لوجه ربي عاونوني راني في حيرة كبييييييييييييرة

[samou.dz]

السلام عليكم ورحمة الله وبركاته ان شاء الله تكونو كامل سافا سيرتو بعد هاد المهزلة تاع النتائج ليما كانت في الحسبان :cra_zy:....المهم مانطولش عليكم انا جبت لباك بمعدل 14.15 وراني حايرة واش ندير خممت ندير مدرسة عليا للاساتذة مي قالولي بلي راهم يمدوها لصحاب 15 وطلع
وتاني حابة اوبتيسيان (البصريات)
مي نتوما في رايكم واش نقدر ندير بهاد المعدل مع انو ديت فالمات 17و العوم 16 والفيزيا 13.5
وحابة نسقسي منين نجيبو الدليل ؟؟؟؟؟؟
من فضلكم عاونوني :sad:​

 

[M!ss_f@ti]

شوفي 17 + 13.5 + 14.15 = 44.65

44.65 / 3 = 14.88 هذا هو المعدل لي تدخلي بيه في الاختيارات

والدليل ذرك نبعثولك ,,, ماتتقلقيش

أسمعي نديرو st ولا sm في العناصر وصايي ههههههه

 

[*nassima*]

ايه و انا تاني راني حايرة الباك تاعي جبتو بـ 14.34 و حايرة واش راح ندير كيما قلتي المدرسة عليا شفتي بشحال دارو المعدل و زيد من المستحيل ديري طب و لا حتى جراحة اسنان و الله راني حااااااااااااايرة بزاااف و انا حابة كان ما مدوليش جراحة اسنان ندير مدرسة عليا علوم بصح كيما قلت قبل طالبين معدلات كبيرة مع العلم اني ديت 17 في العلوم و 15 في الرياضيات و 14 في الفيزياء تعيشو عاونونا و الله راني ما لقيت وين نسقسي و لا شكون لي يمدلك الخبر الصحيح

 

[samou.dz]

شكراااا على الرد

 

[BREAVE-HEART-91]

اختي هدي لازملها تفكير
مالزمش تقلقي روحك
وزيدي استشيري وسقسي متحبسيش
ربي يعاونك

 

[AHLEM1992]

اظن هدا المعدل لن يمنح لك العديد من الاختيارات الجيدة
ممكن علوم المادة في جامعة هواري بومدين ( ادرسها لكن لا انصح بها )
رياضيات و اعلام آلي جامعة هواري بومدين مستوى في القمة معترف به دوليا !!
لكن الدراسة بها صعبة للغاية
هندسة معمارية...
مدرسة عليا للاساتذة علوم دقيقة ( تعليم متوسط العام الماضي كانت بمعدل 13.6 )
بالتوفيق اختي​

 

[mir@cle]

مدام أنك قلتي المدرسة العليا للأساتذة يعني لديك الاستعداد للإقامة في العاصمة، أضن أنه لديك المجال أن تختاري مدرسة عليا أخرى بدل البصريات (مع أنني لا أعرفها) في حال لم يعطوك اختيار القبة........فكري في المدارس العليا في العاصمة فكلها جيدة بدووون استثناء.
​

 

[dream life]

مبروك عليكم الباك
ما تتقلقوش بزاف
المهم ديرو الحاججة اللي راكم حابينها نتوما
تحياتي

 

[Iman89]

للغلق...انتهت فترة التسجيلات الأولية