصح
ونقول الحق ومعندي علاش نخاف يقولولي انت واعرة هههه واعر راه مربوط وقبيح راها في اعاددة تربية
حنا مناش ولاد بارح برك
هدا رايي مرسي عليك
دمتي ​

 

[nadimm]

الجمال يفنى مع الزمن

وانا اريد عقلها وهذا يكفيني للابد

للاسف شبابنا بعيد عن نور الحكمة ولن يفهم حتى لم هو جالس على الحاسوب الان

احتنت اختي الحرة بارك الله فيك على هذا الطرح الجميل