قالو جدي : غدوة نروح نخطبلك ههههه

[M!ss_f@ti]

السلام عليكم

واش راكم ياناس ياعالم ياجيران ياأحباب ؟؟ ان شاء الله تكونو كامل ملاح

المهم , الموضوع تاع اليوم يحكي على خويا مسكين هههه جدي حاب يزوجو .. عليها جيت نماركي لي تدخل في الكاستينغ ههههههه

خويا الانوش , هاذ العام لي جاب لاليسونس وراح حاب يكمل حتى للدكتوراه ويروح للخارج و ..و.. و.. وين وين حبس !؟

وطبعا عندي خويا اكثر منو خاطب مي مزال مادخلش ,, يستنى في خطيبتو تكمل لقراية ..

المهم جدي ربي يحفظو قال لخويا الصغير غدوة نروح نخطبلك وحد الطفلة ونزوجك انا وقبل خوك هذا :scared: خويا مسكين فشلو ركايبو ... باين راه حاط في راسو سعاد وحنان .. آه واقيل جميلة ..

المهم هو راهـ رافض الفكرة من جذورها ,,,, المفيد من الموضوع هو كيفاش يسبق الصغير و الكبير يبقى يستنى في نهارو وكتاش تشرق شمسو ؟؟

ثاني كاين بزاف عايلات كي يقصدوهم الناس يقولو مانمدوش الصغيرة قبل لكبيرة :sadwalk: ومن بعد يبقاو في زوج ...

أيا راني كثرت الهدرة المفيد هو ردكم ومشاركتكم في الموضوع

تحياتي ليكم
​

 

[Estrella]

مبـــروك على خــوك ...
هي مكان لا نزوج لكبيرة قبل صغيرة لا والو كلشي بلمكتوب ...
رايحيين نوقفو في طريق الصغيرة باسكو ختها مزال مجاهاش مكتوبها
ولوكان ختها متتزوجش تسما ختها تاني تقعد بلا زواج
هادي فكرة خاطئة تماما ...لازم منكونوش انانيين
انا بالنسبة ليا لوكان جات عندي ختي صغيرة وجا مكتوبها وانا مزال عادي
منوقفلهاش في طريقها بالعكس ..وفالاخير كلشي راجع للمكـتـــو,ب
صحيـــــتي ختـــــي ​

 

[بنـ MaPa ـت]

وعليكم السلاام

اهلا ختيتو

عندي وحدة مرت عمي عندها 4 دكورة الله يبارك واحد حرق لفرنسا وتزوج لهيك ههه و3 راهم يسناو في مكتوبهم والزوج الكبار حبو يتزوجو ولقاو بنت الحلال بصح يماهم ماقبلتلهمش قالتهم حتى نزوج اختكم الصغيرة قبلكم صدقيني 3 سنين وهوما يسناو في الزواج وختهم دوك عندها 23 سنة احسبي كي كان عندها 19 سنة حبت تزوجها بسيف ودوك الحمد لله جاها مكتوبها وعرسها بعد رمضان نشالله (راني دبرت فيها عرس خخخ) ومانعرف كاشما تزيد تخرط عليهم منا وجاي اسناو حتى تولد هههههه
كاين كيما قلتي لي يحبو يزوجو اصغار قبل الكبار وكاين العكس الكبار قبل...مي انا نعرف الطفلة ولا الطفل ايدا جاه مكتوبو خليه يتزوج ماجاتش في لي قبل ولا بعد ولا راني غالطة؟؟

ايا صحيتي على الموضوع الجميل
وخوك ربي يجيبلو بنت الحلال ماتنساينيش برك في العرس ههه

سلامو
​

 

[المتفائلة_91]

سجلي باعد الاسم المتفائلة العنوان هنا القامة 2 متر والوزن 30 كغ ، هههه متاكدة انني سأـحوز على المرتبة الاولى


ربي يهدي الكبار اللي في عقولهم كان الزواج ، حتى النساوين ، كي تبدي تهدري على مستقبلك وقرايتك ، يقولولك ماتحلميش بعيد لا ليسونس تكفي ، حابة تبوري ،،المورال يهبطوه تحت الصفر


بخصوص كبير قبل صغير ،،، تبانلي ماكانش قاعدة ، المهم كل واحد ومكتوبه ،
نعرف ياسر ناس يعرسو للصغير قبل ، ولا يمدو بنتهم الصغرى قبل الكبرى ،،
كل واحد و ظروفة ،
مثلا اذا كان الكبير مازال مش واجد ، والا مش حاب يتزوج
او كانت الكبيرة مش زينة ياسر (ولو انه الزواج مكتوب لا دخل بالجمال له) ،،

الحل وش نديروا

كل واحد لازم يدي حقه ،،

للاشارة فقط انا الكبيرة في الدار علاش تقولو راني صغيرة وحابة نزوج قبل اختي الكبيرة هههههه


شكرا ليك اختي على الموضوع​

 

[لاجودان شاف]

هههه مليح

ماتسلفولناش جدكم هذا شوي​

 

[adel-mz]

لوكان الكبير ماشي خاطب نورمال ،مي كي عاد الكبير خاطب هنا الاولية ليه بالمفروض جدك يقول يالله يفلان نعاونوك ودخل عروستك ونبعد جي الدالة نتاع الصغير.

 

[ملاك الصمت]

لي جا مكتوبو يسهل مافيها كبير ولا صغير
سجلي عندك حنونة بنت خالي 13 سنة شابة ومسرارة هه وحابة تتزوج وزيدي بنت صاحبة ماما عمرها 20 سنة الزي ولاتاي ولقراية
رانا نستناو في القاطو هههه
ايه نسيت نقول مبروك على خاوتك وان شاء الله مايكون غير الخير

 

[ماكانش]

أهلا بيك ندى
ربي يحفظك على الموضوع الباهي
هذي كاينة العادة هذي
بصح ذرك تقريب نقصت
كان جارنا شايب كبير وولادو صغار
كي سقساوه قاللهم حنا كنا في بزاف خاوة وبابا كان يزوجنا من لكبير للصغير
قالهم كي وصلتني الدالة وصلتني كبير ههههه
اللقطة هذي بلاك تجي شوي مليحة بالنسبة للبنات ​

 

[07 _H@yThm]

جدك هاد مايدورش يازح جدي انا قالي نتا خارف
منزوجوكش
ههههههههههههههه
​

 

[imaneBBA]

والله اللي جاه المكتوب ما يستناه

مرسي
​

 

[mira.21]

الزواج بالمكتوب مفيها ني كبير ني صغير
لي يجيه مكتويو يسهل
وكلشي مبروك على خوتك وربي يكمل
مي متنسايناش فالقاطو ههه
مرسي على الموضوع ​

 

[M!ss_f@ti]

مبـــروك على خــوك ...
هي مكان لا نزوج لكبيرة قبل صغيرة لا والو كلشي بلمكتوب ...
رايحيين نوقفو في طريق الصغيرة باسكو ختها مزال مجاهاش مكتوبها
ولوكان ختها متتزوجش تسما ختها تاني تقعد بلا زواج
هادي فكرة خاطئة تماما ...لازم منكونوش انانيين
انا بالنسبة ليا لوكان جات عندي ختي صغيرة وجا مكتوبها وانا مزال عادي
منوقفلهاش في طريقها بالعكس ..وفالاخير كلشي راجع للمكـتـــو,ب
صحيـــــتي ختـــــي ​

عندك الحق أختي ,,, والله مزال لي يفكرو بهاذ الطريقة وبيها يخليو بناتهم كامل معنسات

ربي يهدي الخلق ويجيب المكتوب لمليح هههه

ميرسي عليك

 

[M!ss_f@ti]

وعليكم السلاام

اهلا ختيتو

عندي وحدة مرت عمي عندها 4 دكورة الله يبارك واحد حرق لفرنسا وتزوج لهيك ههه و3 راهم يسناو في مكتوبهم والزوج الكبار حبو يتزوجو ولقاو بنت الحلال بصح يماهم ماقبلتلهمش قالتهم حتى نزوج اختكم الصغيرة قبلكم صدقيني 3 سنين وهوما يسناو في الزواج وختهم دوك عندها 23 سنة احسبي كي كان عندها 19 سنة حبت تزوجها بسيف ودوك الحمد لله جاها مكتوبها وعرسها بعد رمضان نشالله (راني دبرت فيها عرس خخخ) ومانعرف كاشما تزيد تخرط عليهم منا وجاي اسناو حتى تولد هههههه

ههههههه عجبتني هاذي
كاين كيما قلتي لي يحبو يزوجو اصغار قبل الكبار وكاين العكس الكبار قبل...مي انا نعرف الطفلة ولا الطفل ايدا جاه مكتوبو خليه يتزوج ماجاتش في لي قبل ولا بعد ولا راني غالطة؟؟
حاشا تكوني غالطة ..
ايا صحيتي على الموضوع الجميل
وخوك ربي يجيبلو بنت الحلال ماتنساينيش برك في العرس ههه

سلامو
​

شفتي كيفاش مزالو غاشي شوية ,,,, كيفاش خاوتها ماقتلوهاش !!؟؟؟؟ هههههه

ربي يسرلهم ,, وانت ماكيش حابة تماركي ؟؟ ههههه

شكرا ليك حنونة

 

[M!ss_f@ti]

سجلي باعد الاسم المتفائلة العنوان هنا القامة 2 متر والوزن 30 كغ ، هههه متاكدة انني سأـحوز على المرتبة الاولى


ربي يهدي الكبار اللي في عقولهم كان الزواج ، حتى النساوين ، كي تبدي تهدري على مستقبلك وقرايتك ، يقولولك ماتحلميش بعيد لا ليسونس تكفي ، حابة تبوري ،،المورال يهبطوه تحت الصفر


بخصوص كبير قبل صغير ،،، تبانلي ماكانش قاعدة ، المهم كل واحد ومكتوبه ،
نعرف ياسر ناس يعرسو للصغير قبل ، ولا يمدو بنتهم الصغرى قبل الكبرى ،،
كل واحد و ظروفة ،
مثلا اذا كان الكبير مازال مش واجد ، والا مش حاب يتزوج
او كانت الكبيرة مش زينة ياسر (ولو انه الزواج مكتوب لا دخل بالجمال له) ،،

الحل وش نديروا

كل واحد لازم يدي حقه ،،

للاشارة فقط انا الكبيرة في الدار علاش تقولو راني صغيرة وحابة نزوج قبل اختي الكبيرة هههههه


شكرا ليك اختي على الموضوع​

القامة 2 متر والوزن 30 كلغ :scared:!!!! كيفـــــاش راكي دايرة ؟؟ هههههه
على كل كلشي بالمكتوب ,,, ماتحصي ..

عندك الحق في واش قلتي ,,, الغاشي لكبير يعرف غير الزواج والدار والمسؤولية :sad:

ربي يجيب الخير ان شاء الله

شكرا ليك

 

[M!ss_f@ti]

هههه مليح

ماتسلفولناش جدكم هذا شوي​

صح نسلفولكم بالصح لازم تمضي تعهد بلي ماعندكش خوك صغير خاطر الاولوية ليه هههه

شكرا لك على المرور

 

[nawal 88]

هههه مليح​

ماتسلفولناش جدكم هذا شوي​

هههههههههههههه ​

 

[nawal 88]

نورمال مادام خوك لكبير راهو يستنى في خطيبتو تكمل لقراية​

 

[M!ss_f@ti]

لوكان الكبير ماشي خاطب نورمال ،مي كي عاد الكبير خاطب هنا الاولية ليه بالمفروض جدك يقول يالله يفلان نعاونوك ودخل عروستك ونبعد جي الدالة نتاع الصغير.

أفهمها أنت !!

والله غير تحير ,,, نورمالمو يسبق فيا هههههه

ميرسي عليك ,,,

 

[M!ss_f@ti]

لي جا مكتوبو يسهل مافيها كبير ولا صغير
سجلي عندك حنونة بنت خالي 13 سنة شابة ومسرارة هه وحابة تتزوج وزيدي بنت صاحبة ماما عمرها 20 سنة الزي ولاتاي ولقراية
رانا نستناو في القاطو هههه
ايه نسيت نقول مبروك على خاوتك وان شاء الله مايكون غير الخير

امممممممم 13 سنة صغيرة و 20 سنة كبيرة ههههه

الله يبارك فيك ولعقوبة ليك التخرج والدكتوراه ماشي الزواج ههههه

ميرسي عليك حنونة

 

[crazykhadija]

هه علبالك انا تاني عندي نفس بروبلام ههههه
مي احنا عدنا عقلية كبير ومن بعد صغير مفهمتش ههه
واقيلا عقيلية بريمي ههههههه
مرسي