قالي رخساتو في الموبيل .......

M

meriem150491

:: عضو مثابر ::
السلام عليكم ورحمة الله وبركاته



ان شاء الله تكونو لاباس وبصحة وعافية ديما :shiny:



كما راكم تشوفو في وقتنا رجعو النسا ميحشموش والبهادل اللي يديروهم لبرا كي نشوفهم نحشم في بلاصتهم وراح الحيا والحشمة



ورجع تطياح القدر والسبان حاجة عادية حتى من طرف نسا كبارت


قبيل جا خال ما عندنا وقاعد يحكي وصل لواحد لحكاية


قالنا انا ليوم زمان نقضي قال مرا قدامي صونا موبيلها هزت وتعيط على طولها

تهدر تبالي مع صاحبتها ولا ختها ولا منعرف


تحكي تحكي حتان وصلت


قالت قلتلو اديني للبحر دبر راسك الناس كامل راحو ( باينة بغات تفوخ على جيرانها وتبرونزي )وانا واش خصني منروحش( قالك ما خص القرد غير الورد) وقالت قالها راجلها بلي حنا معندناش فريجيدار ( هدي معندهاش مامبا باش تبرد الما وراح طير قالك الفوخ والزوخ وعشا قرنينة)


انتي تحوسي على ليفاكونس+ زادت حكاتلها واش رخساتو كامل ومحشمت ما والو


وهدا كامل بالعياط وقدام الناس لا حشمة لا حيا

( تبالها اي في الجبل)


وبزاف حكايات راهم في واقعنا وراكم تشوفو فيهم



ايا ليكم الخط وقولولنا بعض المواقف كما هدو :shiny::sheer:


وواش رايكم في نسا كي هك ؟:o_o:


وعلاه راحت الحشمة والحيا من نساء اخر زمان مقارنة بنساء بكري كانو يخرجو بالملاية ومستحيل تسمع صوتها في الزقاق ولو على قطع رقبتها؟:shay::shay::shay::shay:






​
 
آخر تعديل:
شكرا على قبول الموضوع
​
 
يعطيك الصحة مريم على الموضوع الباهي
اكره حاجة عندي نلقى مرا لبرا تعيط وهازا صوتها
نحسها راجل وجادور ...​
 
قال ماكانش:
يعطيك الصحة مريم على الموضوع الباهي
اكره حاجة عندي نلقى مرا لبرا تعيط وهازا صوتها
نحسها راجل وجادور ...​
إضغط للتوسيع...

راحت الحشمة الله غالب


رجعو يبانو رجالة ياخي رجالة خرين والله يحشمو يحكيو في الموبيل برا

ونسا خرين يحكيو قول راهم في ديارهم

الله يهدينا شكرا على المرور مكانش سفيان نورت الصفحة باطلالتك
​
 
ياتلقايها تعيط هكاك كي الراعي تاع الغنم فالجبل
ياتلقايها ترقق فصوتها تاع ذراع وتتسيتت
ياو والله يزيدو عالقلب مليح اللي يطلع للجبل ويقعد براسو.......​
 
قال نسيم الربيع:
ياتلقايها تعيط هكاك كي الراعي تاع الغنم فالجبل
ياتلقايها ترقق فصوتها تاع ذراع وتتسيتت
ياو والله يزيدو عالقلب مليح اللي يطلع للجبل ويقعد براسو.......​
إضغط للتوسيع...

جابولهم الموبيل مفهمولوش


هدو مليح يقطعو عليهم كلش يعودو يتراسلو بالحمام الزاجل خير


اي الجبل كون لقيت دار فيه اني اللولةة نطلعلو كيعاد عدت كي نخرج نزيد على قلبي من عباد كي هدو بففففففففففف


نورتي الصفحة نسيم الربيع

شكرا على ردك الباهي
​
 
ياتلقايها تعيط هكاك كي الراعي تاع الغنم فالجبل
ياتلقايها ترقق فصوتها تاع ذراع وتتسيتت
ياو والله يزيدو عالقلب مليح اللي يطلع للجبل ويقعد براسو.......​
إضغط للتوسيع...


عندكــــ:thumb_up2:ـــ الحــق
​
 
(وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ) صدق الله العظيم

 
قال hannsg:
(وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ) صدق الله العظيم
إضغط للتوسيع...


يعطيك الصحة على الرد المليح بارك الله فيك
​
 
قال meriem150491:
جابولهم الموبيل مفهمولوش


هدو مليح يقطعو عليهم كلش يعودو يتراسلو بالحمام الزاجل خير


اي الجبل كون لقيت دار فيه اني اللولةة نطلعلو كيعاد عدت كي نخرج نزيد على قلبي من عباد كي هدو بففففففففففف


نورتي الصفحة نسيم الربيع

شكرا على ردك الباهي
​
إضغط للتوسيع...

انا راني حجبت روحي فالدار من اللقطات اللي نشوفهم البرا :schmoll:
والله نكون فرحمة ربي انا نخرج نندم علاه خرجت​
 
قال نسيم الربيع:
انا راني حجبت روحي فالدار من اللقطات اللي نشوفهم البرا :schmoll:
والله نكون فرحمة ربي انا نخرج نندم علاه خرجت​
إضغط للتوسيع...

هيه راني كي حالتك سيرتو باتنة كثرو فيها المسوg رين والمفرينين عدت نخرج نبغا ننتحر


الرحمة في الدار و4 حيوط ولا المظاهر الخلابة ههههههه تاعهم
​
 
موضوع مليح بالبزاف
هذه الحاجة دايما نشوفوها فالسوق ولا فالbus وزيد تسمعيها تحكي قصة حياتها ونساو باللي
صوت المراة عورة ربي يهديهم برك
 
قال صدى القلوب:
موضوع مليح بالبزاف
هذه الحاجة دايما نشوفوها فالسوق ولا فالbus وزيد تسمعيها تحكي قصة حياتها ونساو باللي
صوت المراة عورة ربي يهديهم برك
إضغط للتوسيع...


مرورك هو المليح بزاف وزاد النص في الموضوع:shiny:, هيه والله ثاني ميحشمو ما والو تشوفي مرة يحكيلي خويا كان في التران وحدة طيح في الهدرة قالها السلفي احشمي على عرضك مخلاتلو مبقاتلو قالتلو واش تكون انت باش تقولي اسكتي راجلي بابا خويا مسكين حتان حشم وسكت , بخصو برواحهم
 
حلو الموضوع // عيش تسمع وتشوف​
 
هاذي هي العقلية اللي نكرها
هاذي اصلا راجلها (ماشي راجل) اللي يقبل مرتو تعيط عليه انا نعتابرو ماش راجل
و بالزيادة يقولو صوت المراة عورة و المرأة منهية انها تعلي صوتها فما بالك تعلي صوتها على راجلها هاذي كبيرة بزاف
ربي يهدينا و يعطينا العقل
شكرا على الموضوع تقبلي مروري
@m!m^^​
 

الله غالب خيتي مابقاتش حشمة خلاص تصيبيها تعيط وووووو و تضحك بالفور يا اني هادي هي اللي تطيرهالي الصح يا وين راح كلام ربي سبحانه و تعالى كي قال :
(وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ) صدق الله العلي العظيم
انا بصراحة وليت نحب نقعد في الدار برك يا نخرج نولي نشوف التبدهيلة و الحشايم على واه
نطلب من ربي يهدينا ان شاء الله
و مرسي لك خيتي على السوجي الشباب

 
قال الطفلة البريئة:
هاذي هي العقلية اللي نكرها
هاذي اصلا راجلها (ماشي راجل) اللي يقبل مرتو تعيط عليه انا نعتابرو ماش راجل
و بالزيادة يقولو صوت المراة عورة و المرأة منهية انها تعلي صوتها فما بالك تعلي صوتها على راجلها هاذي كبيرة بزاف
ربي يهدينا و يعطينا العقل
شكرا على الموضوع تقبلي مروري
@m!m^^​
إضغط للتوسيع...

يا اختي واش راح تقولي فيهم الله غالب عليهم ناس كي هدو مليح ينفيوهم للقطب الشمالي كشما نتهناو من بهادل تاعهم

نورتي الصفحة تحياتي
 
قال خولة 01:

الله غالب خيتي مابقاتش حشمة خلاص تصيبيها تعيط وووووو و تضحك بالفور يا اني هادي هي اللي تطيرهالي الصح يا وين راح كلام ربي سبحانه و تعالى كي قال :
(وَاقْصِدْ فِي مَشْيِكَ وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ) صدق الله العلي العظيم
انا بصراحة وليت نحب نقعد في الدار برك يا نخرج نولي نشوف التبدهيلة و الحشايم على واه
نطلب من ربي يهدينا ان شاء الله
و مرسي لك خيتي على السوجي الشباب

إضغط للتوسيع...
7

الله لحد يا اختي
وعلاه الجنس هدو يعرفو القران ولا يعرفو كلام ربي

هيه عندك الحق مكانش قد الدار اموان متشوفي ميضرك قلبك


نورتي الصفحة بارك الله فيك مشكورة تحياتي
​
 
يا اختي ناس بكري يقولو اذا راح الحياء راح الدين
والله رجعنا في وقت ربي يسترنا وخلاص
رجعت المرا والراجل كيف كيف
انا مرة كنت فالبيس وحدة قريب حكاتلهم كامل حياتها كانت تحكي فالتيليفون والناس تسمع
مسكينة ولد عمها واقيلا فالحبس وتقولو وقتاش نروحو وين راه واش دارولو وقتاش يشارعوه اللي ما سمعش يسمع
ربي يستر وان شاء الله يخرج من الحبس
 
العودة
Top Bottom