spa بنات اللمة :: حملة تغيير من أجل طلة أروع ::

[chouchou rose]

بصح قاددرين الرجال يدخلوا لهاذا الموضوع ........................
احب الاشتراك و لكن............ذكرت سببي

 

[نجـStarــمة]

العناية بالجســـــــــــــــــــــــــــــــــم

لازم تجعلي اهتمامك ببشرتك جزء من روتينك اليومي حتى لو خصصتي له جزء بسيط فاليوم فاباذن الله راح يعطيك نتايج تبهرك
رايحين نتكلمو على
*
**
*
*ازالة شعر الجسم
*مشكلة الخطوط البيضاء فالجسم
*العناية بالابط(تفتيح-ازالة شعر-التخلص من الرائحة)
*وصفات طبيعية وسهلة لتقشيير وتفتيح الجسم
ولنعومة خيالية :shay:
*التخلص من المناطق المسودة في الجسم
*ورايحيين نتكلمو بالتفصييل على عناية بالمنطقة الحساسة
ايا تابعيني:shay:
.
.


اولا ---ازالة شعر الجسم
تكلمنا على هاد الموضوع لكن رايحيين نعاودو نطرقو اليه
فنقاط بسيطة
البشرة الناعمة ذات الملمس الحريري من علامات الانوثة وللوصول لها
لازم اولا تكون بشرة جسمك من غير حتى شعرة تكلمنا على طرق ازالة الشعر
ومن الاحسن دايما نستخدمو الحلاوة هي الاكثر استخداما والاكثر فعالية
حيث تزيل الطبقة الجلد الميتة وتنعم وتقلل من نمو الشعر
مشكلة نقاط السوداء فالجسم ونمو الشعر تحت الجلد !
1- مشكلة النقاط السوداء بالارجل

من اسبابها
*استخدام وسائل نزع الشعر مثل موس الحلاقة ولا الكريمات هاذ الوسائل لا تنزع الشعر من الجذور لذلك تبقى تحت الجلد وتسبب نقاط سوداء
*الاستخدام الخاطئ للحلاوة
*الغسل مكان المنزوع مباشرة بالماء العادي

حل المشكلة
*تجنبي الازالة بالموس او الكريمات
*الاستخدام الصحيح للحلاوة كالتالي
*لابد من تعريض المكان للماء الدافئ لمدة 10 د قبل الازالة بالحلاوة لكي تتفتح المسام
*فرد الحلاوة في نفس اتجاه الشعر ثم النزع عكس اتجاه نموالشعر
بعد النزع امسحي المكان بماء الورد المثلج ثم اعملي نشا مع ماء الورد وحطيها لمدة 20د
2-مشكلة نمو الشعر تحت الجلد
سببها الاساسي طبقات الجلد الميتة و عدم الترطيب
كيفاه؟؟
بعد ما تنحي الشعر وبشرتك تولي ناعمة وشابة تخليها هكاك بلا ماترطبيها او تعمليلها صنفرة وهنا المشكلة تتركز طبقات الجلد الميتة والشعرة لما جي تخرج ماتقدرش فتتلوى وتقعد الداخل
نصائح لحل المشكلة
تعملي صنفرة للتخلص من الجلد الميت قبل نزع الشعر بيوم وهي عبارة عن زيت زيتون وسكر وليمون
بعدها لازم الترطيب دااايما على الاقل مرتين فاليوم خصوصا قبل النوم
وبعد ما تنزعي ايضا ترطبيها بالنشا وماء الورد تخلطيهم مليح وتحطيهم 20د حتى تنشف
وبعدها تدهني بزيت الزيتون او زيت نبات السعد لتقليل نمو الشعر

المزيد من عناية بالجسم ومشاكله
تابعيني :shay:
.
.
*.
​

*



​

يعطيك الصحة حبيبتي
بارك الله فيكي
جاري في التجريب والبحث عن وصفآت أخرى.......>>
تحيآآآآآتي...



​

 

[نجـStarــمة]

بصح قاددرين الرجال يدخلوا لهاذا الموضوع ........................
احب الاشتراك و لكن............ذكرت سببي

مرحبا بيك أختي معانا في الموضوع ان شاء الله تستفادي
مي الرجال لا يمكنهم الدخول للموضوع بالذات لأنه خاص بالبنات
كما ذكرت المشرفة نور من قبل في ردها
تحيآآآآآآتي


​

 

[shahrazad]

صباح النـــــور
وجمعــــــة مباركة للجميــــــــع
اللهم اعنا على طاعتك
اللهم الهمنا بالصبر وحقق لنا مرادنا
اميـــــــــــن
​

 

[shahrazad]

اختي اشواق الجزائرية مرحبا بيـــك معانا
وبراحتك كيما تحبي ديري
لكن حبيت نقولك برك انو ماناش نديرو فحاجة عيب ولا حرام حتى نحشمو
الحمدلله رانا نهتمو برواحنا ونستفادو جميعا فحل مشاكلنا
بارك الله فيك ختي نورتي وتابعينا من لبعيد ماعليش
​

 

[NICHA03]

صباح الخير و جمعة مباركة للجميع​

 

[shahrazad]

ايا لبنات راييين نكملو مع مشكل عويص عدنا هههه الي هو التشققات البيضاء
اممم
هي ناتجة عن التغيرات فالجلد ان كان الزيادة او نقصان فالوزن وكذلك تظهر في بداية سن المراهقة
تظهر فالبداية على شكل خطوط حمراء ثم تصبح بيضاء تنتشر فاماكن مختلفه فالجسم خاصة الارداف الصدر الساقين
الحل للمشكلة هادي صعيب لكن ليس مستحيل يلزملها علاج لوقت طوييل ومستمر حتى تلقاي نتيجة المرجوة
لقيت وصفات كثييرة بخصوص هد المشكلة لكن منحطهاش لانها فيها بزاف خالوطات هه وممكن حتى انها مجيبش نتيجة
اولا الحلول الطبية الي تخفف وتمنع ظهور هاد المشكلة اكثر فجسمك لانو اذا مازال مكنتيش مزوجة رايحة تزيدلك بعد الزواج بسبب الحمل اذا حنا باه نمنعو هاد الشي نبداوها من دوكا
تقوية مرونة البشرة
استخذام كريمات البشرة يومياااا لكامل الجسم خاصة بعد الاستحمام
وكذلك استعمال الزيوت المغذية للجسم مثل زيت اللوز المر و زيت الزيتون
خاصة على البطن لتجنب التشققات ما بعد الولادة
الفيتامينات a e عن طريق التغذية او تشريهم من الصيدلية وتستعمليهم مع الزيوت
شرب الماء بكثرة و تدليك البشرة
ومن الوصفات الطبيعية الي سمعت بيها من عند قريبات ليا او صديقات
اولا عدنا خل التفاح معروف بلي يخفف من الخطوط البيضاء
جيبي قطن وتدهني بيه المنطقة مرتين فاليوم
ملاحظة النتيجة تكون بطيئة ولازم الاستمرار لمدة شمرين على الاقل لانو كيما قلنا الخطوط ماتروحش بسهولة
ثانيا الزيت الزيتون اثناء الاستحمام تجيبي لليفة خشنة وتحكي منطقة الخطوط بالليفة وزيت زيتون ملييييح وداومي عليها
ايضا زيت اللوز المر+فازليين+زيت الجليسيرين هادي مليحة لترطيب الجسم كامل ركزي على الخطوط
تدهنيها لمدة 5د بشكل دائري

رايحيين نتكلمو ايضا عن ماركات الكريمات الطبية لهاد المشكة
والي عندها اي معلومة عن ماركة كريم تعطيهولنا او اي معلومة عن ازالة تشققات تفيدنا بيها
ولكن تمنع الوصفات الكثيرة

تابعينيــــ
​

 

[biribiri]

merci hanouna ana tani rani m3ak w nchalah koul whda tl9 lhal li ynsbha w 3jebtini ki 9oulti ghir lwssfat lmojarab byeeeeeeeeeeee

 

[Sẻl Mā]

اسجل حضوري فكرة رائعة

 

[نسيم الربيع]

راني جربتها اليوم ختي :shiny:
ونفعتني بالاك كل وحدة وكيفاه!!
صح ماعنديش بزاف رؤووس سوداء مي كانو كاينين صوالح في وجهي صغار مانعرف واش :blink:
كي درت الماسك تنحاولي
ماشي 100بالمية لكن 70 بالمية وجهي تنقى
ورايحة نعتمدها باذن الله
:sheer:
​

اوكي مالا تكون كيما قلتي كل وحده وكيفاه
مالا انا تاني نجربها ونشوف
مارسي حبيبتي​

 

[نسيم الربيع]

لبنات بغيت نسقسيكم قريت شحال من مره على حاجه يقولولها الترمس كاين الحلو وكاين المر قريت بللي تقلل نمو الشعر اللي تعرف كيفاه يقولولها بلهجتنا تخبرني ومارسي​

 

[NICHA03]

لبنات بغيت نسقسيكم قريت شحال من مره على حاجه يقولولها الترمس كاين الحلو وكاين المر قريت بللي تقلل نمو الشعر اللي تعرف كيفاه يقولولها بلهجتنا تخبرني ومارسي​

حتى اختي شافتها و سقساتني كشما نعرف عليهااا قتلهاا نسقسيلك ونقللك لي كشما يعرف يقللنا بليز

 

[aidouch]

لبنات بغيت نسقسيكم قريت شحال من مره على حاجه يقولولها الترمس كاين الحلو وكاين المر قريت بللي تقلل نمو الشعر اللي تعرف كيفاه يقولولها بلهجتنا تخبرني ومارسي​

سلام اختي
و الله ما سمعت بيها و منعرفهاش
و بلاك نكون نعرفها مي مش بهاذ الاسم معليش نسقسيلك عليها اختي​

 

[اسماء16]

اريد طريقة لتطويل الاضافر
الان اضافري كل منطولهم يتكسرو بلخف
ارجو افادتي ادا اي وحدة تعرف طريقة
​

 

[shahrazad]

سلام عليكم لبنات
ان شاء الله تكونو ملاح
اسمحلولي على الغياب لاسباب صحية
///
شكرا لكل من مرت فالموضوع وان شاء الله نحاول نجاوب على استفسارتكم
ونكمل ما تبقى من الموضوع


​

 

[shahrazad]

لبنات بغيت نسقسيكم قريت شحال من مره على حاجه يقولولها الترمس كاين الحلو وكاين المر قريت بللي تقلل نمو الشعر اللي تعرف كيفاه يقولولها بلهجتنا تخبرني ومارسي
​

اهلا نسيم الربيع
الترمس قريت عليه بزااف
و عندو فوائد لا تعد ولا تحصى لكن للاسف ما حوستش عليه باه نشريه
على حساب ما بحثت اسمو باللهجة الجزائرية الفول الكناوي المر
ويجي فول صغير كيما فالصورة يعني هو نوع من البقوليات

 

[shahrazad]

اريد طريقة لتطويل الاضافر
الان اضافري كل منطولهم يتكسرو بلخف
ارجو افادتي ادا اي وحدة تعرف طريقة
​

سلام ختي اسماء
هدا دليل انو عندك نقص فالفيتامينات
انا نقلك حلول يمكن تفيدك
تكلمت من قبل على الاظافر وقلت مليح الي يدهنهم بزيت الخروع او زيت الزيتون

و تاني كاين فازلين بفيتامين e يقوي الاظافر
تلقايه بالصيدليات
​

تقدري تعملي ليمون +خميرة(البيضة) و تحطيهم على ظفارتيك لمدة 5د
هادي تفيد تبييض الاظافر


​

 

[shahrazad]

وهدا هو فازلين بفيتامين e

​

 

[أم دودو]

موضوع في القمة يعطيك الصحة و أنا معاك بإذن الله
صح رمضاااااااااااانك كل عام وانت بخير
​

 

[zahra09]

سلااام

زيت ترمس موجودة انا شفتها

خلاصو الخلطات ؟؟؟

مرسي ختي

وصحا رمضانكم تصومو بالصحة ولهنى​