هذي الظاهرة كاينة عندكم ولا غير حنا برك*التقاشيح*

[the crazy asma]

سلامو
كي العادة لازم نسقسي على احوال ليزالجيريان وليزالجيريان دوبل آن :sheer:
وواش راكم مع هاذ البرود وهاد العواصف الثلجية i-o:
المهم
والله انا عندي مدة هكا ليست بالهينة هههه زعما راني ندير كيما تع....خليها سوكري:shiny:
المهم عندي مدة وانا حابة نسقسيكم آسكو هاذ الظاهرة بارتو وتصرا عندكم ولا غير عندنا برك
ونتوما كيفاش تسموها؟
مثلا كي تروحو تديرو شوبينغ هههه ​

هيه كي تروحو تقضو وتشرو حوايج
ومبعد كي تحبو تسلكو = تخلصو مولاهم
أسكو تبداو تقاشحو فيه؟؟؟
يعني الظاهرة راهي ظاهرة التقاشيح :shiny:
مثلا الجيب ب250 الف سنتيم
تبداي تقوليلي بشحال تخليهلي
يولي هو يقول والله ياختي مافيهاش راه دوريجين جاي طول من الترك ولا من الطليان مانقدرش وووووو.........
وهي تقعد تزن تزن تزن وهو يلعب بالهدرة ويدور يدور يدور
وهي تزن تزن كي بوزنزن ههه وهو يدور يدور كالعصفور هههه
واون فان يخليه ب 200 الف ستنيم
هي تروح فرحانة عمبالها دارت حاجة كبيرة
وهو يقولها في قلبو ياو سومتو ماتزيدش من 100 الف :sheer:
المهم
نظن فهمتوني واش نقصد
هاذ الظاهرة قاوية عندنا بزاف
واحنا نقولو نقاشح
والله ماعلى بالي منين جات الكلمة هذي وشكون أول واحد قالها_o:
واللي حابة نعرفو آسكو مام عندكم كاينة الظاهرة هذي؟
وكيفاش تسموها؟
المهم كي العادة جوزو وماتحشموش
واللي يدخل مادا بيه يعمر القفة هذي راها فارغة ههه

وراهي تسلم عليكم الحاجة*جدتي* زهرة:scared:​

 

[الورد الأحمر]

ههههه وي الظاهرة هذي كاينة ... وانا شخصيا نديرها
على خاطر كيما قلتي سومتو أصلا أي هذيك هي هو برك
يحب يكلح فيها دوروات كتر مالا أنا تاني نبقى نزن حتى
يحسبهولي بالسومة تاع الصح ... واش نسميوها عندنا ؟
معرف ما نسميوهاش هههه
مغسي اختي ... سلامو
​

 

[آلاء النايلية]

ايه
أنا دارتلي جلطة تاع مافيهاش هادي :cra_zy:
واللي اطيح منك النص تلقاي عندو الحاجه هادي قال ب 250 كيما قلتي و يقولك مافيهاش ... و دوريجين من الترك وهدا وين دخلت لدزاير انتي اللولة لي شفتيها ...... و نقولو يخليهالك ب 200 و من بعد دوري للحانوت لي مساميه تلقايها بنص السومة:crying_1:​

 

[المتفائلة_91]

حنايا نسموها مقاشرة ،،
والله انا الصراحة نقول بشحال تخليهالنا ، اذا نقص اوكي اذا قال لا ، مانبقاش نزن ، نحسها تطييحة ،

هذا لولباح خرجت نشري صباط ، قالي ب220 ،،، قتلو علاه قالي جاي ديراكت من الطليان مالا انا من فياقتي صدقت ، وخلصته ورحت ، كي وصلت للدار لقيتو made in china ،،،،واااع كلحني ،،


يعطيكم الصحة ، وماتقاشروش راهو مش مليح في حقكم

 

[آلاء النايلية]

حنايا نسموها مقاشرة ،،
والله انا الصراحة نقول بشحال تخليهالنا ، اذا نقص اوكي اذا قال لا ، مانبقاش نزن ، نحسها تطييحة ،

هذا لولباح خرجت نشري صباط ، قالي ب220 ،،، قتلو علاه قالي جاي ديراكت من الطليان مالا انا من فياقتي صدقت ، وخلصته ورحت ، كي وصلت للدار لقيتو made in china ،،،،واااع كلحني ،،


يعطيكم الصحة ، وماتقاشروش راهو مش مليح في حقكم

صحيتي
بابا ديما يوصيني على هاذ الشي​

 

[sissi-jijlya]

hhhhhhhhh sah kayna menha 3andna had dahira bzzzzf
w hadak mol l hanout yabda ybal3at fik dik nhar dkhalt nachri wahad la likéte lkitha 120 mile koltlo fiha mosa3ada wala walo 9ali aaa ma na9darch hadi hya asghar soma w kanet 300 mille wana na9ast f souma koltlo mais hadi bzzzf ghalyaaa 9ali khlass na9aslak 50d khrajt w khalito koltlo wlh ma tahat fi la7mi ida 3adet haka hhhhhh

 

[نسيم الربيع]

مام حنا كاينه عندنا بصح معلاباليش كيفاه يسموها
انا كي نروح نشري اذا معجبتنيش السومه وجاتني بعيده بزاف من تما منخممش نشريها
واذا جاتني معقوله نقولو بشحال تخليهالي كيما قال هداك هو منبقاش نحلل فيه اكره حاجه عندي
عجبتني ندي معجبتنيش نخلي علاه نحللو
موضوع مليح يعطيك الصحه ختي​

 

[the crazy asma]

ههههه وي الظاهرة هذي كاينة ... وانا شخصيا نديرها

على خاطر كيما قلتي سومتو أصلا أي هذيك هي هو برك
يحب يكلح فيها دوروات كتر مالا أنا تاني نبقى نزن حتى
يحسبهولي بالسومة تاع الصح ... واش نسميوها عندنا ؟
معرف ما نسميوهاش هههه
مغسي اختي ... سلامو​

أهلا بيك نور
والله توجور يضربو السومة لفوق خلاص
مام تقعدي تهدري باش تنقصي سومتها ومش رايحة تنقصي حاجة كبيرة
كيما قلتي يحبو يكلحو الغاشي
مادامكم ماتسميوهاش مالا نتيا عودي سميها تقاشيح وإذا مافهموكش قوليلهم جابونية هههه
مرسي ليك نووووووووور حبوبة
والله نورتي الموضوع يا الزينة شكرا​

 

[the crazy asma]

ايه

أنا دارتلي جلطة تاع مافيهاش هادي :cra_zy:

واللي اطيح منك النص تلقاي عندو الحاجه هادي قال ب 250 كيما قلتي و يقولك مافيهاش ... و دوريجين من الترك وهدا وين دخلت لدزاير انتي اللولة لي شفتيها ...... و نقولو يخليهالك ب 200 و من بعد دوري للحانوت لي مساميه تلقايها بنص السومة:crying_1:​

ههههههه شحال من مرة تصرالي وشحال من مرة نحلف مانزيدش نشري من عندهم هههه
الله غالب ياختي واش تديري واحد ماماشي بالنية كل واحد يحوس على مصلحتو
وتاع مافيهاش مش تطلع السكر برك
شكرا حبيبتي gift
والله فرحتيني بردك وبمرورك الرائع
شكراااااااا​

 

[nina bonoise]

هههه انا نديرها باسكو راهم يزيدوا في السومة و الله احنا لي نتكلحوا
معمباليش وش يسموها عندنا
سمعت بالي في قالمة القش رخيس
الساك يهبل ب 50 الف برك
البالغينات يهبلوا ب 30 الف
قالولي عندهم مارشي تاع القش رخيس
​

 

[the crazy asma]

حنايا نسموها مقاشرة ،،
والله انا الصراحة نقول بشحال تخليهالنا ، اذا نقص اوكي اذا قال لا ، مانبقاش نزن ، نحسها تطييحة ،

هذا لولباح خرجت نشري صباط ، قالي ب220 ،،، قتلو علاه قالي جاي ديراكت من الطليان مالا انا من فياقتي صدقت ، وخلصته ورحت ، كي وصلت للدار لقيتو made in china ،،،،واااع كلحني ،،


يعطيكم الصحة ، وماتقاشروش راهو مش مليح في حقكم

المقاشرة هذي مليحة نزيدها فقاموسي :shiny:
والله ياختي شوفي الصبابط ماتحوسي لا على الطليان لاوالو صدقيني كيما اللوكال ماتلقايش راني جربتهم كامل هههه واحد مايصلح والله والو
اللوكال هو لمخير
مرسي ليك أختي المتفائلة
ربي يديم تفاؤلك ختي
منورة حبيبتي شكرا​

 

[nina bonoise]

هههه انا نديرها باسكو راهم يزيدوا في السومة و الله احنا لي نتكلحوا
معمباليش وش يسموها عندنا
سمعت بالي في قالمة القش رخيس
الساك يهبل ب 50 الف برك
البالغينات يهبلوا ب 30 الف
قالولي عندهم مارشي تاع القش رخيس
​

 

[the crazy asma]

hhhhhhhhh sah kayna menha 3andna had dahira bzzzzf
w hadak mol l hanout yabda ybal3at fik dik nhar dkhalt nachri wahad la likéte lkitha 120 mile koltlo fiha mosa3ada wala walo 9ali aaa ma na9darch hadi hya asghar soma w kanet 300 mille wana na9ast f souma koltlo mais hadi bzzzf ghalyaaa 9ali khlass na9aslak 50d khrajt w khalito koltlo wlh ma tahat fi la7mi ida 3adet haka hhhhhh

هههه نستعرف بيك سيسي
ياو كون تشوفي وحد لاليكات شريتها أنا ب450 تقول مخدومة من الويز _o: جيست لبستها حكمتني الباب قسمتها على زوج
الحوايج غلات سومتهم وهوما يزيدو فيهم النص
شكرا سيسي الزينة جارتي لعزيزة
غن شاء الله نضرب دورة عندكم لجيجل الصيفة هذي:shiny: ​

 

[Rochdi.dz]

ههههههه
مزلتي برك ماتبدلتيش انا قلنت بعد الباك ترجع عاقلة
هههه

ايه وين تروحي هدي الفينومان كاينة مام في لالمان
ايه و مام الطاليان و ليسبان المهم وين كاين ليزالجيريان و ليزالجيريان
يا حنان يا منان
هههه

حنا نقولو المقاشرة
ههههه
يعني نقاشروه في السومة منين جات الله اعلم؟
و انا هك ثاني مخدوم الحاجة بمية الف
نقاشرو حتى يخليهالي بمية و عشرين
هههه

ايا سلامو اسومة
تهلايلي في ردي

​

 

[the crazy asma]

مام حنا كاينه عندنا بصح معلاباليش كيفاه يسموها

انا كي نروح نشري اذا معجبتنيش السومه وجاتني بعيده بزاف من تما منخممش نشريها
واذا جاتني معقوله نقولو بشحال تخليهالي كيما قال هداك هو منبقاش نحلل فيه اكره حاجه عندي
عجبتني ندي معجبتنيش نخلي علاه نحللو

موضوع مليح يعطيك الصحه ختي​

أهلا نسومة واش راكي؟
أنا والله صراحة كي نقولو فيها مساعدة ولا لالا يقولي وي كاينة غير ماتخمميش يعني في هاد الناحية عندي الزهر والحمد لله هههه مانهدرش بزاف
بالصح دي فرا نشوف مبالغة من عند اللي يشرو يقعدو يهدرو ويحاولو وهو مخشن راسو
مي الغلطة تاع مول الحانوت والله حاجة تاع 100 يبيعها ب 250 بزاف
شكرا نسومة منورة ختي
وربي يوفقك فالباك​

 

[the crazy asma]

هههه انا نديرها باسكو راهم يزيدوا في السومة و الله احنا لي نتكلحوا

معمباليش وش يسموها عندنا
سمعت بالي في قالمة القش رخيس
الساك يهبل ب 50 الف برك
البالغينات يهبلوا ب 30 الف
قالولي عندهم مارشي تاع القش رخيس ​

أهلا العنابية واش حوالك ختي؟
حوسيلي على اسمها عندكم وقوليلي راني قريب نفتح قاموس هههه
والله مليح مالا نوصيو عيشوشة تسلعلنا من ثم ونفتحو بازار عندنا ههه
حنا هنا الساك الرخيس ب250
مرسي حبيبتي العنابية والله منورة كي العادة
شكراااااااااا​

 

[nina bonoise]

أهلا العنابية واش حوالك ختي؟
حوسيلي على اسمها عندكم وقوليلي راني قريب نفتح قاموس هههه


و الله معرف اسمها انا نعيطلها " نقصلي في السومة "


والله مليح مالا نوصيو عيشوشة تسلعلنا من ثم ونفتحو بازار عندنا ههه


ايه كشما نوصيوها و الله القش عندنا غالي:scared:
كشما تحل لنا ماقازين


حنا هنا الساك الرخيس ب250


و الله كيفنا كيفكم الباشع فيهم ب 180 الف ههههه
الوغ تاع ميرييلا 280 الف _o:


مرسي حبيبتي العنابية والله منورة كي العادة
شكراااااااااا


عيطيلي لــــــيــــــنـــــــة برك
مرسي اسوم موضوع فور

​

 

[the crazy asma]

ههههههه
مزلتي برك ماتبدلتيش انا قلت بعد الباك ترجع عاقلة
هههه​

ايه وين تروحي هدي الفينومان كاينة مام في لالمان
ايه و مام الطاليان و ليسبان المهم وين كاين ليزالجيريان و ليزالجيريان
يا حنان يا منان
هههه​

حنا نقولو المقاشرة
ههههه
يعني نقاشروه في السومة منين جات الله اعلم؟
و انا هك ثاني مخدوم الحاجة بمية الف
نقاشرو حتى يخليهالي بمية و عشرين
هههه​

ايا سلامو اسومة
تهلايلي في ردي​

أهلا أهلا رشديانو
وكي تتبدل اسومة شكون يقعد على حالو
وشكون يفكركم فالماضي العصيب هههه
راك نسيت دوبل آن :shiny:
نتوما تقولو نقاشرو
وحنا نقولو نقاشحو
يعني الفرق في حرف الحاء والراء
سير هذا اللي قالها كان مايعرفش يهدر مليح على هذي كل واحد سمع كلمة هههه
قاشر قاشر حتى توصل لمليون ومية ههه
هانا تهلينالك في ردك مليح وردينا عليه مالا اتهلى في رد الرد
سلااااااامو رشديانتو
والله نورتنا وفرحتنا وآنستنا وشرفتنا آسيدي​

 

[the crazy asma]

أهلا العنابية واش حوالك ختي؟

حوسيلي على اسمها عندكم وقوليلي راني قريب نفتح قاموس هههه ​

و الله معرف اسمها انا نعيطلها " نقصلي في السومة "​

والله مليح مالا نوصيو عيشوشة تسلعلنا من ثم ونفتحو بازار عندنا ههه​

ايه كشما نوصيوها و الله القش عندنا غالي:scared:
كشما تحل لنا ماقازين ​

حنا هنا الساك الرخيس ب250 ​

و الله كيفنا كيفكم الباشع فيهم ب 180 الف ههههه
الوغ تاع ميرييلا 280 الف _o:​

مرسي حبيبتي العنابية والله منورة كي العادة
شكراااااااااا​

عيطيلي لــــــيــــــنـــــــة برك
مرسي اسوم موضوع فور​

مالا كي حالتنا زعما قالك ماقازين تاع اللـــuكس وهوما لا لـــuكس لا والو سامبل خلاص غير سومتهم طالعة فالسما برك
اوكي لينة حبوبتي والله نتيا الفور ختي
شكرا ليك ونهار نهل بازار القضية من عندي باطل:shiny:​

 

[إيمان قلب]

واااه خيتو كاينة لعندنا والله هذاك مول المحل مسكين يخرجوه من رحمة ربي بالصح حتى هو يستهل راه يبيع فيها بضعف السومة واحنا لعندنا نقولولها المحارجة
شكرا اختي على الموضوع الظريف