}{ 4حبـــــــــــــيت نتزوج حــــــــــآلآ 4}{

[عاشقة رجاص]

انا امي ليتشوفلي عروسة -- مازالني قديم --ههههههههه

معليهش خويا
إن شاء الله تطيح فالصواب
وكلشي راه بيد ربي
إن شاء الله ربي يجيب غير الخير
شكرا جزيلا لك على المرور
بارك الله فيك​

 

[عاشقة رجاص]

وعليكم السلام ورحمة الله ​

عندي صديق ليا تزوج بار تلفون
بار تلفون انت وزهرك
مام الأنترنات انا شخصيا كنت معول على وحدة بار منتدى اللمة بصح الله غالب ( مانحكيش كيفاه انتهت العلاقة نخليها لربي )
ذرك وفي هاذ الوقت لازمها تبعها من عمرها 13 سنة وياربي تحكم .​

أنا ثاني نعرف 2 واحد راجل ووحدة مرا تزوجو بار تيليفون
يعني المكتوب كي يجي هذاك هو
والله مانعرف ياخويا حمزة قادر تبعها 13 سنة كيما قلت وممكن ماتحكمش
درك عاد ماباين والو كلشي تخلط
عادت فيها الماديات وحوايج بزاف وحسابات كبيرة
ربي يسهل ويوفق الجميع
شكرا ليك خويا على المرور القيم والرد الطيب
والله نورت الموضوع بارك الله فيك شكرا​

 

[عاشقة رجاص]

وعليكم السلام

كيما قاتلك نسيم الربيع خلصتي الباك درتي للراجل ههههههه
انا عندي ولد خالتي زوج وحدة عرفها فالتيليفون ههههههه ماشافها ماشافتو كي تلاقاها راح خطبها
حنونة انا راني مع المودارن
هاداك التقليدي عاد فيها الكماين بزاف
تخطبلو ياماه و يظهر مهبول و تتفر فالطفلة
تخطبلو ختو و يظهر راعي وتاع سكرة
تعرفيه يا ختي عالاقل تكوني تعرفي الرسمي عليه ..​

لالا هههههه والله والو حبيت برك نجيب السياح هذا ماكن هههه
عجبتني تاع الكماين يا سوسو هههه
صح نشفا على موضوع تاع ريمة على هذيك صاحبتها اللي لقاتو مهبول
ربي يسهل برك يا الزينة وكلشي بالمكتوب لالا:shiny:
شكرااااااا ربي يخليك راكي نورتي الموضوع بارك الله فيك​

 

[The DoN]

مزال ما تزوجيتيش ؟ ولا تحبي نزوجوك
​

 

[عاشقة رجاص]

خطيبي راه هنا يدور هههههه
شكرا على البغرير تاكلو بالصحة

هههههه ربي يسهل ياختي الحبيبة
بلامزية ختي ربي يخليك شكرا
منورة حبيبتي​

 

[عاشقة رجاص]

السلام عليكم

التماشي مع العصر
امم ماشي لازم نتماشاو مع العصر اذا كان عصرنا يخالف دينا
الدين تاعنا راه مخلى حتى حاجة مهدرش فيها
راه واضح وضوح الشمس
بصح الديفو فينا حنا الي نطبقوه على حساب هوانا
يعني اذا جينا نهدرو على التعارف بالتيليفون عجبتك عجبتنيني وهدرة زايدة شحااااااااال باه يصرى زواج
ولا الانترنت نفس الشي
ولا العقلية تاع صحبي وصحبتي 5 سنين كيف كيف بعد عذاب ومعاناة طويلة :no_1:
باش مع التالي يتزوجو
ولا حتى مايتزوجوش
انعم ايييه
5 سنين ممبعد يفيقو مساكن بلي مايتفاهموش:sadwalk:
ااه:scared:
علاش عليكم هكاا انا عندي الراجل مايشدش معاه طفلة
وهو ماعندو حتى مستقبل
مي اذا عجباتو صح يا سيدي يكلمها قال
تسنايني ياطفلة؟
ماكلاه هادوك لخروجات وتليفونات
اذا جينا نقيسو كامل هاد الطرق تاع الزواج مع دينا
كيفاه؟؟
نقولو ياااخي ماعليش 5 ولا 10 سنين
المهم يتزوجو؟؟
يهدر معاها عام فالتليفون ولا نت
نقولو اهاااا ماعليييش المهم يتزوجو؟؟​

المهم انا في رأيي الواحد كي يمشي على حساي ماقال ربي
يدير النية ويزدم حاااجة ماتخصو
وراح يكون زواج مبارك وكلشي
غير حنا الي الله يهدينا والله
المقولة الشهيرة (لازم ندرسو عقليات بعضانا ونتعارفو بيااان ممبعد نشوفو اسكو نتزوجو...) :schmoll:​

انا راني نشوف كل مارانا نبعدو على تطبيق كلام ربي
كل ماراني نطيحو فالهاوية​

طولت واقيلا هههه نحب نهدر بزاف الله غالب
يعطيك الصحة موضوع تاع نقاش سواسو​

سلام ​

السلام عليكم
أهلا حبيبتي شهرزاد والله العظيم كي شفت ردك فرحت
كلامك موزون ورزين حبيبتي
بالعكس ماطولتي ماوالو فيساع خلصت قرايتو وكون صبت كون راكي كتبتي أكثر:re_gards:
والله كلامك صحيح 100/100 المهم الواحد مايخرجش على الدين تاعو
واليوم رانا نشوفو في ابتكارات الله يبارك كل يوم يخرج لجديد
ربلي يسهل على الناس كامل المهم تكون النية صافية ومايكونش التعدي على الحدود
بارك الله فيك شهرزاد حبيبتي
والله نورتيي يالغالية
شكراااااااااااااا:shay:​

 

[نجاة40]

ا شومي الموضوع لي ندخلو نلقاه يبدا بالغرايف اني قريب نبكي غلب حتى باش نديرهم
المهم ميرسي كي تفكرتينا
انا يا اختي لعزيزة متربية في مجتمع مازال فيه الزواج التقليدي وبالاك نقولك اكثر من المودارن تلقاي الطفلة تتعرف بواحد ويتفاهمو فلخر يديها ولد فاميلتها حتى الراجل يقولولو ماتديش البرانية هك العقلية نتاع الشاوية صح بداو شوي لي jeun يفرضو رايهم فالامور هاذي مي ديما كاين مشاكل
انا نعرف بزاف لي تزوجو من التيليفون ومن النت مي بالنسبة ليا مانقدرش نديرها ولا نامن بيها حتى واذا شفتها بعيني ختراه راح نبقا ديما عايشة بالشك كيما انا كيما لي راح نعيش معاه
وفي نفس الوقت ضد الزواج التقليدي انا نحب نعرف الانسان لي راح نرتبط بيه ونشوف العقلية اذا راح تمشي مع عقليتي ونقدرو نحلو بيها دار ولا ماتصلحش ختراه كل وقت او وقتو ماشي كي بكري وماشي كي ذرك ​

 

[فتاة طموحة]

ممممممممممممممممممممممم غرايف ميلة ....
راكي سخفتينا اختي هاجر....
واش نقولك هدا زواج ورجع فيه الموضة والديمودي
انا مع المودارن ....
ولكن في حدود وهدي حاجة باينة,,,,
مشي عيب ادا تفاهمو طفل وطفلة ونواو بعضاهم للحلال
ولله هدي قضية كل واح وكيفاه يشوفها
المهم منتعداو حدود الله وخلاص....
واصلا درك يا اختي هاجر حقيقة حوالي 99 بالمئة يزوجو زواج مودارن ....
ولله با نسبة ليا انا راني نروح انا نخطبو......ممكن تولي هدي تاني عقلية جديدة.....ههههههههههههههههههههههه

 

[عبدو28]

بكري عيش تسمع
وضرك عيش تشوف

​

 

[عاشقة رجاص]

معليش تفليكسيلي شويا من هاذ لغرايف والله توحشتها ​

​

والله ياخويا ماشي خسارة فيك
كون نقدر نبعثهم والل درك بعد نبعثهم​

يا اختي رايي ان الزواج اهم شيئ فيه التفاهم بين الزوجين اوبين المفبلين غلى الزواج والطريقة ما تهمش
المهم تكون العقليات متقاربة .... وبالغمزة يفهمو بعضاهم ...... انا مع زواج التفاهم لان بالفهامة كلش ينحل يجي الحب ويجي الود دجي السعادة والهناء ...... ورايي ان الزواج العصري احسن في وقتنا الحالي من زواج التقليدي ...........
يا ربي لاقينا باليفهمنا ونفهموه ويكون وليد فامليا .... ما تقلوش طماعة .... ياك الاماني باطل . وديجا خويا سفيان راه ماد دصون ميل في خاطرنا الكل ...صافي امنيتي راهي خالصة
وكاش ما تلقاي رنا هنا ...... هههه هههه هههه
شكرا غلى الموضوع

ههههه ربي يخليك ديما زاهية يا حبيبتي والله نورتي الموضوع
آمين يارب ربي يحققلك كامل واش قلتي
وعندك الحق التفاهم مهم جدا وممكن يسبق كل الأمور
شكرا ليك أختي والله نورتيلنا الموضوع حبوبة شكراااا​

مبروك هاجر لباك

لغرايف باين بنين بلا مانحكيو هاذي اللمسة تاع ناس ميلة
بخصوص الزواج كيما قلتي طرق التعارف اختلفت تاع الانترنت والتليفون تيجي
شوية ماشي متقبلينها مجتمعنا
المهم انا كونتر الزواج اللي الأهل يمدو الموافقة تاعهم قبل مايشاورو بنـتهم
ومايخليوهاش حتى تعرف عقلية الرآجـل ​

الله يبارك في عمرك كوكي الزينة تاعي
ربي يخليك
آوي بنان يهبلو واش بيك راهم تاعي هههه
صح عندك الحق انا مانحبش النوع اللي هدرتي عليه
وثاني اللي يتزوجوا بدون رضى الاهل
ماكانش خير من الواحد كي يتزوج هو راضي وأهلو راضيين
شكرا ليك كوثر الغالية والله فرحني مرورك حنونة
شكرااااااا​

مساء النور
يا اختي انا نقولك يعرفها فالطيارة فالنترنت فالتيليفون المهميحبها وتحبو ويكونو متفاهمين ودارهم يكونو قابلين
هي صح ماشي افار يعرفها فالتيليفون واش تحصي كيفاش راحا تكون لاخاطر المظاهر خداعة
وعلى اللي تخيرها يماه انا في بالي يخير وحدو خير مرة اخرى اذا كاش ماكان لا قدر الله مايقولهاش انتي خيرتيها
حكاولي على واحد يماه خيرتلو وزوجاتو وبعد الزواج صراو مشاكل وما عجباتوش عاد يقول ليماه دبري راسك فيها انتي خيرتيها
وعلى العموم انا ما ذابيا نتزوج بواحد نكون نعرفو على الاقل نقدر نعرف شوية من عقليتو
وشكرا ليك على الموضوع

الشكر ليك أختي دنيا البسمة
والله رأيك وإضافتك زادو النص يا حبيبتي
وكلامك جواهر
شكرا جزيلا وربي يوفقك اختي​

 

[رحمتك يا ربي]

السلام شكرا ليك

الصراحة انا عقليتي مزالها قديمة نفضل الزواج التقليدي

 

[عاشقة رجاص]

اذا كنت رايح نتزوج حاجة من زوج :​

-- الزواج التقليدي ..
-- الطفلة اللي تحبني بصح تكون برانية يعني البعيدة على المجتمع نتاعي..​

ما تقولش روطار ولا ماشي متحلب ، ولا غير قولوها ما يهمنيش ، أنا هذا رايي ومقتنع به، وعارف باللي هو الصحيح، وفوق هذا نزيدكم معلومـة :
في دراسـة أمريكية (نسيت شكون صاحب الدراسة نظن The New York Times) لقاو باللي أكثر من 80 بالمية من حالات الطلاق في الـولايات المتحدة الزوج والزوجة كانوا على علاقـة قبل الزواج وهذي العلاقة هي تسببتلهم بالمشاكل ، يعني زواج مودرن ..​

-- DoN​

لا وعلاه نقولوا ؟؟؟؟
كل واحد عندو رايو وعندو طريقتو فالحياة
حبينا برك نقولو المهم مانخرجوش على حدود دينا الحنيف هذا ماكان
ربي يوفقك خويا غن شاء الله
وشكرا ليك على المرور وعلى الإضافات القيمة​

أكثر من مجرد شيئ الزواج أصبح​

هو فالحقيقة اكثر من مجرد شيء لالا :re_gards:​

ربي يبارك فيك عندكم الافكار ربي يبارك

هاتو الميكرو 12 12 هيا راهو يمخدم امليح

يعني احنا ضرك الزاوج هاذا نهزو اعليه بزاف افكار خاصة لبنات وربي يحفضنا انا نعرف وحدا من لافامي دات واحد ابارتير الفايسبوك
وحدا راهي في رحمة ربي داتو ابارتير من التيليفون
اختي دات واحد زواج تقليدي
انا ماديت حتى واحد صوا مودارن قديم حابا نوع فضائي ههههههههههه نتمسخر برك
ونورمالمو الناس راهي تتقدم وتشوف وتسمع انا في رايي الناس لي يتعرفو من لانتارنات كي حالتنا ومن بعد من القرايا ماش حاجة غريبة مي في حدود احنا وكيما يقول بورحلة * المكتوب في الجبين لابد ينصاع* والزواج التقليدي هاذاك ماولاش يكزيستي بزاف بارسكو الناس كامل راهم يروحو للجامعات ويشوفو لحوال



وبالمناسبة كي مديتولي الميكرو نهدي تحياتي ناس المعدر وباتنة و واد سوف بلا ماننسى ناس بريكة العظمى

ههههه هيمي يا هيمي كون مانشوفكش في موضوعي مايعجبنيش الحال والله
ربي يحفظك يا هيمي وكي تلقاي الفضائي هذاك سلميلي عليه ههههه
شكرا ليك على المرور حبوبة راكي منورة ديما
شكرا​

السلام عليكم

اما فيما يخص الموضوع
انا زواج تع بكري ناجح اكثر
من تع ضرك وهادا راجع الزواج المودارن
فيه كان الكدب والخرطي مش من ناحية الزواج
الزواج او يتزوجها ...نعطي مثال يقولها نفوتوا شهر العسل في بلاصة
تنوض الgيرا بيناتهم على فارغة وما فيهاش
حلاوتها ميكونش كونطاكت بيناتهم ياسر حتان يخسروا لقدر
وشكرا على الموضوع
:re_gards:​

وعليكم السلام والرحمة والإكرام
الشكر ليك خويا حاتم على المرور الطيب
وعلى كلامك الرائع ردك القيم
شكرا جزيلا لك
ورأيك مليح بزاف خويا
بارك الله فيك​

وهذا الفال تاعي غرايف تاع ميلة :shay:​

​

انا ما دخلتش على جال الموضوع ..دخلت على الغرايف يا محاينك هههه نموت عليها و الله :shay: ...​

او مبروك عليك اطفيلة تستاهلي ...​

​

​

عادو يتزوجوا بواسطة التيليفون الجورنال الإذاعة وحتــــــى بار أنترنت:re_gards:​

زيديلها حتى بار mp3 و mp4 بالنسبة ليا هههه​

ياو ربي يصلح الامور ... الوسيلة تاع التعارف مش مشكل ... الفايدة في الزوج كي يكونو يطيحو على بعضاهم و زيديلها واش ناوين بعلاقتهم ...​

هيا دمتي ...​

الله يبارك فيك خويا موح ربي يخليك
هههه مالا نعودو ديما نحطو لغرايف فالموضوعات باش تقعد ديما تنورنا وتشرفنا بردودك الطيبة خويا
آمين يارب غن شاء الله ربي يصلح الامور
والفايدة كيما قلت واش ناويين
شكرا ليك خويا موح والله وراك نورت الموضوع بارك الله فيك​

هههههههههههههه احنا منقولولوش غرايف نقولوله بغرير

مي والله نحبو بزاف

معليهش غرايف بغرير المهم راهو بنين وخلاص
مانظنشس كاين واحد فالجزاير يكرهو كامل نموتو عليه ههه
شكرا ليك خويا على المرور بارك الله فيك​

اولا شكرا على لغرايف يسخفوووو وعندنا شحال مادرناهم
المهم انا عندي رأي في هاد الموضوع راني ضد زواج الانترنيت لانو راه مخالف للشريعة الاسلامية والتقاليد تاوعنا
مي مانيش ضد انو الشاب يسقسي الطفلة ادا راهي قابلة ولا لا
مي مايكونش يهدر معاها سنين ومن بعد يخطبها هدا حرااام لانو علاقتهم ماهيش شرعية
ويبقى هدا رأي خاص بيا وكل واح كيفاه يفكر
شكراااااااااا على الموضوع المتميز

بلا مزية اختي samou
ربي يخليك
بارك الله فيك على الرأي
والله كلامك ذرر حبيبتي سامو
ربي يوفق الناس كآمل ويجمع بين القلوب
شكرا ليك راكي منورة يا اختي
بارك الله فيك​

 

[معاك يا الخضراء]

فاقو بيك حبيتي تزوجي ؟؟
ههههههههههههههه
انا ماراني مع المودارن مع التقليدي
مع وش راني نشوف
بالحب خالية عليهم:sad:
بلا حب مرمدين:sad:
هاني قاعدة وفرات ههههه

اواه مانقعدش نضحك برك ههههه مي لازوجت بالمودارن ان شالله :sheer:
​

 

[عاشقة رجاص]

صح كاينا منها معادش هداك زواج طول .....انا مع زواج "مودارن" هادا لي قلتي عليه لانو الزواج برضا الطرفين مش تروحي غاصبينك على حاجة فوق طاقتك لالا الله ماني نخيروا انا وبرضايا هاداهو

شكرا ع الطرح ​

الشكر ليك اختي الجمرة الخبيثة

ربي يسهلك وينولك اللي فبالك

شكرا على المرور وعلى الرد الطيب

بارك الله فيك​

اهلا رجوصةةةةةةةةة مرسي على الفال بنين حنونة مبروك عليك واش راح ديري في الجامعة
انا با النسبة ليا الزواج المودران احسن

أهلا دارين حبوبتي

الله يبارك فيك ياعمري ربي يخليك

كيفاش ختك؟؟

والله راني حطيت طب وصيدلة وجراحة أسنان وكملت بالهندسة والمدارس العاليا وربي يستر

شكرا ليك حبوبتي على المرور ربي يحفظك نورتي الموضوع والله
شكرااااااااا دودو:sheer:​

بالبراكة عليك ختي الباك و لعقوبة لحاجة اكبر ،،

ـــ
انا شخصيا ما نحبش هداك الزواج التقليدي كيما انتي سميتيه
ما يجي للدار ما نردو من بعد يولي يقول آحلآم بهدلت بيا و بفاميلتي هه
نعرفو من قبل يكون احسن
و كلشي بالمكتوب ختي ،،
بارك الله فيك​

الله يبارك فيك أختي احلام ربي يهنيك

هههه صح عندك حق

وكلشي بالمكتوب كيما قلتي

الشكر موصول ليك احلام على مرورك العطر

شكرا ربي يخليك اختي​

هههههههههههه ماعلاباليش حتى بالموضوع حبست فالغرايف تاع ميلة هه وااااااااااو نهبل عليهم أفضل غرايف فالعالم ههههههههههههه

هههه بصحتك سلسبيل تاكلي بالصحة ولهناء

أنت ميلية؟؟ من هدرتك باينة كليتي الغرايف تاع ميلة باسكو يقولك

اللي يذوق البنة مايتهنى والبنة تاع الغرايف تاعنا سبيسيال صح؟

شكرا ليك أختي على المرور

بارك الله فيك.​

 

[عاشقة رجاص]

فاقو بيك حبيتي تزوجي ؟؟

ههههههههههههههه
فضحتيني ههههه
والله والو يارمرومة نضحك برك
انا ماراني مع المودارن مع التقليدي
مع وش راني نشوف
بالحب خالية عليهم:sad:
بلا حب مرمدين:sad:
هاني قاعدة وفرات ههههه​

اواه مانقعدش نضحك برك ههههه مي لازوجت بالمودارن ان شالله :sheer:
مي إلا تزوجت ........ زعما حبيتي تفهميني باللي ممكن ماتتزوجيش ياو فاقو هههه​

ربي يسهلك ياريمة ويطيحك في وليد لحلال

وتعرضيني بالصح ماتجيبيش الديجي ماليك هههه

شكرا ليك ريمة على المرور بارك الله فيك​

السلام شكرا ليك

الصراحة انا عقليتي مزالها قديمة نفضل الزواج التقليدي

وعليكم السلام اختي​

لالا يا ختي مش قضية عقلية قديمة وعقلية جديدة

كل واحد ورايو وكل واحد وطريقتو فالحياة

وكل واحد وعقليتو انا مانأمنش بالعقلية القديمة والجديدة على خاطر كل انسان وواش يخرج عليه
شكرا أختي بارك الله فيك على المرور
وربي يوفقك​

مزال ما تزوجيتيش ؟ ولا تحبي نزوجوك​

لالا راني متزوجة ياخويا شكرا​

ا شومي الموضوع لي ندخلو نلقاه يبدا بالغرايف اني قريب نبكي غلب حتى باش نديرهم

المهم ميرسي كي تفكرتينا
انا يا اختي لعزيزة متربية في مجتمع مازال فيه الزواج التقليدي وبالاك نقولك اكثر من المودارن تلقاي الطفلة تتعرف بواحد ويتفاهمو فلخر يديها ولد فاميلتها حتى الراجل يقولولو ماتديش البرانية هك العقلية نتاع الشاوية صح بداو شوي لي jeun يفرضو رايهم فالامور هاذي مي ديما كاين مشاكل
انا نعرف بزاف لي تزوجو من التيليفون ومن النت مي بالنسبة ليا مانقدرش نديرها ولا نامن بيها حتى واذا شفتها بعيني ختراه راح نبقا ديما عايشة بالشك كيما انا كيما لي راح نعيش معاه ​

وفي نفس الوقت ضد الزواج التقليدي انا نحب نعرف الانسان لي راح نرتبط بيه ونشوف العقلية اذا راح تمشي مع عقليتي ونقدرو نحلو بيها دار ولا ماتصلحش ختراه كل وقت او وقتو ماشي كي بكري وماشي كي ذرك

بصحتك لغرايف ختي نجاة

اللع غالب راه وقتهم

أيا شمري على يديك وغرفيلنا { كيما تقولي نانا :sad:}

والله ياختي كلامك صحيح وموزون

ربي يسهلك وربي يوفقك

بارك الله فيك على المرور شكرااااا​

بكري عيش تسمع

وضرك عيش تشوف​

​

هذيك هي
غدوة مانعرف واش

شكرا ليك خويا عبدو

بارك الله فيك
ربي يوفقك
​

 

[عاشقة رجاص]

ممممممممممممممممممممممم غرايف ميلة ....
راكي سخفتينا اختي هاجر....
واش نقولك هدا زواج ورجع فيه الموضة والديمودي
انا مع المودارن ....
ولكن في حدود وهدي حاجة باينة,,,,
مشي عيب ادا تفاهمو طفل وطفلة ونواو بعضاهم للحلال
ولله هدي قضية كل واح وكيفاه يشوفها
المهم منتعداو حدود الله وخلاص....
واصلا درك يا اختي هاجر حقيقة حوالي 99 بالمئة يزوجو زواج مودارن ....
ولله با نسبة ليا انا راني نروح انا نخطبو......ممكن تولي هدي تاني عقلية جديدة.....ههههههههههههههههههههههه

أهلااااااا لندوشة الزينة تاعنا صافا؟

بلعقل بلعقل واش من تخطبيه درك يقولو بنات رجاص ماويسو هههه

ديجا راكي سخفتيني البارح توحشت عراس رجاص :sad:

والله هذيك هي المهم حدود ربي مانتخطاوهاش وخلاص

بارك الله فيك ليندة حبيبتي

والله نورتي الموضوع يا الزينة شكراااااااااا​

 

[cut girl]

مرسي على الطرح المميز وأنا من ناحيتي نقول بلي هدا كله غلط لا ديني ولا تقاليدي ولا تربيتي تسمحلي ندير هكدا و الزواج هذا ما يدومش لأنه تبنى على الحرام بما أن الفتاة غريبة عنك لا يحق لك
مخاطبتها

 

[عاشقة رجاص]

مرسي على الطرح المميز وأنا من ناحيتي نقول بلي هدا كله غلط لا ديني ولا تقاليدي ولا تربيتي تسمحلي ندير هكدا و الزواج هذا ما يدومش لأنه تبنى على الحرام بما أن الفتاة غريبة عنك لا يحق لك
مخاطبتها

لاشكر على واجب اختي cut girl

الشكر ليك على المرور وعلى ردك القيم

بارك الله فيك

شكرا جزيلا​