sahiko hamza في حالة لا يرثى لهـــــــــا ...

[sahiko hamza]

باسم الله الرحمــــــــــ آ ن الرحيــــمـ


سلام عليكم ورحمة الله


والله هاد القسم لقيتو ياسر ياسر ( بزاف )
كنت ديما نجي هنا نفرغ بواش كاين في قلبي :shay:



من اي حاجة تقلقني
نحب نشاور ( أستشير ) خاوتي
نحبهم يشاركوني همومي


صاديبون تكون هموم إفتراضية وممكن حتى فالواقع لي نعيش فيه ....


بلا مانطول عليكم
عرفت ياسر ناس هنا بالمنتدى
كون نبدى نحسب مانحبسش بصح خصارة لي نحبو حب تاع الصح ( عضو ولا عضوة ) ديما يضربني بالموس

علاه ؟؟ .... انا قلت كي عدت معاهم صريح ... :sadwalk:
بلاك كي عدت نعطيهم الصح وهوما يبادلوني بالعكس :cra_zy:

مانقولش كامل الاعضاء مي أغلبيتهم
بويسك كاين لي يعزوني ومازلنا نتواصلو والله لا يفرق بيناتنا

يادرى العقلية هذي عندي انا المجروح منها ولا عند الناس كامل ..............


كي نتفكر الشي هاذا يطيحلي المورال
بصح كي نتفكر حبابي لي عرفتهم وشفتهم نقول مشي كامل
بصح علاش هذوك حبيتهم واعطيتهم كل وش عندي يجيو هوما يبادلوني بالخيانة ؟؟؟

ويزيدو يفرحو بالخيانة تاعهم ويتمادو فيهــا ....

الوووووووور وش ندير ... آسكو نبيعهم بقشورهم ولا ننسى وخلاص ولا كيفاه ؟





معدتش فاهم والله :sadwalk:












sahiko محتاااااااااااار
​

 

[alisare]

الي يبدلك بالفول بدله بشقوره

 

[fofabriyanka]

متقلقش روحك هادي هي الدنيا متفكرش في حاجة تقلقك فكر في حاجة تفرحك

 

[hiba14]

علابلك الشافعي يقول
من راني بعين نقص رايته بالتي راني
و من راني بعين تمن رايته كامل المعاني
يعني كيما نقولو اللي شافك بعين شوفو بزوج و اللي شافك بنص انت ما تشوفوش قاع خير
و سايي اللي عليك انت ما تضرهمش و سايي هادا ما يسالك ربي

 

[جميلة الجميلات]

مام انا حرت معاك

 

[همس الوُرود]

ههههههههههههأسمحلي خويا بصح أنا أصلا مانمنش بالتعارفات هادو

 

[sahiko hamza]

هههههههههههه أسمحلي خويا بصح أنا أصلا مانمنش بالتعارفات هادو

امليح .... عندك الحق انتي فعمرك 15 سنة ؟
ياختي تعرفت على ناس وشفتهم وريحت معاهم ومام بتت معاهم وكانو فالمستوى
عموما شكرا ليكم كامل على المرور ....
​

 

[الطفلة البريئة]

هاذي هي الدنيا خويا اللي تدير فيه الخير و تمشي معاه بالنية يرجع عدوك
انا في بلاصتك ننسحب بشرف و ما نجرحهم ما نحسسهم بالقيمة
الحمد لله اللي مازال كاين ناس يستاهلو الصداقة
تقبل مروري
@m!m​

 

[إيمان قلب]

خويا هاذ الدنيا فيها الصالح والطالح ..... ومذابيا نعرف ناس من جميع الأنواع باش نعرف نميز
عرفت ناس بزاااف وتجرحت بزاااااااااااااااف بالصح نشكرهم بزاااف لخاطر خلاوني تعلمت حوايج بزاف
انت اللي عليك ماتضرهمش وهما بينهم وبين مولاهم .... برك باش تبقى تميز بين الصحيح والقبيح

 

[zahra09]

3abalk khla3tni b had titre 3ambali rak mrid wella kach ma bik.....hadou li rak dayer 3la djalhom hakda za3ma yssthaalou???? mat9ala9ch rohek kayen nass mlah
ana 3andi des amis 3ans w ana na3rafhom par internet bark jamais chft mnhom haja machi mli7a en+ khir m les amis li m3aya hna

aya bn courage matet9ala9ch 3la li mayssthalch ​

 

[mimi.dz]

خلعتنيـ منـ العنوانـ
حسبتـ كاشيما صرالكـ :sadwalk:
ربيـ ستركـ منـ ......:shiny:

هذيـ هيـ الدنيا
ياكـ يقولو
اذا أكرمتـ الكريمـ ملكتهـ واذا اكرمتـ اللئيمـ تمرد ,,,
انسى و متحملشـ فيـ قلبكـ
الليـ قاسكـ هو الخاسر
,,,,
​

 

[sahiko hamza]

هاذي هي الدنيا خويا اللي تدير فيه الخير و تمشي معاه بالنية يرجع عدوك
انا في بلاصتك ننسحب بشرف و ما نجرحهم ما نحسسهم بالقيمة
الحمد لله اللي مازال كاين ناس يستاهلو الصداقة
تقبل مروري
@m!m​

شكر اختي على ردك .. :shay:
حتى انا راني نحمد في ربي لأني عرفت ناس ملاح تاع الصح وقد ماداوسنا مي قعدت العلاقات بيناتنا مليحة لليوم ...
​

 

[sahiko hamza]

خويا هاذ الدنيا فيها الصالح والطالح ..... ومذابيا نعرف ناس من جميع الأنواع باش نعرف نميز

صحيتي في هذي ... عجبتيني والله :shiny:


​

عرفت ناس بزاااف وتجرحت بزاااااااااااااااف بالصح نشكرهم بزاااف لخاطر خلاوني تعلمت حوايج بزاف
انت اللي عليك ماتضرهمش وهما بينهم وبين مولاهم .... برك باش تبقى تميز بين الصحيح والقبيح

نستعرف بيك والله :thumb_up1:





​

 

[sahiko hamza]

3abalk khla3tni b had titre 3ambali rak mrid wella kach ma bik

الله لا يخلعك ان شاء الله

.....hadou li rak dayer 3la djalhom hakda za3ma yssthaalou???? mat9ala9ch rohek kayen nass mlah

سي صح كاين شي ناس ملاح

كيما انتي ...

ana 3andi des amis 3ans w ana na3rafhom par internet bark jamais chft mnhom haja machi mli7a en+ khir m les amis li m3aya hna

aya bn courage matet9ala9ch 3la li mayssthalch ​

صحيتي زهرة

​

 

[sahiko hamza]

خلعتنيـ منـ العنوانـ

الله لا يخلعك

حسبتـ كاشيما صرالكـ :sadwalk:
ربيـ ستركـ منـ ......:shiny:

من واش تاني .... :sadwalk:

هذيـ هيـ الدنيا
ياكـ يقولو
اذا أكرمتـ الكريمـ ملكتهـ واذا اكرمتـ اللئيمـ تمرد ,,,

هذي حيتها مليح بين عينيا ...

انسى و متحملشـ فيـ قلبكـ
الليـ قاسكـ هو الخاسر
,,,,
​

هو الخاسر بيان سير
مارسي عليك طلعتيلي المورال ...
​

 

[salma2010]

مادمت صافى القلب والنية مع ربي جامى يضيعك

 

[ياسمين عنابة]

السلام عليكم
أخي يقول الحديث النبوي الشريف: (التمس لأخيك الف عذر ) أو كما قال صلى الله عليه وسلم
هي الدنيا تلهينا وكثيرا ماتشغلنا عن من هم بحاجتنا

ياااسر مثلك يعانيو من هذا الحالة مي ربي يفرج على الجميع ولعل الي منع عنك اصحاب شيء اقوى منهم
ماكانش الي يكون مرتاح وهاني ويفرط في احبابه خاصة انها عشرة طويلة
واش نتمنى لخويا
نتمنى لك تقابل الاساءة بالحسنة وهذا الاهمال قابلوا باهتمام
اسأل عليهم وتفكرهم وادعيلهم ربي يهديهم ويرجعو للطريق ومايفرطوش في الاخوة الي جمعتكم

 

[دعاء19]

لي خانك اخي sahiko ميستاهلش تحير من اجله وميستاهلش تفكر حتى فيه خليك مع الناس لي مزيانة معاك وكتهتم بيك هي لي تفكر فيها لحقاش كتستاهل اما لوخرين لوحهوم وراك وهني راسك
وربي الاقيك مع الناس المزيانة لي تعرف قيمة الناس وتعرف قيمة الصداقة

 

[معاك يا الخضراء]

يادرى العقلية هذي عندي انا المجروح منها ولا عند الناس كامل ..............

صراتلنا كااااااااااااااااامل يا حمزة
ومن عند عباد كانو تقريبا هوما اعز الناس
لازم تعرف برك ماتحطش الثقة في الناس كل من وهك
وديما تخلي الحدود بينك وبين الناس اللي ماعندكش عشرة عمر معاهم
الخدع يجيك يجيك
ماتقلقش روحك
ربي يهنيك​

 

[sahiko hamza]

مادمت صافى القلب والنية مع ربي جامى يضيعك

بارك الله فيك ...

​

السلام عليكم
أخي يقول الحديث النبوي الشريف: (التمس لأخيك الف عذر ) أو كما قال صلى الله عليه وسلم
هي الدنيا تلهينا وكثيرا ماتشغلنا عن من هم بحاجتنا

ياااسر مثلك يعانيو من هذا الحالة مي ربي يفرج على الجميع ولعل الي منع عنك اصحاب شيء اقوى منهم
ماكانش الي يكون مرتاح وهاني ويفرط في احبابه خاصة انها عشرة طويلة
واش نتمنى لخويا
نتمنى لك تقابل الاساءة بالحسنة وهذا الاهمال قابلوا باهتمام
اسأل عليهم وتفكرهم وادعيلهم ربي يهديهم ويرجعو للطريق ومايفرطوش في الاخوة الي جمعتكم

ولو أن كلامك معه حق بصح تجيني ثقيلة مانفوتهاش ...
عموما شكرااا .
​

لي خانك اخي sahiko ميستاهلش تحير من اجله وميستاهلش تفكر حتى فيه خليك مع الناس لي مزيانة معاك وكتهتم بيك هي لي تفكر فيها لحقاش كتستاهل اما لوخرين لوحهوم وراك وهني راسك
وربي الاقيك مع الناس المزيانة لي تعرف قيمة الناس وتعرف قيمة الصداقة

أهلا بالأخت المغربية دعاء ...
بارك الله فيك على كلامك المزيان
شكرا شكرا لكـ

​