لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

[zagane]

السلام عليكم

لمادا يستحيي الجزائريون من شراء المعز ونحره في عيد الاضحى المبارك

هستيريا المعز والجديان والعتروس

يوم العيد يتباها الناس الجزائريون بؤضحياتهم بنوع من الرياء المقنع

ويظهر كل واحد منهم على انه اقتنى افطل واقوى واكبر كبش في الحي او في الجزائر

في حين نجد الفقراء منهم من يستلف ليقتني كبييش صغيرا باش يسكت الاولاد والاطفال غير قدام الناس



وهناك من ما علابالهش وما عندهش الدراهم يروح يوزع اي يشري شويا لحم باش يشوي ويدير الريحة في هو فانيك في نيوف الاعداء والاغنياء ويوكل الاولاد اللحم ولباس

وكاين اللي يشري علا حساب دراهمه معزة او عتروس او جدي صغير المهم يسيل الدم قدام العرب في نيته
ولكن رغم انه لا يوجد نص تشريعي يفرض دلك او يمنع دبح المعز الا انه يبقى الدي اشترى المعزة او الجدي للعيد يتوارى من القوم من سوء ما فعله ويحشم ياخد في الحديث عن العيد

ويصاب بهستيريا المعز حتى ينتهى العيد وتنسى الناس امره

ما هو سبب هده الهستيريا في رايكم
الموضوع للنقاش الحر

اما انا فارى ان الناس هم الدين يسببون هده الهستيريا بسبب ضحكهم واستهزائهم بمن اشترى المعز

عيدكم مبارك

 

[اسير الحزن]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

حقا عنك الصح
لماذا
يا ترى حتى انا راني حايير
على مأظن ان سيدنا ابراهيم الخليل ذبح كبش فيتبعون سنته

 

[mauvais gosse]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

انت ذكرت فى البداية انهم يتباهون يا سيدي 95 % من الجزائرين الاضحية عندهم ليست عبادة يتقربون بها الى الله لانه
لو كان كذلك لقلنا انهم يقدمون الى الله الافضل والافضل هو الكبش ولكن عندهم الامر هواكل اللحم وافراح الذراري والزوخ امام الناس

 

[عاشق اللمة الجزائرية]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

هي من ناحية شرعية انك تنحر وتقول اللهم هذا منك واليك
وبالتالي فانه لله عز وجل افلا يستحق الله ان ننحر لاجله اعظم ما نقدر عليه ؟؟
هذا مثل ما جرى لهابيل وقابيل حينما تقربوا لله بقربان فاحدهم قدم عز ماعنده والاخر قدم قربانا عاديا مما تبقى له ، فتقبل الله من الذي اعطاه اعز ماعنده ولم يتقبل قربان الاخر

لذلك فانه من مستحب ان يكون كبش وله قرنين

ومن ناحية تانية بالنسبة لينا وما تضحكش عليا هههههههههههههههههههههه

الكبش ياكل فقط الاعشاب ونبات اما المعزة فهو مثل حملة عامة ياكل النبات والبلاستيك الاكياس السوداء الممنوعة في سوق ههههههههههههههه


شكرا لك اخي محمد

مواضيعك دائما اجتماعية جزائرية 100/100

 

[taibatigeneral]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

بعض الناس تعتمد الا على اللوك
المعزة كنز لولاه لما اشرب الحليب كل صباح
الحليب الذي انقطع عن البلاد كلها
رحم الله امرء عرف قدر نفسه

 

[الحسناء]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

والله يا اخى لا اعرف

 

[sanaa_algeria]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

والله ما علابالي علاه
انا مدقتش لحم نتاع المعزة

 

[الليبي]

رد: لمادا يستحيي الجزائريون من شراء المعز ونحره في عيد الاضحى المبارك-هستيريا المعز-

و الله الحق هني في ليبا عندنا الناس تدبح في العيد كانه يوم عادي و الذي ليس لديه كبش او اضحية لا يبالى بل يحمد الله على انه قاعد حي و يمشي الامور على حالها لكن العيد تلقاه بشكل جماعة اى الاضحية في شكل قروبات ثلات او اربع حياش من نفس العيلة تدبح مع بعضها و جو مليح و الحكاية كلها خاشا بعضها

 

[ayadzadam]

السنة تقول خروف ومن استطاع كبش بالاضافة الى القرون ويكبر الأجر كلما زاد الحجم والله اعلم​

 

[رفيق الطيب]

حنا نتبعو النبي ابرهيم الخليل عليه السلام ذبح كبش نذبحو كبش كان ذبح ارنب نذبحو ارنب والناس ليمعندهمش لا يكلفو الله نفسا الي وسعها لها ما كسبة وعليها ما اكتسبة

 

[walid31]

لانها عادة الجزائري

 

[rose_alg]

مرسي

ههههههههه كقريت هدا العنوان ضحكت باسكو فكرني ف حجات ككنت صغيرة اولا مرسي على الموضوع خويا لعزيز صح ولات موضة ف العيد كبير ندبحو كبش ولا مكانش ونادرا منلقاو فامي دابحة المعز ولا عتروس تعرف علاش باسكو انا نتفكر ك كنت صغيرة كونا نضحكو على لميدبحوش كباش ويدبحو معيز ولا عتروس ولا... القائمة طويلة المهم انا نضن انو الوضع هدا فرض وجودو باسكو الاغلبية نتاع الاطفال يضحكو:laugh: على بعضاهم ما يفرض على الاباء انهم يتفداو شراء هدا النوع
وقبل منروح نحكيلكم حكاية بهدا الموضوع صرات ف الكارتي نتاعنا كنت ف عمري 11 سنة
كنا قبل العيد قع الجيران يوصفو الكباش لي يشريوهم وكل واحد يقول نتاعي خير المهمو مرة جارنا كان رايح يشري لوليدو عتروس ولا معز منيش عارفة واش بالضبط نسيت المهم بلي وليدو كسمع بباه يقول ف الدار نشري عتروس المهم قريب قتل روحو بالبكا وقال لبباه والله منخرجو باسكو صحابي يضحكو عليا اعتقد انو كل واحد كان ف بلاصتو يخدم هكدا ههه
مرسي مرة تانية :thumbup:

 

[amel02]

و الله بالاك والفنا الكباش انا وحدة ملي نشفا على روحي و حنا نذبحو لكباش

 

[zagane]

ههههههههه كقريت هدا العنوان ضحكت باسكو فكرني ف حجات ككنت صغيرة اولا مرسي على الموضوع خويا لعزيز صح ولات موضة ف العيد كبير ندبحو كبش ولا مكانش ونادرا منلقاو فامي دابحة المعز ولا عتروس تعرف علاش باسكو انا نتفكر ك كنت صغيرة كونا نضحكو على لميدبحوش كباش ويدبحو معيز ولا عتروس ولا... القائمة طويلة المهم انا نضن انو الوضع هدا فرض وجودو باسكو الاغلبية نتاع الاطفال يضحكو:laugh: على بعضاهم ما يفرض على الاباء انهم يتفداو شراء هدا النوع
وقبل منروح نحكيلكم حكاية بهدا الموضوع صرات ف الكارتي نتاعنا كنت ف عمري 11 سنة
كنا قبل العيد قع الجيران يوصفو الكباش لي يشريوهم وكل واحد يقول نتاعي خير المهمو مرة جارنا كان رايح يشري لوليدو عتروس ولا معز منيش عارفة واش بالضبط نسيت المهم بلي وليدو كسمع بباه يقول ف الدار نشري عتروس المهم قريب قتل روحو بالبكا وقال لبباه والله منخرجو باسكو صحابي يضحكو عليا اعتقد انو كل واحد كان ف بلاصتو يخدم هكدا ههه
مرسي مرة تانية :thumbup:

salame alaycom

hada el3ame laide bu ma3zzzza-
- معيز - momkine