الليستة نتاع السكنى ... و واش دارت .....

م

مفآهيمـ الخجل

:: عضو بارز ::
أوفياء اللمة
السلام عليكم ​

ان شاء الله راكم بخير يا جماعة الخير ​

حنا الحالة راهي مقلبة عندنا ​

مظاهرات و اعمال شغب و تخريب ​

الحالة راهي ماتشكرش ​

و السبة؟؟؟؟؟؟؟؟ ​


اليوم الصباح خرجت الليستة نتاع السكنات لي مدهوم ​

و خرج فيها 500 واحد من الكبار برك ....و كاين اشاعات يقولو كامل عندهم و مايحتاجوهاش ​

امالا ليجان مساكن لي كانو يستناو .......... ماصحلهم والوووووو ​

ايا نهار كامل و هما دايرين سيركولاسيون في البلاد غير باش يشوفو هاد الليستات لي خرجو ​

و قبيل قاعدين في الحوش نغسلو في القش ​

حتى سمعنا العياط ........... وش كاين؟؟؟​

انا قلت بالاك كاش عرس ......اواه .. ماكاش عرس نهار لربعا ​

بالاك كاش ماتش ......ياويلي بالاك البارصا لعبتــ و ربحت و انا لاخبــــر :scared:​

ايا زاد العياط ياااااسر ...... رحت نجري للبالكون ...تقابلني طول النار ​

يالهوي وش صاير؟؟؟؟؟​



ليجان لي غاضهم الحال على السكنى لي مامدولهمش دايرين مظاهرات و حارقين بلاصة قدامنا ....مزية فارغة ​

وااش نقلكم...... تسمع كل انواع الكلام ...السب و الطياح .........​

ايا شوية و هما هاك يحرقو و يكسرو حتى جــــــــــــــات ....لابوليس نتاع الشغبـ و زادو هما تاني يسبو و يهدرو في كلام قبيح ​

و يرمو عليهم في الرصاص ناتع البلاستيك و لا ماعلاباليش وشنو ...و الله غير حسيت روحي في ليبيا ...بعيد الشر ​

تع الصح غاضوني هادوك ليجان ​

جابلي ربي هادوك السكنات من حقهم ......راهم كامل زوالية و يحتاجوها ​

كاين لي فايتو الزواج و فايتو كلش ...غير على جال السكنى ​

و مباعد يقولك علاه يروحو يحرgــو و علاه ينحارفو و يروح لطريق المخذرات و هاد الصوالح

و الله قد مايديرو مش خسارة ...خاطر حقهم ​

وانتم كاش تخريب عنكم و لا والو ؟؟؟ ​

ربي يستر و يفوتو هاذ ليامات على خير ​

ايا في لامان​
 
آخر تعديل:

كاين مساكن عايشين في بيت واحدة و الله ماداوها او كاين اللي لاباس بيهم مي اداو
 

كاين مساكن عايشين في بيت واحدة و الله ماداوها او كاين اللي لاباس بيهم مي اداو
 
ارواحي تشوفي هنا تاني .......زوج من نفس لافامي عطاوهم سكنة سكنة.....
انا دفعت دوسي لحلاليف ماحبوش يمدوهالي..عطاوها للناس مايستهلوش .....جماعت الشكارة
​
 
توقيع kojak
كل واحد وزهره بالحلو أو بالمر .
ام أعمال الشغب الحمد لله مكانش ومهوش حل هذه الأعمال .
​
 
ولله يغيضو مساكن .....
مي *واش يدير الميت في يد غسالو *
هادي هيا بلادنا ..
الي معندوش الدراهم داه الواد
ربي يصلح الاحوال ...
ويفرج على هاد الشبيبة مساكن ...
راااااااااهم يشفوووووو ...
يعطيك الصحة ختي ...​
 
ان شاء الله يا رب لي يدي حاجة مشي من حقه تخرج في صحته وولاده يا رب
 
اللهم امين ، حنا عندنا تاني خرجت لا ليست هذو ليامات و صرات كبيرة مع الناس اللي ما خرجت لهمش ، و الشي اللي يحير انو خرجت لــdes jeunes صغار من l'age نتاع تقريبا 27 و 28 حتى لـ 30 سنة و هوما بالزاف و منهم ناس نعرفهم ، و هذو les jeunes لي دوسيي نتاوعهم جدد يعني عندهم تقريبا عام من لي دفعوهم ، يعني هنا نعطي الحق للناس اللي لي دوسيي نتاوعهم قدم و ما خرجت لهمش و اللي كانت ردة فعلهم سلبية ، و اللي هوما اولى بالسكنة ، و اللي هوما تاني فئة كبيرة و تاني كاين منهم اللي نعرفهم ، على كل حال يا اختي كيما قلتي في اخر كلامك ربي يستر و تاني نقول ربي يفرج بالخير ان شالله ، تحياتي ليك يا اختي.
 
وعليكم السلاام

يا حبيبتي مرام نقولك حاجة مدام رانا في الدزاير الزوالي غير مايحلمش بـf2 ماتصحلوش مسكين....راهم يدو السكنة غير لي عندهم المعريفة والشكارة نورمالمون هوما لي مايطلعوش في لاليست راهم عندهم ومكفيين...يمدو للزواولة مساكن حنا لالا عاكسينها...
اصلا ماكانش حاجة تمشي فيها بلادنا على طريق مستقيم
مرسي على الموضوع مونغولتي
​
 
قال ماكانش:
يعطيك الصحة مفاهيم الخجل
مام في باتنة خرجت عندها 4 ايام
وراني ناوي ندير موضوع عليها ...
إضغط للتوسيع...


ربي يجيب لي فيه الخير

شكرا اخي​
 
قال makour:
كاين مساكن عايشين في بيت واحدة و الله ماداوها او كاين اللي لاباس بيهم مي اداو
إضغط للتوسيع...

و الله غير يغيضو تع الصح

بالصح هاذي الدولة وش راح نديرو ...دولة نتاع خبث و مصالح

صحيتي ختي
​
 
قال fatima_tima:
كاين مساكن عايشين في بيت واحدة و الله ماداوها او كاين اللي لاباس بيهم مي اداو
إضغط للتوسيع...

كاين ربي

صحيتي ختي
​
 
قال kojak:
ارواحي تشوفي هنا تاني .......زوج من نفس لافامي عطاوهم سكنة سكنة.....

انا دفعت دوسي لحلاليف ماحبوش يمدوهالي..عطاوها للناس مايستهلوش .....جماعت الشكارة​
إضغط للتوسيع...


هاذي لي تزيد تقتل
زوج في نفس الفاميليا و يمدولهم

ربي يصلح لحوال


شكرا اخي​
 
وي حنا تاني علقوها مي نورمال مدوزا للناس لي معندهمش وماكانش مشاكل كبار
 
سلامو
مام حنا الصباح خلعونا نسمعو في الزغاريت أختي خرجت تجري علابالها البااااااااااك
مااااااااااااااااااااااااتـــــــــــــــــــــت مسكينة ههههه
و الله حنا اليوم في التلاغمة أول مرة في التـــــــــــــاريخ يصرا حدث كبيـــــــر عندنا
الناس الزاوالية و الناس اللي تستحق السكنة داتها
كي جا الوالي الجديد الحمد لله دركا
و يسكنوهم بالهنا انشاء الله ​
 
قال الحاج الطيف:
كل واحد وزهره بالحلو أو بالمر .

ام أعمال الشغب الحمد لله مكانش ومهوش حل هذه الأعمال .​
إضغط للتوسيع...


صح اعمال الشغب مش حل بالصح الله غالب مابقالهم مايديرو

شكرا اخي​
 
قال estrella:
ولله يغيضو مساكن .....

مي *واش يدير الميت في يد غسالو *
هادي هيا بلادنا ..
الي معندوش الدراهم داه الواد
ربي يصلح الاحوال ...
ويفرج على هاد الشبيبة مساكن ...
راااااااااهم يشفوووووو ...

يعطيك الصحة ختي ...​
إضغط للتوسيع...



و الله صح راهم يشفووو

آآآمين ربي يصلح لحوال

مشكووره ختي​
 
وعلاش يمدو السكنة للكبار .
راهي راحت عليهم
يخليو الشبيبة تتزوج
علاش عليهم
مالا أنا وقتاه نزوج بالحسبة هذي
وااااع واااااع
خخخخخخ
مغسي اختي
سلامو
​
 
توقيع الورد الأحمر
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom