هم يبكي وهم يضحك .....

[kojak]

السلام عليكم
اهلا لحباب ازينين وشراكم



بيا
قولولي علاش؟؟ :cra_zy:
ماحبوش يعطوني سكنة :schmoll:
الله لاتربحهم
:sad:
.
.
.
توا حبيت نحكيلكم على امس يعني نهار لخميس ........
07/07/11 رحت للبلدية طلعت ورق زيادة باه نهبطهم للدائرة بويسك لاكارط تيع لوميمة ماتت..... ونلقاها مقلبة بطعون ولورق مقطعة حذا الدائرة على خاطر هديك السكنات ونلقا اشرطة تحاوز في الشعب.......والهراوة راكحة ......في الغاشي..... :cra_zy:
ياو نلقا واحد اشيباني تلاقيتو في البلدية واش مداير في روحوو ......لم هدوك اشومرا والبطالين من حدا لحيوط وقالهم ارواحو نطلعو للدائرة نشعلو فيها انار........
المهم لم فيها كوبانية تاع شومرا ووصلو للدائرة والله لوكان تشوفه كيفاش مداير للقدوارة متاعو تموتو بضحك لابس طربوش و خابط فيها سروال عربي ومتحزم بلقدوارة وازمالة وهي تتدلا من تالي ويجري

المهم وصل للدائرة وعاد يعيط ......اعطوني سكنة اعطوني سكنة ...لانشعلها.........راي عندي عيلة........... والشعب يتفرج من بعيد.....
يلحgو واحد البوليسي ويعطيه بزرواطة هههه والله شفني مسكين
المهم انا كونت غير قاعد من بعيد نستغل
وكان بحذايا واحد اجان قتلو يا خي واش صاري وانا عامل روحي ماشني فاهم فيها والو ......حتي نشوف في اداك اجان تخطف من حذايا وراح يجيري لواحد الباطيمات ولم 15 بنادم هازا لهراوات كامل ويعيطو يسقط النظام........
واحد المنظر لوكان تشوفوه يفكركم بلقذافي وليبيا
هههههه
........
وانا اكذاك وركح فيها التحاويز اشرطة تحاوز في الشبيبة وتهز فيهم بلواحد واذاك الشيباني وصلو هذاك اجان لي لم 15 بنادم وقالو ظربوك ابويه والله نقلبها على جالك لين شكيت فاذيك 15 بنادم غير ولاتو كامل خرجو من ديارهم بشرطوات ولقداوير ووراهم الذري .... وهازين لعصي
المهم صرات كحلة فأذاك النهار
دخلو للدائرة وشعلوها من داخل
وتاني نص اشعب هاز ليميكرو لي في الدايرة ويجري ولي يحادف بلحجر يحادف.........وتخلططت بزيادة مع واحد العرس فايت من ثما ..البارود يقول والزاوابع
المهم هزيت على نgايلي وفحت كي شفتها هكذاك وخليت جدها مقلبة
وانا غير نتفكر غير في اذاك الشيباني ازوالي
خابط فيها طربوش كيما تاع القذافي ويعيط مسكين وحدو...
ياخي حالة ياخي
هم يبكي وهم يضحك .....

.
.
ايا بسلامة
:re_gards:



​

 

[mimi.dz]

هم يبكي وهم يضحك
هاذ الجملة تختصر كلشـ
وربيـ يهدينا بركـ
+يعطيكـ الصحة

​

 

[nina bonoise]

و الله كيما قلت هم يبكي و هم يضحك

 

[ماكانش]

هم يضحك وهم يبكي

 

[mira real]

هم يضحك وخم يبكي صح هههههههههههههه
ولله يا خويا غير راك حكيتلنا على الفيلم لي صرالكم بالتفصيل تقولشي انت البطل تاع الفيلم ههههههههههههه
ولله تهولت ولايات دزاير كامل على قصة الدار هادي وين تروح تلقاهم يحكيو على فيلم كيما فيلم تاعك هدا صراتلهم في الدائرة
انا هنا وين نسكن ولله مزال لدركا مخرجو القائمة تاع السكنة لخاطر سمعو بالشعب راهو واجد للفوضة و تكسار راهم مخبيين القائمة و شاف دائرة راهو متخبي هههههههههههه خوافين علابالهم رايحة تخلى عليهم علابيها محبوش يقولو على القائمة تاع الناس لي مدولهم هههههههههههههه
كي يصرالنا هنا فيلم راني نجي نحكيلكم عليه تضحكو شوية هههههههههههههههههه
مرسي خويا

 

[07 _H@yThm]

مازلت زوابع تاع السكنات حنا يحسراه ملي بلوعنا فامنا
وقالونا لعام الجاااااي
يااااسحيبي خليك عليك مزال يجي نهار لدزاير للتت9لع
ع جد بابات هدوك لجنرالات لي لفوق
اصبر برك
​

 

[احلى لمة]

نقولك حاجة تحيا البلدية

 

[لاجودان شاف]

ربي يعطيك سكنى يا كوجاك خويا لعزيز هههه

شكرا​

 

[nasro2]

وحدة في مستغانم عمرها 17 سنة دات سكنة
مليح المظاهرة مي ماشي بالتكسار و النار

 

[DARINE05]

اييييييييه بلاد ميكييييييييييييييي

 

[kojak]

اييييييييه بلاد ميكييييييييييييييي

وحدة في مستغانم عمرها 17 سنة دات سكنة
مليح المظاهرة مي ماشي بالتكسار و النار

ربي يعطيك سكنى يا كوجاك خويا لعزيز هههه

شكرا​

نقولك حاجة تحيا البلدية

مازلت زوابع تاع السكنات حنا يحسراه ملي بلوعنا فامنا
وقالونا لعام الجاااااي
يااااسحيبي خليك عليك مزال يجي نهار لدزاير للتت9لع
ع جد بابات هدوك لجنرالات لي لفوق
اصبر برك
​

هم يضحك وهم يبكي

هم يبكي وهم يضحك
هاذ الجملة تختصر كلشـ
وربيـ يهدينا بركـ
+يعطيكـ الصحة

​

بارك الله فيكم كامل على المشاركة:re_gards:
​

 

[kojak]

هم يضحك وخم يبكي صح هههههههههههههه
ولله يا خويا غير راك حكيتلنا على الفيلم لي صرالكم بالتفصيل تقولشي انت البطل تاع الفيلم ههههههههههههه
ولله تهولت ولايات دزاير كامل على قصة الدار هادي وين تروح تلقاهم يحكيو على فيلم كيما فيلم تاعك هدا صراتلهم في الدائرة
انا هنا وين نسكن ولله مزال لدركا مخرجو القائمة تاع السكنة لخاطر سمعو بالشعب راهو واجد للفوضة و تكسار راهم مخبيين القائمة و شاف دائرة راهو متخبي هههههههههههه خوافين علابالهم رايحة تخلى عليهم علابيها محبوش يقولو على القائمة تاع الناس لي مدولهم هههههههههههههه
كي يصرالنا هنا فيلم راني نجي نحكيلكم عليه تضحكو شوية هههههههههههههههههه
مرسي خويا

:shiny::shiny::shiny::shiny::shiny::shiny::shiny::shiny::shiny:

 

[شهرزاد32]

والله غير صح هم يضحك وهم يبكي​

 

[Toufik.dz]

عيش تشوف في بلاد الميزيرية
وربي ينوبلك بسكنة
تحياتي
​

 

[kojak]

والله غير صح هم يضحك وهم يبكي​

عيش تشوف في بلاد الميزيرية
وربي ينوبلك بسكنة
تحياتي

​

مشكورين على المشاركة
​