طريقة التفوير للمبتدئات

[المتفائلة_91]

السلام عليكم خواتاتي العزيزات

انا راني مبتدئة في الطبخ،
راني غير نشوف في وصفاتكم ونجرب فيها ، مرة تصلحلي ومرة لالا :scared:

وشفت موضوع تاع التليتلي وحبيت نجربو ،

بصح ماعرفتش الطريقة كيفاش يفورو التليلي؟؟؟؟

وهل هي نفس الطريقة تاع تفوير الكسكسي ام تختلف ؟

والكسكسي ثاني كيفاه يفوروه ؟

يتعب ولا لالا ؟



عارفة راهي اسئلتي مضحكة شوي :shay: ،، بصح نتمنى نلقى المساعدة عندكم يا بنات اللمة​

 

[nada242008]

وعليكم السلام اختي
بالنسبة للكسكسي او البربوشة
اول حاجة تغسليها وتقطريها مليح من الماء
تخليه يشرب الماء اللي بقا فيه كامل ويشيح
بعد ما ينشف تفركيه باصابع اليد باش مايعودش كتلة واحدة
تحطيه يفور في الكسكاس حتان تلاحظي البخار يخرج منو لحوالي 10 دقائق
ومن بعد تفرغيه في القصعة
ترسي عليه شوية ماء وم ص ملح وتحركي شوية بالشوكة وتخليه يشرب الما ويبرد
ومن بعد ما ينشف تفوريه الفورة الثانية لمدة 10 دقايق
تخليه يبرد وتسمغيه بالزبدة ولا السمن
وخلاص
يعني زوج تفويرات واحدة بعد ماتغسليه
والثانية بعد ماترشي عليه الما وتملحيه
-------------
التليتلي نفس الطريقة
بصح في البداية ترشي عليه شوية زيت وتدخلي الزيت فيه مليح
تفوريه الفورة الاولى
ومن بعد نرشي عليه شوية من المرقة وتفوريه
وتزيدي ترشي عليه المرقة ونفوره
وفي الاخير تجمريه في المرقة اللي بقات
------
كاينة طريقة ساهلة باش تطيبي التليتلي بدون تفوار والنتيجة رائعة
كاش نهار نحطها بالتفصيل

اي سؤال تفضلي

 

[المتفائلة_91]

يعطيك الصحة اختي ندى ، بارك الله فيك على الرد السريع

بصح سؤال ؟ حتى التليتلي نغسلو ولا لالا؟


في انتظار الطريقة




شكرا​

 

[rima29]

انا تاني مبتدئة
وشكرااا يا ام ندى كي فهمتينا ​

 

[المتفائلة_91]

يعطيك الصحة

وان شاء الله نتعلمو كيف كيف​

 

[nada242008]

يعطيك الصحة اختي ندى ، بارك الله فيك على الرد السريع

بصح سؤال ؟ حتى التليتلي نغسلو ولا لالا؟


في انتظار الطريقة




شكرا​

لالا التليتلي مايتغسلش هو والرشتة نفس الطريقة
--
شكراا ريما ان شاء الله تستفاد كل المبتدئات من الموضوع

 

[المتفائلة_91]

لالا التليتلي مايتغسلش هو والرشتة نفس الطريقة
--
شكراا ريما ان شاء الله تستفاد كل المبتدئات من الموضوع

بارك الله فيـــك اختي

بوركتي​

 

[الاختان سوسو ونونا]

تعيشي اختي ندى حطينا وصفة التليتلي لمايتفورش نحن في الانتضار وجزاك الله خيرا

 

[فايزة1207]

كاين طريقة تفوار تليتلي ساهلة نحمصوه مع شوية زيت في مقلى مع التحريك المستمر باه يكونو الحبات كل كيف كيف ونضع قدر ماء يغلي ونلوح فيه التليتلي ونراقبو الحبة حتان نشوفوها زادت في الحجم مليح نقطروه جيدا ونحطوه في قصعة حتان يشيح ونضع له الملح والزيتونفوروه

 

[المتفائلة_91]

شكرا اختي فايزة

بصح في الخير نفوروه بالطريقة تاعك؟ يعني كون نفوروه من الاول انقص هرجة ؟

 

[فايزة1207]

قصدي يتفور مرة واحدة فقط

 

[المتفائلة_91]

قصدي يتفور مرة واحدة فقط

مرســـي عليك اختي حتى طريقتك مليحة


باذن الله نجربها ،،



شكرا​

 

[الكرامة]

السلام عليكم بنسبة لطعام الدي نشتريه جاهز من المصنع يفور 03 مرات أما المفتول في البيت 02 مرات فقط ولكن في كل مرة ندهن بشوية زيت حتي مايتعجنش كمية قليلة جدا بعد كل تفويرة أما التليتلي أنا حتي نربح وقت نغليه شوية في الماء تم نفور حتي ينضج لكن لزم التفوار باش يجي مليح ومفرق حبات حبات

 

[المتفائلة_91]

السلام عليكم بنسبة لطعام الدي نشتريه جاهز من المصنع يفور 03 مرات أما المفتول في البيت 02 مرات فقط ولكن في كل مرة ندهن بشوية زيت حتي مايتعجنش كمية قليلة جدا بعد كل تفويرة أما التليتلي أنا حتي نربح وقت نغليه شوية في الماء تم نفور حتي ينضج لكن لزم التفوار باش يجي مليح ومفرق حبات حبات

صح اختي بصح كان طريقة اخرى بدون ما يفوروه على التليل ، رانا في انتظار موضوع الاخت ندى


بارك الله فيك على المساعدة

 

[hayouta]

مشكورة

 

[حكيك]

مرقوع