مــــــاتقولوليش راهي تسهـــر

[07 _H@yThm]

سلاام واش راكم لباس صافا لعايله جيران لحباب قاع ان جينرال؟:shiny:​

بون لبارح كنت قاع ساهر جوايه 2 كي لعاده ولعوايد واذا بي اسمع صوت حنين جاي من لبرا ووووووووواه صوت شيره ن9زت نشوف

لقيت زوج بنات يمشو وحدهم حبس راسي قعدت سون راس كيلعاده قلت شاكانو يديرو هادو وين كانو اصلااااااااااااا:scared:

تفكرت ايام لخوالي لي كنت انا تاني نسهر برا الي ان جاء قرار الزور والبهتان منعند اليشـ:sadwalk: يخ وقالي ل10يتغلق لباب ماتجيش تبات برااا

ايووووووووووووووووووووه لضرك مزال مدخلناش في صلب لموضوع وانا قاعد سون راس ونسنى فيه يرجع شفت بنات لللمه الله الله قاع مكونيكتين​

زيد فلفايس دنيا معمره بنات سكايب منحكيش مسنجر ارققد وتغطى

الـــــــــــــــــــــــوغ حبيت نفهم يالبنات طبعا لمعنيات بسهرماشي دجاج التريسيتي لي يرقد ع 11ههههههههه

واش تقعدي ديري فسهـــــــــــــــره حتا2او3

واش رايك فلبنات لي مايخلوهمش ولديهم يسهرو اسكوكاين فرق بين اليل والنهار؟

واش الفرق بين سهرة ذكورو سهرة لبنات؟

يالله اهجمو ع الموضوع ومتقلوليش راهي تسهر راني .......... ونجي نـــ...........:re_gards:​

 

[adel-mz]

انا نعرف السهرة غير في لعراس ههههههههه
مي السهرة في الانترنات ولا التلفون في حاجة نتاع والو c grave خويا هيثم

 

[لاجودان شاف]

هههههه والله ما تحشم

زوج شيرات وماتبيبيش يا صاحبي

ايييه قالك المومن يبدا بروحوهههههههههههههههه

شكرا​

 

[meriem150491]

سلام

السهرة لبرا هدوك انا منحكيوش عليهم هدوك بدون تعليق , مي الطفلة كي تسهر في الدار تتفرج ولا تخدم بالميكرو حاجة عادية وبالنسبة ليا مكانش فرق بين الصباح والليل
​

 

[♥ HOUda23 ♥]

نقلك بالاك انا لي شفتني لتم البرا ههههه نتمصخر برك
والله عادي خلاه السهرات مافيها والو كي تعود الطفلة تعرف تصرف
الحق تاع ربي انا نجبد غير المواضيع لي صباح مانلحقش نشوفها​

 

[ماكانش]

ياراجل الوقت هذاك تحلالهم القصرة ههه

 

[AHLEM1992]

الور الي ماتسهرش في النت اسمها جاج التريسيتي يرقد بكري
انا راني منهم مالا مالغري ما نرقدش على11 و ماشي على3
ـــــ
مضيعة للوقت على القراية صح نسهر في النت حتى 3 مي الجماعة مع الي فارغين شغل لالا
،،،
يعطيك الصحة خويا و هداك هو التحضر في منظورهم​

 

[hasna.m]

السهر للبنات ماشى مليح

سوا على النت ولا برا

اذا كان نهار نهار نظن ما فيها والو
مى ديما :no_no:

للى موالف يسهر ...°°السهر يهدم البدن °°
​

 

[خولة 01]

هههههههههه الله يا ربي التمنشير في البنات حتى في السهر :cra_zy::cra_zy: هههه نزعق برك اه
..........................
المهم انا على روحي خويا كنت نبقى عي الميكرو حتى 2 مي في التالي جبتها في روحي وليت نعيا بزاف ايا روح قال الوالد ربي يخليه من 11 ماتفوتيهش و الحمد لله والله نهنيت و راني مرتاحة و نكملها في التليفيزيون كاش افلام action وووووووو

انا بصراحة ضد السهر ككل سوا للبنات او الاولاد باسكو فيه الضرر للبدن برك ووووو كاين تاني سوالح ربي يستر منهم برك كاين اللي يسهرو يقصرو في التليفون و الهدرة الزايدة اللي ماتجيب ماتدي

وي خو بارك الله فيك على الموضوع الشباب كيفك هههه

 

[@احساس طفلة@]

أنا منحبش السهر في الليل سير نت الا مرة مرة
حتى في الدار ميحبوش السهر
​

 

[iméne09]

دخلت نجري عندبالي رايح تغنيلي هدي شونصون نمووت عليها
بون سهرات ماشي مليح بزاف واحد مرة على مرة يسهر ماشي كل يوم رايح يعيا مورالمون وفيزيكمون ـــوغ موا انا مانسهرش بزاف ديفوا في النت وديفوا مع تيليفون مي مانكترش ومكانش ديفيرونس بين سهرة لولاد وسهرة لبنات ليسونسيال كل وحدة تحكم قدرها وماتحرز روحها ماشي تسهر مع تخلاط لي يجيب صداع لراسوخلي سهرات في زنق هديك وحدها قاتلهم ارقدو gــراvــ
يعطيك صحيحتك خو ع سـuــجي هايل
​

 

[hiba14]

السلام عليكم
المهم السهرة تاع برا و بلا لا فامي حد ما قالها لحد ما نهدرش عليها
بصح في الدار عادي جدا
و كي الليل كي النهار باسكو الشيطان ما يبدلش الليل بالنهار عندو دايمن بارمانونس
انت كيفاش داير
اه نسهر منين داك و ماشي في الفايسبوك ونلحق حتى للواحدة
صحييييييت

 

[فاطمة*****]

انا في رايي السهرة على النت حتى 3 نحكموا عليها على حساب الشخص والمونتاليتي ديالو
كيما انا نgعد حتى لل2 مي ماشي مع اللي فارغين شغل
وgالها فيصل تاني ’’’’’راها تسهر علابالي’’’
وهذا الموضوع كيما قلت مقبل يحكم عليه السهران وهو راه عارف روحو ايدا راه مضيع وقتو ولا لا
الموضوع منيح كتيرههههه اثروا علي المسلسلات التركية اللي راني نتفرجهم فالسهرة ههه
سلام​

 

[*RAHMA]

معليش انا جاجة تع التريسيتي نرقد على 12 و نص واش من فايدة كنسهر حتى 3 تع الصبح ؟؟؟
مرسي على الموضوع خويا

 

[kiosedire]

أنا نحكي على روحي عمري دخلت فراشي قبل 00:00 و نوض بكري على 06:00 ونخدم عادي
السهرة ما تضرنيش و ما نديرش لا سياست.​

 

[سارة 196]

انا عندي ميكرو فرعي كي يطفو المودام يسموني نرقد دايما يطفا 11 يعني كيما قلت جاج تاع تريسيتي
ياخويا انا صحتي نستحقها كيما تحب سمينا تاع تريسيتي ولا les piles
هههههههههههههه

 

[♥SaMoù Là MoDèsTe♥]

آلـْحكومـــة مــآ تخلـيـلـيش آلـْميكرو
شـآعل ح’ـتى لهـآذآك الوقتـ ( 2 ولآ 3 )
مـي إذآ نسـآوهـْ نبقى فيهـ و مـآ نحسش بالوقتـ كيفآه يفوتـ

ســuــغتو في آللمـــة
​

 

[Estrella]

خاطينــــــا سهـــرا تــ الحمدللـــه
هههههههــ
10.30 الذبــانة متسمعهــاش هههههههــ
الولد عادي يسهر باسكو يبقى ولد اما البنت الافضل ليها
تروح ترقد على روحها باه تنوض طيب الكسرة نتاع الدار
صحـــــيت خيــــــو...​

 

[نجاة40]

انا كان 21 يدق الجرس نتاعي ونرقد واقفة ولا قاعدة
وذرك عندي مدة نسهر حتى يجي بابا يقولي قولي لخوك يرقد وهو يمعني عليا ختراه غير انا لي مازلت سهرانة كامل راقدين
نسهر بالتيليفيزيون والميكرو في 2 نحكي مع صحاباتي ولا نسمع الغنا اختي تحير فيا تقولي الغنا على 00 تاع الليل والله حرت في مخك كيفاه يخدم ويعجبك نوض نورمال الصباح بكري انا ونحير في روحي
تغير نتاع 180°​

 

[السلطانة]

وعليكم السلام
بون خويا
انا نسهر حتى لل02 تاع الصباح في اللمة
نخدم خدمتي وندورها كاملة حتى يقرب اذان الفجر
ديفوا نصلي وديفا يحكمني النعاس

ورني لاقية روحي الاز
ننوض الصباح جوايه ال09 ال08 نخدم خدمتي في الكوزينة
وعلى ال02 نgيل
وفوت نهاري كي يوصل لعشا راني نطيبو ونصلي ونجي هنا للمة وهكا
+ راني نقول للجماعة لي يقولو
بنات الفميلة ميسهروش
نقوللهم راني نسهر في اللمة خيرمانسهر
نحكي في التيليفون كيما راهم دايرين
شي بنات
تقولك منكوناكتيش بصح تلقاها توتوت في التيليفون وللافاتحة الكام في بلاصة خلاف
هيا سلامو
صحيت على الموضوع


​