*كيراكم*
*عساكم بالف خيرات*
موضوعي اليوم عن "الخطوبة"
والام الي تشوف عروس لوليدها..
..في كل عرس تشوف وحدة تعجبها..
..تسقسي عليها بنت من ومادينها ولالا..
ومن باعد تروح للطفلة تتقرب منها تقعد قدامها وتهدر معاها باه تقيس العقلية..
..والطفلة مافاهمة والوووووو وعلى نيتها...
..ومن باعد تتجرا وتساهل وتقوللها
عندي وليد وحابة نزوجوا وش رايك نعرفك عليه..
..ومن باعد توقف وتخلي الطفلة طلع وتهبط "زين..خدام ..عقليتوا.......الخ.."
ويفض الفيلم المدبلج اوووووووووووه قصدي العرس
..ويجي نهار وتروح الم لعرس خلاف..
..تزيد تعجبها طفلة خلا زيد تتاخذ نفس الاجراءات..
..وهكذا حتى تلقى وحدة على قيسها واذا لقاتها تخلى الي فالطابور يسناو يعرفوا
تعيس الحظ هههههههه سعيد الحظ
هذي العلية انتاشرت بزاف فمجتمعنا..
..عادت ام الطفل تحوس حتى تلقى بنت لحلال ....وي عندها الحق تخير لوليدها الي تناسبوا..
..لانوا بنات لحلال في انقراض "كالديناصورات ههههههههه ماتزعفوش""
..مي انا الي محيرني وحبيت ناقشوا معاكم ليوم وفي هذا الموضوع..
..هي علاش ماتسقسيش وتطقص عليها من بعيد بلاما تحسس الطفلة ولا تسمعها"يعني شرطية ومتخفية""
حتى يتكتب المكتوب ويقبلوا الطرفين..
..حتى ماتجرح حتى واحد وخاصة اذا كانت الطفلة من الفاميليا..
+يا يما سقسي وليدك اذا في بالوا وحدة ولا لا
واذا قالك ماكانش فحوسي في السر..
..موضوعي على ما اظن واضح..
..هيا ليكم الخط..
:shay:
*..وش رايكم في هذي العقلية..
*..وهل تعرضتي لاموقف كيما هك
*واش رايكم يا شباب اذا يماك هدرت عليك مع كل وحدة تعجبها وتلقاها في العرس
*وهل انت من النوع الي يخلي امو تحوسلوا على عروسة
*وشكرا على اعتماد الموضوع مسبقا*
