واحد لالجيروا يسقسي القرضاوي

[youcef 1]

بسم الله نبدا السيجي الجديد بنكتة مانيش عارف لصح ولا لالا

قالك واحد الجزايري (ألجيروا)

اتصل ببرنامج الشريعة والحياة أنتاع الشيخ القرضاوي

وتكلم مع الصحافي مستقبل المكالمات وقالو:

شريكي ياك راكم أنتيك راني حاب نسقسي عمو قرداوي

على واحد العفسة راهي غابت لي في الدين

قالوا لي هو يسمر شوي فيها

القرضاوي مافهم فيها والو

...................................

مايهمناش واش صرا من بعد

السيجي اليوم على هذ الكلمات الجديدة اللي تدخل القاموس

كل يوم جديد منين ذاك : شريكي عمو العفسة أنتيك

واش هادي اللغة ياناس ؟

 

[ماكانش]

ولوكان هدرلو بالمصرية راهم ماحاروش ...

 

[adel-mz]

يوسف اخي لو كان تكون صح القرضاوي متزوج بجزائرية ،جابلي ربي يفهم لهجتنا مليح مليح.
مارسي عليك .

 

[♥SaMoù Là MoDèsTe♥]

و على مـآ أظن قـآلولو:
يـآ أخي بأي لغة تتكلمـ

هذآ مسكين حسب روحو
رآه في فتآوى على الهوآ اللي يديروهــآ في a3
​

 

[kadysom]

سقساو واحد ألجيروا واش تحفظ قرآن
قالهم لي 2 قل أعودو + طلع البدرو

يحسايب طلع البدر علينا هديك الأنشود أية
هههههههه

 

[═♥.ЈŪšť_ màn.♥═]

بسم الله نبدا السيجي الجديد بنكتة مانيش عارف لصح ولا لالا

قالك واحد الجزايري (ألجيروا)

اتصل ببرنامج الشريعة والحياة أنتاع الشيخ القرضاوي

وتكلم مع الصحافي مستقبل المكالمات وقالو:

شريكي ياك راكم أنتيك راني حاب نسقسي عمو قرداوي

على واحد العفسة راهي غابت لي في الدين

قالوا لي هو يسمر شوي فيها

القرضاوي مافهم فيها والو

...................................

مايهمناش واش صرا من بعد

السيجي اليوم على هذ الكلمات الجديدة اللي تدخل القاموس

كل يوم جديد منين ذاك : شريكي عمو العفسة أنتيك

واش هادي اللغة ياناس ؟

هههههههه
هكدا ....... خو و ااااش جاتكـــ حاجة جديدة
جامي لا رحت لدزاير لقديمة
ولاد لعقيبة

كاااااىين بزاااااااااف
مي عمو القرداوي
حاجة عفسة
​

 

[the summer]

اولا عيب نستهزؤو بالدين وحرام مما كان
ونظن رساتك واضحة ويا بارك الله فيك صح احنا شعبنا بدى مايحتارم لا لكبير ولا يقادر الصغير ونضن عبد كيما هدا كون جيت القرضاوي رغم انو صح متزوج جزائرية بصح احتراما للرساة الي راه يؤديها واله مان نرد عليه
حنا شعبنا مش جاهل بصح يتمهبل وش هاي عفسة راه في مارشي انتاع كسوة وماعرفش يسميها
عيب وعيب كبير مهما كانت الفاظنا حنا لاجوناز لازم ع اهل العلم والدين نحتارموهم وها احترام لنفوسنا

سمحلي خويا طولت عليك بصح الموضوع لفت انتباهي
بارك الله فيك

 

[07 _H@yThm]

ياخو لهجتنا شباب
عجبك ل9 تاع لمـ

​

 

[ملاك الصمت]

هههه كي نكون نتفرج ويوصل اتصال جزايري باي قناة -زعما يشاركو- سيرتو في البرامج الاخبارية والدينية نقوللكم واش ندير ...نخبي راسي تحت لوسادة ونقفل وذنيا ونموت بالحشمة ونقول ربي يستر برك ويكون هاذ لعبد يفهم شوي...باسكو ما نقدروش نديرو جملة مفيدة على بعضاها ونقعدو غير نخلطو ونرونوها...مي بالنسبة ليا وفي بيناتنا يضحكوني هاذ الالفاظ لي قلتهم ياي فيف ولاد وبنات بلادي وين يكونوا

 

[youcef 1]

مغسي عليكم كل

كاين صح واحد الملاحظة

العلماء انتاع مصر تقريب كامل يحكيو بالمصرية

سيرتو هذاك عمرو خالد

حتى واحد ما تقلق منهم

مي أنتيك توجور



هذا الرد اعجبني بزاف بزاف

علاش تخافي وتحشمي

كيما احنا نعرفوا المصرية والسورية واللبنانية

لازم يتعلموا الدزيرية

هههه كي نكون نتفرج ويوصل اتصال جزايري باي قناة -زعما يشاركو- سيرتو في البرامج الاخبارية والدينية نقوللكم واش ندير ...نخبي راسي تحت لوسادة ونقفل وذنيا ونموت بالحشمة ونقول ربي يستر برك ويكون هاذ لعبد يفهم شوي...باسكو ما نقدروش نديرو جملة مفيدة على بعضاها ونقعدو غير نخلطو ونرونوها...مي بالنسبة ليا وفي بيناتنا يضحكوني هاذ الالفاظ لي قلتهم ياي فيف ولاد وبنات بلادي وين يكونوا

 

[دنيا البسمة]

صباح الخير عليكم وين ما كنتو
والله يا خويا هاذي هي العقلية DZ
وين ما يروحو يتمهبلو هي صح هدرتنا شابة و سبيسيال
مي في حوايج نتاع دين ونتاع عفسة كيما هاك ما لازمش التمسخير
كيما اللي يعيطو لفتاوى على الهوى وتقولو واش راكم ça vaaa وتزيد تلحنلو الهدرة ملييييييييييح
مرسي خويا على الموضوع يعطيك الصحة

 

[عاصفة الورود]

السلام عليكم
انا تعجبني اللهجة تاعنا بزاف سيرتو ليزالجيروا
انتيك كي لاستيك
بصح كاين ناس لازملهم شويا احترام هذا الدكتور القرضاوي وما ادراك
ماشي عمو قرداوي هههه
شكرا ليك خويا على الموضوع​

 

[AHLEM1992]

ياك هدر بلهجتو العاصمية
و ليزالجيروا كامل يحكو هكداك
هما كي يجاوبو بالمصرية و مانعرف واش ماعليش و حنا شعبنا قالك نحشمو كي يتصل واحد جزايري
يياخي حالة ياخي علابيها في المنتديات يلقاو سوري يهدرو معاه بالسورية
يلقاو خليجي يهدرو معاه بالخليجية
حتى المواضيع لهنا ولاو يديروها باللهجة المصرية و تقولك انا نهدر هكدا ماعجبكش الحال ما ترديش على موضوعي
بارك الله فيك اخي على الموضوع الحساس
مالغري انا بالنسبة ليا حاجة عادية
( مانفهمش لهجتهم و ما نهدرهاش و العربية لوكان نهدر بيها يروحولي قاع الكلمات لوكان جيت في بلاصتو حتى انا نحكي بلهجتنا عادي )

يعطيك الصحة
​

 

[تاج الجزائر]

اول حاجة مارانيش نضحك على ق....................لالا راني نضحك على عقلية dz


قسم بالله نموت على بلادي ولهجة بلادي والله ما نلقوا كيفنا في العقلية :shay:

ما تقولي لاسوري ولا خليجي ولا مصري نعيش ونموت جزائرية بهادي العقيلة :shay:


ومكان لاه تحشمو مين يجي اتصال وتسمعوه كيما هوما يهدرو هدرتهم تجيهم نورمال

حتى حنا ما عليش هيا صحيح يجيبوها مخلطينلها جدها
بصح و الله حلوة ​

 

[M!ss_f@ti]

عمو القرداوي !!!!!!

هذا يتمسخر ويستخف بعلماء ومشايخ كبار عليهـ ,,,,, ربي يهديهـ

بالنسبة للهجة احنا رانا نخلطو شوية عربية شوية فرنسية وراك عارف " خلطها تصفى"

أنتيكـ : نشفى أستاذ الادب في السيام قالنا بلي كي تهبط السلعة في المطار المعلم يسقسيهم .. أنتيك ؟؟؟ يعني ياخي ماتقاستش السلعة ؟؟؟ ههههه هاذي هي لحكاية ..

عفسة : جاية من عفسـuـس وهاذي جاية من أستـuـس هههههه

شريكي : من مصدر شركة وهي أنو أنا وأنت نشتاركو في الانسانية ههههه

هاذي هي لغتنا ....... السلام عليكم

 

[عبد الوهااب]

قلت واحد الجيروا ؟
شوف هاذ الهدرة حتي في سطيف ماكانش عندنا وما نفهموهاش كيفاش في مصر يفهموها ؟
مشكل كبير في الهدرة انتاعنا ما بانت عربية ولا قبالية ولا قاورية.
جزايري في مصر دخل لواحد ابيع لبياس تع طوموبيلات
السلام عليكم رد المصري وعليكم السلام .
اعطيني باطة مستيك اسي وآل قوش تاع اقونة وبوشات دو جوان واكيلاس .....
المصري حااااال فمو وبقي باهت واش من دولة هاذو..

بارك الله فيك

 

[تاج الجزائر]

هادا انا جزائرية وما فهمتهاش باغي مصري يفهمها

لو كان قاله حنا من كوكب عاد راهم يكتاشفو فيه ​

 

[hasna.m]

ما نكذبشــ عليكم

تمنيت نشوف جزائري يتكلم مليح بلا مايغلط ولا يقول كلام تافه وما يعاودوش

مع احتراماتنا​

 

[nina bonoise]

جاتك جديدة الهدرة هذيك
ياك ديما نقولوا
بالك القرضاوي ميفهمش
و خاطيني الفتاوي

 

[hannsg]

عادي هذه لهجتنا و نفتخروا بيها
كل لهجة عندها كلمات خاصة بيها
علاش شوفت مرة روسي ولا شينوي يضحك على هدرته؟!
لكن نظن لو واحد حب يتصل ببرنامج ديني يتكلم بالفصحى احسن باش يقدر يوصللهم واش حاب يستفسر و ايضا من باب انه يتكلم في الدين فيتكلم بالفصحى افصح و اسلم