تخيل روحك طحت في موقف هكذا

H

hannsg

:: عضو مثابر ::
السلام عليكم
**********
اليوم حبيت نحطكم في موقف يمكن ما يخطرش على بالكم و نسقسيكم لو تخيلتوا انكم مثلا طحتوا فيه واش يكون موقفكم هههههه :rolleyes:
11%2874%29.jpg


اتخيل لو كان عندك صديق عزيز عليك بزاف و أنت وياه صحاب لدرجة كبيرة :angel:

و في يوم عرض عليك لو انك تتقدم لخطبة أخته مثلا كونه يرى فيك انسان مليح و تصلح زوج لها ؟؟:um_sh:
(طبعا يلزم توافق هي ثاني و نفرضوا انها هي موافقة )

كيفاش يكون موقفك أنت ؟:um_sh:

هل تقبل و تتقدم لخطبتها و طلب يدها للزواج ؟ :ax_flw:

و هل تتوقع انه هذا راح يكون ليه انعكاسات مستقبلا في حياتكم الزوجية؟:rolleyes:

ام ترفض؟:closedeyes:

و لو ترفض كيفاش تنقلو رفضك؟:music_whistling:

و هل سؤثر هذا على صداقتكم؟:rolleyes:

و باش يشاركوا البنات ثاني

نعطيهم الموقف بشكل آخر

ماذا لو عندك صديقة عزيزة و صداقتكم كبيرة:angel:

و في يوم كان عندها اخوها يبحث عن عروس و طلبت منك لو تقترحك عليه كعروسة كي يتقدم لطلب يدك كونها تشوف فيك امرأة مليحة و زوجة صالحة لخوها :um_sh:

فماذا يكون موقفك؟ :um_sh:

هل توافقين ؟:shay:

ام ترفضين؟:closedeyes:

و لو ترفضين كيفاش تنقليلها رفضك؟:music_whistling:

و هل تتوقعي انه هذا سؤثر هذا على صداقتكم؟:rolleyes:


اليكم الخط

سلام:re_gards:
​
 
نرفض منعرفو ما يعرفني اروح وزوج لالا
ونقلهالها في وجها نورما صحا يسلمك
مي خويا الزواج او حياة لازم كل واحد يخير شريك حياتو بعقلو مرسيييييييييييي
 
بالعكس اعتبرها شرف ليك لانو عندك قيمة كبيرة في قلبو وشاف فيك سمات الرجولة وحاب يطورها الى نسب وماذابيه يزوج اختو ا لواحد راجل وفحل ولازمش يفهمها الواحد حاجة خلاف مثلا يدير في بالوا طيح من قيمتو ولا قيمة اختو لا لا لا خاطر في هدا الزمان بصراحة الرجال نقصوا مكا نش واحد فينا لوكان يصيب يزوج اختو براجل نتاع الصح باش تكون هانية ولباس عليها .وهدا الموقف صرالي مع صديق ليا وكبير عليا من حيث السن و درجة العلم وخاصة في الدين ،وعشنا مع بعدانا مدة من الزمن بصراحة والحمد لله شاف فيا خصال وعرض عليا الموضوع ورحبت بيه ومفهمتش النقص فيه وعادي تناقشنا وبصراحة مكتبش المكتوب الانو ليس له علم اني متعلق بفتاة اخرى لانو قلت بلي كان بيناتنا قدر واحترام كبير ، وفاتت الامور عادي لان كلانا متفهم ومازالت العلاقة جدو متينة الى يومنا هذا معه ومع اهله والحمد لله .والله لولا اني متعلق باخرى لقبلت العرض على السريع.،لانو كانت في اطار الاخوة وليست في اطار المصالح ، وفي الاخير انت مشكور اخي .
 
المثل عندنا يقولك ... صاحبك ماتحاسبو ماتناسبو
ماتحاسبوش بمعنى مايكونش شريكك في أموال لخاطر رايحة توقع بيناتكم محاسبات وتأثر على الصداقة
والنسب الزواج راح يوقع في مشاكل ويخسرو بعضاهم
عن نفسي نحب نخلي صاحبتي صاحبتي بلاماتتعدى هذا
كيفاش ننقللها رفضي ... بلباقة ... بحجة أنني مانفكرش فالزواج هاذ الوقت لمهم نحاول نختار الطريقة اللي تخلينا نبقاو صحابات ... هذا رأيي أنا ...
بالرغم من أنه الكثير اللي يتزوجو بخوتات صحابهم والعكس وكاين اللي نجحت وكاين اللي ماتنجحش
شكرا أخي على الموضوع
 
هذا زواج يعني حياة ومشاركة ومسؤوليات بالمعنى حياتي تتوقف على هذا القرار
انا ارفض بصراحة واعطيها رايي بصراحة تامة واكيد مادام هي صديقتي المقربة يعني اختي واكيد انها راح تفهمني و تعرف نيتي
وشكرا على الموضوع
 
فماذا يكون موقفك؟ :um_sh:
نورمال ديجا سراتلي

هل توافقين ؟:shay:
يلا مليح نورمال

ام ترفضين؟:closedeyes:
ماشي مليح نرفضو
و لو ترفضين كيفاش تنقليلها رفضك؟:music_whistling:
عادي قلتلها كريمة ما نقبلش
و هل تتوقعي انه هذا سؤثر هذا على صداقتكم؟:rolleyes:
لا ديجا مازلنا في رحبة و ملاح و حضرت عرس خوها
0
 
وعليكم السلام ورحمة الله

ولو ان الموضوع قريت واحد يشبهلو عام شاركت جديد مي بصح معليش نزيد نجاوبك ...



كيفاش يكون موقفك أنت ؟:um_sh:

هي صح تتحشم مي يقلك ماتحشمش في حاجة لصالحكـ

هل تقبل و تتقدم لخطبتها و طلب يدها للزواج ؟ :ax_flw:

اصبر شويا خلي نشوف الباسي تاعها ومن بعد ساهل الحال

و هل تتوقع انه هذا راح يكون ليه انعكاسات مستقبلا في حياتكم الزوجية؟:rolleyes:

لا هي تتدخل فأمورنا ولا هو يدخل في امورنــا هكذا تخمامي انا ...

ام ترفض؟:closedeyes:

اني قتلك مارفضش ومانقبلش الباسي سع ومن بعد ساهل الحال ...

و لو ترفض كيفاش تنقلو رفضك؟:music_whistling:

نقلو خلي لقدر بينانتا خير من تجينا مرا تخسر ...
ولا كاش تبلعيطة اخرى هههه

و هل سؤثر هذا على صداقتكم؟:rolleyes:


انا من رأيي ماتأثرش اللهم لكان هو ماحملش ردي هذيك حاجتو ....

____________________________________________________


حسيت روحي في حصة الادب العربي هههههه
شكرا موضوع مليح
​
 
أنا فريمو صراتلي بصح ماجاوبتش
خليتها هكاك .. أنا قلت في بالي بالاك عندها وحداخر تحبو ولة و مام راني صغير على روحي
ماعنديش قاوي كي غنيت تاع القروابي " البارح كان في عمري عشرين "

بصح من للقدام مانكذبش عليك يا شريكي
سلامي و شكرا على الموضوع
 
قال hannsg:
السلام عليكم


و في يوم عرض عليك لو انك تتقدم لخطبة أخته مثلا كونه يرى فيك انسان مليح و تصلح زوج لها ؟؟:um_sh:
(طبعا يلزم توافق هي ثاني و نفرضوا انها هي موافقة )

كيفاش يكون موقفك أنت ؟:um_sh:

هل تقبل و تتقدم لخطبتها و طلب يدها للزواج ؟ :ax_flw:


و هل سؤثر هذا على صداقتكم؟:rolleyes:

هههههههههههههههههه ديما تضحكني القصة هادي
لاه كي عاد صاحبك تدي اختو غصبا!!!!!!!!!!!!
و باش يشاركوا البنات ثاني

نعطيهم الموقف بشكل آخر

ماذا لو عندك صديقة عزيزة و صداقتكم كبيرة:angel:

فماذا يكون موقفك؟ :um_sh:

هل توافقين ؟:shay:

ام ترفضين؟:closedeyes:


​
إضغط للتوسيع...


اي روحي روحي نقلها قالو ندي خوها:shiny:
هي مشيطها و مكرهلها حياتها
ياو عندي صاحبتي تقولي
ازوجي الناس كل غير خويا
الله لايشوفك فيه هههههه

رد:
لا اوافق لو بقيت من غير زواج
لانو اكيد رح يكون مشاكل ونخسر صاحبتي
​
 
رايحة نشوف فهاد الشاب كأي شاب آخر يعني إذا عاد خدام و فحل + مصلي علاش لالا
أما إذا كان ماتوفاتش فيه الشروط نقولها لالا و نمدلها الصراحة أصلا إذا عادت صحبتي لانتيم رايحة تفهمني

و مانضنش بلي رايح الزواج يأثر في صداقتنا على أي حال

شكرا على الموضوع
​
 
موضوع مليح
انا عجبني الراجل لي عرض ختو لصاحبو
يعطيه الصحة وكيما يقولك اخطب لبنتك وماتخطبش لولدك

​
 
نورمال ليسونسيال تعجبني
ونعجبها
​
 
الســــــــلآم عليـــكم ...

بالنسبة ليا حاجة مليحة لانهم عرفو بلي صحبة اختهم راها ناش ملاح و صحبة مليحة
و تصلح للزواج و ماشي كي لوخرين ....
مي ناحية اخرى كل وحدة و كيفاه ممكن تقبل و يعجبها
و ممكن لا

و الطريقة لي باه تقلها فيها لا شوي صعيبة

مرسي خويا
​
 
قال adel-mz:
بالعكس اعتبرها شرف ليك لانو عندك قيمة كبيرة في قلبو وشاف فيك سمات الرجولة وحاب يطورها الى نسب وماذابيه يزوج اختو ا لواحد راجل وفحل ولازمش يفهمها الواحد حاجة خلاف مثلا يدير في بالوا طيح من قيمتو ولا قيمة اختو لا لا لا خاطر في هدا الزمان بصراحة الرجال نقصوا مكا نش واحد فينا لوكان يصيب يزوج اختو براجل نتاع الصح باش تكون هانية ولباس عليها .وهدا الموقف صرالي مع صديق ليا وكبير عليا من حيث السن و درجة العلم وخاصة في الدين ،وعشنا مع بعدانا مدة من الزمن بصراحة والحمد لله شاف فيا خصال وعرض عليا الموضوع ورحبت بيه ومفهمتش النقص فيه وعادي تناقشنا وبصراحة مكتبش المكتوب الانو ليس له علم اني متعلق بفتاة اخرى لانو قلت بلي كان بيناتنا قدر واحترام كبير ، وفاتت الامور عادي لان كلانا متفهم ومازالت العلاقة جدو متينة الى يومنا هذا معه ومع اهله والحمد لله .والله لولا اني متعلق باخرى لقبلت العرض على السريع.،لانو كانت في اطار الاخوة وليست في اطار المصالح ، وفي الاخير انت مشكور اخي .
إضغط للتوسيع...

:shay::shay::shay:
​
 
يقول المثل اللي تحبو لا تحاسبو ولا تناسبو
يعني ماتدخل معاه في شركة ومحاسبة ولا تناسبو وتكون خاسرو
خليكم صحاب احسن
​
 
السلام عليكم و رحمة الله تعالى و بركاته.......
لو كنت ولد .....حسب الخلفيات نقرر او نرفض بطريقة سليمة .......
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

I
  • مقال مقال
كيفاه تحس لوكان طحت في موقف كيما هااااااك
المشاركات
16
المشاهدات
1K
عاشقة الوحدة
ع
العودة
Top Bottom