شكون لي صراتلو او صراتلها هكا

[لاجودان شاف]

السلام عليكم ورحمة الله وبركاته
اهلا بكل الأعضاء الكرام الناس ملاح وان شاء الله تكونو بصحة وبخير

كاين واحد المثل يدرو عندنا بزاف وراهو معروف منذ القديم
وهو اخطب لبنتك قبل ما تخطب لولدك
هاذ الكلام متداول عندنا بزاف وهو كلام صحيح و عقلاني
وكيما تعرفو عمر بن الخطاب عرض بنتو على أبو بكر وعثمان

ومن قبل الرجل الصالح شعيب عرض بنتو على نبي الله موسى وجمع ربي بينهم
وسؤالي للأعضاء :

هل هذا الأمر مازال راكم تشوفو فيه في هاذ الأيام

ولي صراتلو حكاية مثل هاذي يحكيلنا على تجربتو

هل كاين واحد جاه باباه مرة وقالو واش رايك نعرضو ختك على فلان

ولا هو بالذات عرض ختو على واحد

وهل توجد هنا معنا من جاها باباها وقالها راني رايح نعرضك على فلان

ولا سمعت بقصدة قريبة مثل هاذي

رانا نستناو
وباين أول جواب تاع العضو مكانش
تبان option في هاذ المنتدى



​

 

[نسيم الربيع]

:scared: يديرها نجيفو
اواه بابا معندوش هاذ العقليه
ومام انا تبالي مش كيف كيف بين وقت بكري وضرك
بكري يعرضها لراجل صالح نورمال
ضرك كون يديرها واحد يولي مبعد الراجل هذاك يعاير بيها مرتو يقولها قعدتي حتان ولاو يعرضو فيك
مزيه ديتك وتالي راكي برتي :shiny:
ايا مارسي عليك​

 

[ماكانش]

راك تمعني كاشما نعرضولك يا الشيخ
امشي ماكانش
والتبسية راهي تسنى فيك هههههه

 

[اميرة دوت كوم]

اممممممممممم يبالي بلي جامي واحد يديرها دوك ...يعني قليل جدا
بصح تحب الصح ماراحش تلقى طفلة تقبل تزوج هكاااااااا

 

[خولة 01]

واش راك خو ان شاء الله بيان ؟؟ :showoff::showoff:

وي خو هاد العقلية في بالي ماولاتش كاينة سورتو في وقتنا هدا و عندها اسباب اولهم كيما قالت اختي نسيم الربيع يولي يعايرها و الثانية مكانش لامان قاع يا يعرض بنتو هلى واحد و من يطلع سكارجي و لا كاش حاجة

و راه كل واحد يخير شريك حياته

مرسي على السوجي واصل

 

[chichina]

ماشكيتش لا يديروها العفسة هادي

 

[chaquerre]

ماشكيتش , خاصة المرأة نتاع هذا الزمان

 

[13matmour]

المشكل في الوقت الحالي هو الذهنية المتخلفة للناس و عدم التحضر و الاطلاع على الدين الفتيات في الوقت الحالي الا من رحم ربي منهم فاغلبهن يزوجن انفسهم و يعشقن دون علم اهلم فمابالك ان يعرض عليها اباها او اخاها شخصا للتتزوجه فتطرح عليه رزنامة من الاسباب لعل ابرزها مازلت سادرس او لا ارغب في الزواج حاليا كذلك و دواليك من الامثلة
اصلا المثال المطروح عظيم جدا النبي صالح ماشاء الله هل تشبه النبي صالح بشباب اليوم اظنك مخطا اخي اعد مراجعة مثالك

 

[meriem150491]

هديك بكري في وقت الرجال وتالي دك كون تعرض بنتك ولا ختك كي تزوج تداق هيا وراجلها يقولها ياخي عرضوك عليا وتالي متوزجيش
​

 

[المتفائلة_91]

كيما قلت راهو شيء منطقي
وكان يصرا بكري (عمي متزوج وحدة عرضها عليه خوها)
بصح ضرك جامي سمعت حالة كيما هكا ،

بابا ماظنيتش-مستحيل- اذا يديرها ، وخاوتي الذكورة مازالو صغار

فكرة مليحة خويا

يعطيك الصحة​

 

[adel-mz]

هي مازلت كاينة مي ماشي بزاف ، انا صراتلي مع واحد عرض عليا زواج من بنتهم ( مع كل احتراماتي لهذه العائلة بصراحة عائلة شريفة)

 

[نجاة40]

نوووووووو تبالهم عيب كبير وطيحة ليهم
مي كيما قلت فالدين كاينة وحنا ربي يهدينا
قول امين​

 

[دنيا البسمة]

هي لوكان نرجعو للصح كاينة منها
مي في هاذ الوقت ماراهش تgزيستي
لوكان واحد يقول لواحد نمدلك بنتي ولا ختي ومبعد يرجع يقولها انا ما كنتش رايح نتزوج بيك لوكان ماقالوليش عليك
والله اعلم

 

[07 _H@yThm]

ههههههههههههههههه والله وحدكم يالباتنيه لي تضرب دوره عليه في موضوعو تلقاه
يقرعج ع زواج هههههههههه
​

 

[لاجودان شاف]

:scared: يديرها نجيفو

اواه بابا معندوش هاذ العقليه
ومام انا تبالي مش كيف كيف بين وقت بكري وضرك
بكري يعرضها لراجل صالح نورمال
ضرك كون يديرها واحد يولي مبعد الراجل هذاك يعاير بيها مرتو يقولها قعدتي حتان ولاو يعرضو فيك
مزيه ديتك وتالي راكي برتي :shiny:

ايا مارسي عليك​

شكرا لك أختي

صح الان ولا لي يرعرض بنتو يقولك هاو يحتملي فيها كيعاد بارت
ولا عندها مريض ولا باصة​

 

[لاجودان شاف]

راك تمعني كاشما نعرضولك يا الشيخ
امشي ماكانش
والتبسية راهي تسنى فيك هههههه

هههههه
ربي يحفظها التبسية ههههههههههه​

 

[لاجودان شاف]

اممممممممممم يبالي بلي جامي واحد يديرها دوك ...يعني قليل جدا
بصح تحب الصح ماراحش تلقى طفلة تقبل تزوج هكاااااااا

كاين لي يقبلو سيرتو كي يكون الراجل بوكو تيكي

شكراااااااا​

 

[لاجودان شاف]

واش راك خو ان شاء الله بيان ؟؟ :showoff::showoff:

وي خو هاد العقلية في بالي ماولاتش كاينة سورتو في وقتنا هدا و عندها اسباب اولهم كيما قالت اختي نسيم الربيع يولي يعايرها و الثانية مكانش لامان قاع يا يعرض بنتو هلى واحد و من يطلع سكارجي و لا كاش حاجة

و راه كل واحد يخير شريك حياته

مرسي على السوجي واصل

لاباس ختي ربي يهنيك
صحح
ممكن مكانش
ربي يجيب الخير
شكرا​

 

[لاجودان شاف]

ماشكيتش لا يديروها العفسة هادي

ماشكيتش , خاصة المرأة نتاع هذا الزمان

هديك بكري في وقت الرجال وتالي دك كون تعرض بنتك ولا ختك كي تزوج تداق هيا وراجلها يقولها ياخي عرضوك عليا وتالي متوزجيش ​

شكراااااااااااااااااااا لكم​

 

[═♥.ЈŪšť_ màn.♥═]

...
هههههــــــــ و الله غيـــــــر كاينة منها
اون بلوس انا صراتــــــــلي في عمــــــري 17 و عرضوا علي بنت عمتـــــــــي
.....
قلتلهمـــ انتم مهابلــــــــ .... كي تبقة غير هي ما نكونش معاها :cra_zy:
....
مي و الله ما عقلية .... علابالكـــ
العرضة سنة و المهبول الي يدنا
هههههههط
​