معلش .. نستاهل .. نستآهل .. نستآهل | واش تربح يا الخدآع ؟

الجندية

الجندية

:: عضو فعّال ::
أوفياء اللمة
السلام عليكم ورحة الله تعالى وبركاته
أما بعد عندي بزاف مافتحتلكمش قلبي .. وماحكيتلكمش عما يجول بخآطري

يآخآوتي راني مغمومه بزآف ..
من كثرة اللي إنخدعت في حيآتي ماوليتش قادره نفرق بين عدوي وحبيبي
الكل يبآنولي 1

رآني هامله وعلابالي بزاف اللي صراتلهم هاذي
أنا وحده من الناس نيه بزاف ونطيح في الشبكه بلخف على هذا الحب خطيييته
ما نأمنش بيه يسموني نعرف الحب بعد الزواج
كيما ديننا يقول
لكن الإنسان بطبعه ماينجمش يعيش وحداني
رحنا ياسيدي نحوسو على الصديقه جربت بزاف والكل خدعوني اللي تعرفت عليهم في النت اللي يقراو معايا .. جاراتي .. مالقيتش فيهم اللي تحس بحاجتي لمصادقتهم

عشا وحيده ومزالني وحيده والكيه التاليه دارت فيا رايها
طفله تقرى معايا كذبت عليا ولعبت بيا .. كيما حبت ودات صوالحها وطيشتني
خلاص كي كملو مصالحها واش دير بيا ؟ :sad:
صدقوني كرهت حياتي ... الحمد لله كاين قلوب تحتويني مزال
وناس تسمعلي وتحس بيا ... خاوتي عندي غيـر ربي ونتوما .. آبآر نتوما ماكانش اللي يعرف فاتي كي راها مغبونه ...

هذيهي الصحبه ...
قاع المصالح الماديه ماغاضتنيش .. بصح اللي غاضتني وكملتني
هي حبيتها ووالفتها ودرتها ختي وأكثـر خرجتلي خرجه خاسره
علآش ؟ ربي يعلم .. ربي يعلم .. ربي يعلم


وإسمحولي طولت عليكم ... هكدا نكون فرغت شويه
راني ديفوليت شويه
أدعولي
​
 
اختي معظمنا راه يمر بهذه الحالة واش ديري هذه هي الحياة
 
توقيع آمِيْرَتُه
صار ؟ تبانيلي قافزة هنا والله نشوفك تضحكي وطيري هنا وهنا كي فراشة والله نحسبك فايقة
بصح نسقسيك ختي معليش محسسيتيش قاع بيها راها تكدب عليك ولا تحوس على مصلحتها منك محاولتيش تاستيها برك ؟
انا صح نية بصح في حدود معنديش صحباتي في ليسي انا تاني نخاف عمرهم ما علمو عليا بصح نخاف من تجارب اخرين عندي صحباتي هنا في عالم افتراضي بصح والله ونعمة لبنات ربي يخليهملي ان شاء الله
دنيا امتحان بعد درس وانت راكي تعلمتي ختي متزيديش ديري لمان
بصح وكان قلتيلها هدرة وقلتي لصحبتك وحدوخرا هدرة وشفتيها لا توصل هدرة ولالا تاست صغير برك
معليش زينة هكا ولا حاجة وحدوخرا متزعفيش كاين ربي غي هو دايم وخطيك منهم
لكي ودي سلام اختي ​
 
ختي نقلك رانا كامل فتنا بهذي الحالة ومكانش الي تخدع في دنيا قدي انا فتت بوحد سيتياسيو الله ليشوف فيها واحد
وقدرت نفوتها ونمحيها وعادي وراني مطبق وحد العقلية فووور وخرجة عليا وهي :اي وحد نعطيه عقليتو ومستحيل انمد سر نتاع الي وحد , ريح معا الكذاب نكذب عليها اريح مع زوخ نصدقو ونشيق معاه نريح مع السيريو نحكي سيريو =مستحيل نعطي سري والو في ادنا حاجة هذيهي العقلية
ومتكسريش راسك راه يفرج ربي
​
 
صحيتووو صحيتو
إيه شفتي يآخديجه ختي .. هذي الحقيقه
أنا تساتيتها شحال من مره وعرفتها بصح بعد ما اطفرت وفات الحال
تكذب تمنشر وتزيد تبلعط .. ربي يسآمحها هذا مانقول
صحيتي حنونه
​
 
شكون هادي الي متسواش زعفت فاتي نتاعنا
نروح ليييييها ...
متقلقيش روحك يا شابة هادو هوما ناس
تاع ضرك وهادي هيا الدنيا
مازلتي صغيرة وجاية لدنيا
ومازال تزيدي تعرفي ناس وناس
نقولك حاجة الي باعك بيعيه
والي نساك نسايه
والي خسرك اخسريه وعمرك ماتندمي عليه
ونتي انسانة نيتك صافية مع الناس
يجي نهار وين ربي سبحانه يلاقيك بناس
كيفك يمشو بنيتهم ...
وهادي الي خدعاتك معليش خليها على ربي
دنيا دوارة .. هي الخاسرة ماشي نتيا ...وكيما يقول المثل ربي يخلف على الشجرة ماشي على قطاعها
ماديريهاش كامل في بالك ..خمي غير في قرايتك وربي يهنيك و يوفقك
سمحيلي طولت عليك رااااااني ثرثارة هاد اليامات ههههههه
المهم نتمنى نكون خففت عليك شوية
سلام حنونة..​
 
ههههههههههههههه نحكيلك حكايتي انا قريب كيما انتي درتها كيما اختي وتقرى معايا + ساعدتها في كل شيئ وهي جاااااااااااااامي كانت معايا مرا مي دوك تفارقنا ضربتها وجبدتها مشعرها قريب قتلتها فلكلاصة هادي هي مانحبش واحد خبيييييييييييييث
 
مدابيك تتعلمي من الدرس ..
 
قال estrella:
شكون هادي الي متسواش زعفت فاتي نتاعنا
نروح ليييييها ...
متقلقيش روحك يا شابة هادو هوما ناس
تاع ضرك وهادي هيا الدنيا
مازلتي صغيرة وجاية لدنيا
ومازال تزيدي تعرفي ناس وناس
نقولك حاجة الي باعك بيعيه
والي نساك نسايه
والي خسرك اخسريه وعمرك ماتندمي عليه
ونتي انسانة نيتك صافية مع الناس
يجي نهار وين ربي سبحانه يلاقيك بناس
كيفك يمشو بنيتهم ...
وهادي الي خدعاتك معليش خليها على ربي
دنيا دوارة .. هي الخاسرة ماشي نتيا ...وكيما يقول المثل ربي يخلف على الشجرة ماشي على قطاعها
ماديريهاش كامل في بالك ..خمي غير في قرايتك وربي يهنيك و يوفقك
سمحيلي طولت عليك رااااااني ثرثارة هاد اليامات ههههههه
المهم نتمنى نكون خففت عليك شوية
سلام حنونة..​
إضغط للتوسيع...


ربي يحفظك حنونه ... ردودك ديما تفرحني وطلعلي المورال
مرسي بزاف .. كلامك جواهر
يعطيك الصحه
​
 
قال nesrine17:
ههههههههههههههه نحكيلك حكايتي انا قريب كيما انتي درتها كيما اختي وتقرى معايا + ساعدتها في كل شيئ وهي جاااااااااااااامي كانت معايا مرا مي دوك تفارقنا ضربتها وجبدتها مشعرها قريب قتلتها فلكلاصة هادي هي مانحبش واحد خبيييييييييييييث
إضغط للتوسيع...

هههههههه والله نسترعف بيك إنتي فشيتي الفاكره أنا مازال
بصح بيناتنا ليام ماعنها وين تهرب
صحيتي حنونه
​
 
استريلا انتي تابعي هاد المسلسل تاع استريلا
 
السلام عليكم
يا اختي هادي هي الدنيا و هدا ولى شي عادي في وقتنا الناس كامل تحوس على مصالحها
المهم لازم الواحد يعرف مليح كيفاش يخير اصحابو
انا ننصحك ما ديري اهمية حتى لواحد حتى اذا راح ما تحزنيش عليه
واحنا هنا اعضاء اللمة في اي وقت تحتاجينا انت او اي عضو راح نكونو معاكم
 
rabi m3ak
...............
 
مافهمت والو ::: شكـرآ ربي يحفظك خويا العزيز
شكـرآ هيثم
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom