ألــــــــــف مبـــــروك للأجــــــــــــرام،يوم مبارك.....

B

BARCA232

:: عضو مَلكِي ::
أوفياء اللمة
السلام عليكم ورحمة الله تعالى وبركاته
أن شاء الله الجميع بخيـــــــر
المهم موضوعي اليوم يتحدث عن وحد الظاهرة شفتها اليــــــــوم
وهي المحبة اللي موجودة بين الناس؟؟؟؟
المهم كنت جالس نشرب في قهوتي
حتى بديت نشوف في وحد الشباب
يسلمو على بعضيهم يعني عناق حاااار
ومعاه تهاني وتبريكات!!!!!!!
قلت سير هاذي غير آفار تاع زواج ولا خطوبة ولا باك
مي شفتهم بزاف وقلت واش هاذو
تفاهمو على بلاصة لتلقي التبريكات
والله داني الفضـــــــــول وحبيت نشوف واش كاين
والله شيء مؤسف للغاية!!!!
تهاني للمحبوسين الناس اللي خرجت من الحبس
وأعلاش ياسيدي لاgراس
العفو تاع 06 أشهر،
والله جلست مع أحد أصدقائي يعمل في الأمن
قالي العـــــــدد وصل الى 6000آلاف محبوس تم اطلاقهم
والله كيفاش باغي الجريمة تموت وعمتي لاgراس كاينة
ياحكومة عيب كبير واش صاري
والله الجريمة راهي في تزايد
كيما قصة المجاهدين نورمالمون ينقصو
أحنا في الجزائر راهم غير رايحين ويزيدوا أمالا أفهم انت؟؟؟؟؟؟؟؟
مــــع التذكير انه هناك مظاليم في السجــــون
لكــــــــم الخط
​
 
السلام عليكم ورحمة الله تعالى وبركاته
وفقت أخي محمد في اختيار الموضوع الذي يتناسب مع الفترة الحالية
والله هي الحكومة المسؤولة عن هذه الاشياء
وكيف لا والجريمة في تزايد مادام يوجد فندق 05 نجوم في السجن
أذن لما لايوجد ماتحدثت عنه
مشكور
​
 
السلام عليكم ورحمة الله تعالى وبركاته
عاش من شاف مواضيعك موح
و مواضيعك حساسة ومهمة
المهم موضوعك على اطلاق سراح المجرمين و الله واش نقولك موح يبانلي المجرم يقول افار نروح ندير هديك الموصيبة و منا على 5 يام كان 5 جويلية معناتها نخرج
ياو وتاني كترووو الاعياد مالا الحبس خاوي يروحوله كي الحواسة و يرجعوو
و الله هدا مش نظام يعني هكا مايترباو مايلقاو جزاتهم و حكومتنا غير تربل فالدعوة كيما قلت قصة المجاهدين و ولاد الشهداء
شكرااا ليك موح على الموضوع انتظر جديدك
​
 
علاه سيبوهم باين عليهم اخطر المجرمين
و صح كاين المظلومين في الحبس رب يفرج عليهم
 
emmmmmmmmmmmm
 
والله غير تحير المحبوس يجي لدارهم بالزغاريد و البارود
وهو كان في قضية تزوير و مخدرات ...
والمافيا كل فاقو بالعفسة نتاع العفو
يديرو رايهم قبل 5 جويلية ولا قبل 1 نوفمبر يدخلوا للحبس ايامات ومبعد يخرجو عفو
​
 
ياحكومة عيب كبير واش صاري
والله الجريمة راهي في تزايد
كيما قصة المجاهدين نورمالمون ينقصو
أحنا في الجزائر راهم غير رايحين ويزيدوا أمالا أفهم انت؟؟؟؟؟؟؟؟
مــــع التذكير انه هناك مظاليم في السجــــون
بصيت ياجدك واش أداك
​
 
السلام عليكم و رحمة الله تعالى و بركاته

و الله يا محمد خويا تقول راك تتحدث بلسانى
البارح برك كنت نحكى مع وحد الباندى جانى للحانوت يتغدى عندى
قاعدين نحكو قالى الحبس راه نعمة بالنسبة لينا "يقصد المجرمين عموما"
يسمى الدولة تاعنا راها تشجع فى الاجرام عوض اللى تحاول بقدر الامكان اعدام الظاهرة هاذى .
أقسم بالله غير هذا اسوء قرار فى ثاريخ القرارات المتخدة فى الدستور الجزائرى :sad:

ربى يقدر الخير

يعطيك الصحة يا الكبدة الله يحميك .

نشوفك على خير :re_gards:



​
 
ايه صح و الله غير صح
 
وعليكم السلام
بارك الله فيك على طرحك لهذا الموضوع
مالقينا منقولو في الدولة تاعنا
يعني المجرمين هادو مترباوش في الحبس
راح يتقدو كي يخرجو
قالك العفو
تسمى يطير ومباعد خرجو
فرحانين بيهم كي شغل
وكيفاه حابين الحالة تتسقم
ربي يستر
صحيت تحياتي
كنت هنا

​
 
توقيع السلطانة
هههههه
ماتحيرش خلاص يا محمد خويا
راك في بلاد ميكي وين كلشي نورماااااال
ماتحيرلك في حتى حاجة
ونحكيلك قصة صرات في كارطينا ماعندهاش بزاف
هذا واحد جارنا قتل واحد
قتل غير عمدي
رماه في بئر في حالة سكر
(بيناتنا هذي غير عمدي)
المهم فوت 8سنين
واليوم لي خرج فيه
فات على جماعة الكرطي
كاشما تعاونوني10 الاف ولا 20الف
المهم لم مصروف
والعشية جاب ديسك جوكي ومداير حفلة قدام الباب
رجعنا ندمانيين لي عاوناه
في بالنا مصروف دار ظهرت حفلة
ايا افهم انت ضرك مع عباد كيما هذو ولا حكومة كيما تاعنا​
 
وعليكم سلام رحمة بركات الله وبركاته
مرسي محمد الغالي على هاته موضوع
والله معك الف حق كلاماتك
انا بغيت افهم هاته برك
علاش الدولة تبني سجون دائما ؟؟؟؟؟؟؟؟؟
+
مجاهدون من مفروض يكونون نقص مع الوقت مي نحن نرى انه العكس وكل مر تجد انهم اصبحو اكتر
كيف هاته ؟؟ ماوش اعرف
بلاد ميكي
:cra_zy: او معنى اصح لانه بلادنا غالية اقصد اقول مساولين حشرات :cra_zy::cra_zy:
نشالله لي عودة للموضوع ياغالي
احترامي لك :re_gards::re_gards:​
 
حبس ياخو وماتشوفش عند رجليك
ولي داخلين زكاره ولا ظلم وتبلي والله انا 4 صحابي غير داخلين ظلم في ظلم
وجرينا باش نخرجوهم مكانش تدفع لمليار ولا مكانش
انتوما ناسين ليهود لجنرالات لي راه حاكمه لبلاد ناس تسرق عيني عينك وناس يتسبولهم ع ادنى غلطه واخرها
الولي تاع مدينه في دزاير والله غير نسيت اسمها ع سب خرج العاهرات فليل من ملاهى ليلي ضربوه وحكموه 4 شهور حبس وغارمه
 
khali yafrho kayn li madlom maskineeeeeeeeeeeee
 
قال dahouni20:
السلام عليكم ورحمة الله تعالى وبركاته
وفقت أخي محمد في اختيار الموضوع الذي يتناسب مع الفترة الحالية
والله هي الحكومة المسؤولة عن هذه الاشياء
وكيف لا والجريمة في تزايد مادام يوجد فندق 05 نجوم في السجن
أذن لما لايوجد ماتحدثت عنه
مشكور
​
إضغط للتوسيع...
وعليكم السلام ورحمة الله تعالى وبركاته
الله يخليك اخي جمال
أكيد الحكومة وأتباعها والمجرمين المحسوبين عليها
شفت تقرير تاع النهار اليوم وشوف واش صاري
بارك الله فيك
​
 
قال neيrسne:
السلام عليكم ورحمة الله تعالى وبركاته
عاش من شاف مواضيعك موح
و مواضيعك حساسة ومهمة
المهم موضوعك على اطلاق سراح المجرمين و الله واش نقولك موح يبانلي المجرم يقول افار نروح ندير هديك الموصيبة و منا على 5 يام كان 5 جويلية معناتها نخرج
ياو وتاني كترووو الاعياد مالا الحبس خاوي يروحوله كي الحواسة و يرجعوو
و الله هدا مش نظام يعني هكا مايترباو مايلقاو جزاتهم و حكومتنا غير تربل فالدعوة كيما قلت قصة المجاهدين و ولاد الشهداء
شكرااا ليك موح على الموضوع انتظر جديدك
​
إضغط للتوسيع...
وعليكم السلام ورحمة الله تعالى وبركاته
أيه راك قلتها نسرين
رجع المجرم يدير العملية وينتظر المنقذ الأول
أالا وهو الانقاذ
راه صاريلهم كيما جماعة البيام والاباك من كاين الانقاذ
ربي يهدي واش راه صاري وخلاص
بارك الله فيك

​
 
قال bonoise:
علاه سيبوهم باين عليهم اخطر المجرمين
و صح كاين المظلومين في الحبس رب يفرج عليهم
إضغط للتوسيع...
هاأرواحي انت وافهميهم علاه يسيبوهم؟؟؟؟؟؟
باسكو كاين عمي لاgراس
شكرا ليك
بارك الله فيك
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom