خلعونا بالرصاص جوايه 00:00 تع الليل مي خرجت سلامات

[EL General]

السلام عليكم و رحمة الله
(rodo salam)

صحيتو جماعة اللمة و ليزامي و كامل البيبليك

ندخل في الموضوع
البارح كي كان في الشهر 04/07/2011
لما دقت الساعة 00:00
كاين واحد البلاصة في ولاية تبسة هنا اسمها : الخرجة تع بكارية
هي بلاصة كي تخرج من تبسة نحو بلدية بكارية تفوت عليها المهم بلاصة مليحة ..
جوايه الساعة : 00:00 تع الليل و كي كان الشهر 05 جويلية تقلبت البلاصة هاديك بالرصاص و البارود و كاين شوي بوليس حتى هوما ثما لا تقولوا راهو كروشاج و لا تقولوا حكموا واحد ؟؟ ههههههههه لالالالا

داروها كي عاد : عيد الجزائر و عيد الإستقلال
الصراحة ماشفتش وش صرا مي كي سمعت الرصاص بديت نحس في روحي راني في وقت الثورة 1954 .......

دارو حاجة مليحة و ربي يبارك في الوالي نتاعنا

هدا ماكان _o:

سلام .
​

 

[Estrella]

مزية الي تفكرو عيد الاستقلال نتاعنا ومنساوهش
يعطييييك الصحه خويا...​

 

[ghada25]

ههههههههههه حاجة مليحة هادي .....b1

 

[EL General]

هههههههه مزية تفكرو
شكرا للمرور
​

 

[nana1996]

هادي حاجة هايلة غير كي تفكروه برك

 

[Black heart]

وعليكم السلام ورحمة الله وبركاته
والله هادي حاجة هايلة وتفرح بزاف كي تفكروا عيد الاستقلال .
شكرا على الموضوع

هادا الشىء يفكرنا بلي كا ينين عباد ما زالوا يخمموا بقلوبهم
وما نساوش بلادهم​

 

[DARINE05]

HHHHHHHHHHH
malih ki jat slmat

 

[shahrazad]

سلام
حنا كل عام يديروها فأول نوفمبر ولا فعيد الاستقلال
مي بيناتنا خويا
علابالك واش كنت نسنى تقول
كانو برك يقتلو فالكلاب هههه
بارسكو حنا يخلعونا فاليل بالرصاص
وهوما يكون يقتلو فالكلاب هدا مكان
بلاك تصرا غير عدنا :shay:
​

 

[EL General]

وعليكم السلام ورحمة الله وبركاته
والله هادي حاجة هايلة وتفرح بزاف كي تفكروا عيد الاستقلال .
شكرا على الموضوع​

صحيح حاجة تفرح و تزيد تفرح
​

hhhhhhhhhhh
malih ki jat slmat

ههه خرجت سلامات الحمد لله
​

سلام
حنا كل عام يديروها فأول نوفمبر ولا فعيد الاستقلال
مي بيناتنا خويا
علابالك واش كنت نسنى تقول
كانو برك يقتلو فالكلاب هههه
بارسكو حنا يخلعونا فاليل بالرصاص
وهوما يكون يقتلو فالكلاب هدا مكان
بلاك تصرا غير عدنا :shay:
​

ههههههه قاتلو الكلاب وشبيك ههههه
ايا شكرا لمرورك
ربي يحفظ لبلاد
​

هادي حاجة هايلة غير كي تفكروه برك

صحيح
شكرا للمرور
​

 

[N@riM@N]

مام حنا ع 2 تاع الليل باه تفكرو بلي غدوه عيد الاستقلاال لسيونسيال قلعو علينا لحاله وحد ساعه هكاك
مباعد حبسو انا ماشفت والو سمعت حصانات وبارود مافهمت والو حسبتو عرس
طلع احتفال بعيد الاستقلاال
ربي يرحم الشهداء
​

 

[EL General]

آمين ربي يرحمهم

 

[النورس]

للأسف ولى 5 جويلية يفوت علينا عادي
نسينا تاريخنا
ربي يستر
موضوعك مليح خويا
​

 

[مروة 95]

أيا سالامات
شكراااااااا​

 

[بيكهام]

حنا تاني عندنا حرقوها برصاص وفميجان
واناشيد بعد 00..00 قدامها مكاين والوا هدوء
قاعدين نلعبو في دومين البرا ناض لرصاص شبيبة قع هربو
انا صبت روحي في بلاصتي كيفاش دخلت الله اعلم
ومنبعد كي عرفنها خرجنا ليهم ​

 

[بنـ MaPa ـت]

وعليكم السلاام

حنا وين نسكنو كاين مركز شرطة العام لي فات طلقو الرصاص احتفالا زعمة مي السنة ماسمعت والو...لعقوبة للعام الجاي نشالله...
مرسي على الموضوع
​

 

[la_safa]

ايا بيان كي تفكرو برك
مرسي خويا حسني عالموضوع
​

 

[ديهيا القالمية]

ديـــــــــــــــــــــــــــما يديروها في قالمة حتى في 1 نوفمبر ​

 

[خولة 01]

لا خوياحنا بالعكس تماما

من4 جويلية صباحا و هي الاحتفالات و حتى ل 5 جويلية اليوم الصباح و مزال الحالة البارود الكشافة الاستعراضات الديفيلي كل شيء خويا

ايا و نتمنى ان شاء الله كل عام و الجزائر بالف خير

 

[EL General]

ايا سلامات كي سلمت ريسانكم من الرصاص ههههه

 

[GI Joe]

W3S
si c pas jour ferié j aurai pas su que c le 5