ياسلام على لهجة بلادي !!!

[ياقوتة الصحراء]

السلام عليكم اخوتي اخواتي اعضاء اللمة
واش راكم
لي عندو شوي برد يسلفنا رايحة نهبل بالسخانة :surrender::tears:
المهم ندخل للموضوع
كاين وين في اللهجة نتاعنا نستعملو مصطلحات يدوخو ويحيرو
كيما
اقعد واقف :scared: ( مافهمتش نقعد ولا نوقف )
افونسي لاريار( سيرتو نتاع البيس )i-o:
لاغوب بلونش حمرا :huh:
عقلو مش في راسو فمو مش ليه (مالا نتاع الجيران)
اطلق راسك :scared:
واشبيك تاكل في روحك( هههه راهو جيعان) :lol:
مادموزال شدي وليدك :wink:
اجبد روحك :showoff:
سكنلي في راسي :shiny:
ولي ما فهمتهاش كلمة دبر راسك كيفاش جات مانيش عارفة :um_sh:

ولي تزيد الطين بلة انو كلامنا غير عنف وقسوة قتيل وضرب :scared::like_1:_o:
ضربني الريح
طاح عليا الهوا
ضربو سلك
طاح الليل
كسر راسك
نضربها بتحوسة نضربها برقدة نضربها حطة .....
قتلي الضحك قتلني الجوع قلني الخوف ...
والقائمة طويلة ..........


ومانلومش الناس الاخرى كي مايفهموناش "والله حيرنا العالم "
ولوكان نجيبو ديكسيونار طويل عريض باش نشرحو اللهجة نتاعنا مايكفيش
والله عقلية dz ماكانش كيفها
:sheer:
وفي الاخير اليكم الخط
المطلوب : حلل وناقش ؟؟
تحياتي ياقوتة الصحراء
​

 

[Estrella]

ههههههههههههههه
حوسي قاع فالعالم مغاديش تلقاي طبايع كيما طبايعنا هدرة كيما هدرتنا هههه
كلشي فينا انوووووووووووورمــــــــــال
تحيا حنــــــــــــا
يعطيــــــــك الصحـــــة
​

 

[adel-mz]

ضربتها اليوم بغدا هايل وعطيتها بترويحة من الخدمة بكري،وكملتها بقهوة مدوزية في العشيوة ،وراهي قاتلتني لاgريب .....ههههههههههههههه
حنا شعب مايقدرنا ختا واحد اختي
موضعك مليح مارسي عليك

 

[قلوب تائهة]

دوري العالم ماتلقيش اجوبة للاسئل ديلك
هك هدرتنا هك لهجتنا
متتحيرش اختي

 

[عاشقة رجاص]

السلآم عليكم ورحمة الله وبركآته
هههه والله ياختي ربي يهنيك ضحكتيني تاع الصح

موضوع هاااااااايل فريمون

وعجبتني تاع مادموزال شدي وليدك
شكرا أختي ياقوتة بارك الله فيك

​

 

[المتفائلة_91]

قتلني الضحك​

ههههههههههههه موضوع قتلني بالضحك ،

واش عنديرو اختي

والله غير صح ، لهجتنا طاغي عليها العنف اكثر ،،

قالك اللهجة واللغة بصفة عامة متغيرة بتغيرات عديدة من ضمنها طبيعة المكان والاشخاص (linguistique F. de Saussure)
هذا ان دل على شيء فانه يدل على ان الاشخاص تاع منطقة المغرب العربي بصفة عامة ناقصين ظرافة وهذا ينعكس بطيعة الحال عن اللغة اللي هي مرآة اي مجتمع



موضوع هايل ويستحق تقييم ،،،


شكرا​

 

[ziassia]

عندك الحق لهجتنا صح مكانش منها
مرسي على الموضوع ​

 

[rima barcaouia]

tiri wella tenazli hadi hadratna w kol 7aja 3andha kinaya a3la khra w machkooooooooora 3ala tar7 al mawdoooooooooooooo3

 

[الورد الأحمر]

ايه اختي احنا شعب فريد من نوعو
ومعليش مام ما يفهموناش
المهم نبقاو ديما لغز
مغسي اختي يعطيك الصحة
سلامو
​

 

[kiosedire]

ههههههههههههههه​

حوسي قاع فالعالم مغاديش تلقاي طبايع كيما طبايعنا هدرة كيما هدرتنا هههه
كلشي فينا انوووووووووووورمــــــــــال
تحيا حنــــــــــــا
يعطيــــــــك الصحـــــة ​

آكي مليحة أختي من راسك؟
رانا حتى لتمّا
آختي غير بدلي علينا هاذي كلشي فينا أننوووووووووورمال رانا vريمون سوpار
و زيد بزيادة الهدرة و التقرعيج عندنا فايدة
أنا ألي حيرتي gـاع لزناش سورتو لعرب منهم واحد ما يقول على هدلاتو سي pـا صا غير أحنا و كيفاه أحنا نفهمو عليهم و هوما لا؛ في رايي يفليكسو رواحتيهم لعندا نشارجيولهم عقليتنا ههه​

 

[الحق سلاحي]

هههههههههه

شوفتي عليها مايقدرولناش
​

 

[hannsg]

تعجبني لهجتنا بزاف
المهم حنا نفهموا المقصد من الكلمات هذه حتى باقي اللهجات فيها كلمات غريبة
و كل طير يلغى بلغاه و تحيا لهجتنا الجزائرية
شكرا على الموضوع الجميل اختي

 

[إيمان قلب]

اللي مافهمش خليه يحاول يفهم المهم احنا نشدو في أصلنا واللي حاول وماقدرش نفهموه بالصح بين قوسين
ماشي نتبدلو على جالو ونهدرولو بلغته
يعطيك الصحة خيتو صح موضوع هايل
سلامي ...​

 

[hannsg]

اقعد واقف :scared: ( مافهمتش نقعد ولا نوقف )
ضرك نفهمك كيفاش جات
هي واحد كي يقعد مع واحد مثلا يقصروا و يجي رايح يقوله ابقى بما انهم غالبا يكونوا قاعدين يقولك زيد اقعد شوي هههههه يعني صارت اقعد=ابقى هههههه اقعد واقف = ابقى واقف ههههه

ولي ما فهمتهاش كلمة دبر راسك كيفاش جات مانيش عارفة :um_sh:
هذه باينة راهي جاية من التدبير يخي واحد يقولك دبر عليا مالا انت تقوله دبر راسك شغل خلي راسك يدبر عليك ههههه يعني القاها وحدك ههههههه

ومانلومش الناس الاخرى كي مايفهموناش "والله حيرنا العالم "
يفهموا ولا مايفهموش حنا المهم نفهموا بعضنا ,علاش الشناوة مثلا كاش من يفهمهم؟ هههههههه


​

:re_gards::re_gards::re_gards::re_gards:

 

[Ice Queen]

علاهادي الناس كامل تغير مننا وما تقدرش تفهمنا
​

 

[meriem150491]

حلل وناقش عجبتني هدي هههههههه


يا اختي واش نقولك ههههه مصطلحات عجيبة غريبة


ههههههه متخمميش ياسر منين جاو لا تهبلي ههههههه


تحياتتتتتتتتتي
​

 

[kiki96]

ههههههههههههههههههههههههههه
قتلتيني باضحك خيتو
موضوعك روعة
ماتنسايشعقلية dz

 

[oussama23]

مشكورة أختي

 

[ياقوتة الصحراء]

ههههههههههههههه

حوسي قاع فالعالم مغاديش تلقاي طبايع كيما طبايعنا هدرة كيما هدرتنا هههه
كلشي فينا انوووووووووووورمــــــــــال
تحيا حنــــــــــــا
يعطيــــــــك الصحـــــة ​

ههههههه نحوسو العالم زنقة زنقة مانلقاوش كيما عقليتنا
شكرااا على ردك الطيب ​

 

[ياقوتة الصحراء]

ضربتها اليوم بغدا هايل وعطيتها بترويحة من الخدمة بكري،وكملتها بقهوة مدوزية في العشيوة ،وراهي قاتلتني لاgريب .....ههههههههههههههه
حنا شعب مايقدرنا ختا واحد اختي
موضعك مليح مارسي عليك

هههههه بشوي عليك القسوة بزاف مش مليحة
اسعدني مرورك
​