خالي وما راه داير فالبقر....

[دنيا البسمة]

:shiny:ايوااااااااااااااااااااااااااااااااااااااه:shiny:
من جديد رجعت باش نقولكم صباح الخير عليكم

اليوم جيت بموضوع يبان شوية بايخ
مي لوكان نعرفو معناه ما نقولوش بايخ
نبداكم بالحكاية ومبعد نوصلو للمغزى

ايا قالك انا عندي خالي وخوالي بصفة عامة وليست خاصة عندهم عقلية شوية خشينة
لدرجة انو واحد فيهم البقر وما طلقوش
*
هاذا خالي يسكن وحدو عندو وحد الشوية نتاع بقرات راكم عارفين راه فيه دراهم كبار
المهم انا ما شفتوش حكاولي عليه برك
قالك يدي هاذا البقر للحشيش يربطو من رجليه بوحد الحبيلة فيها نص ميترا
مسكين معندوش meme pas كيفاش يتحرك
ومنين يرجع العشية يروح لوحد البقرة كحلة يقولهم هاذي هي القبيحة فيهم مي انا نخلصهم كامل
يحكم وحد العصا فيها محنة ويبدا اضرب اضرب اضرب
انتي وعلاه تحقري خواتتك
انتي وعلاه تهربي
انتي وعلاه
انتي وعلاه
لدرجة مرة ضرب بقرا للراس طاحت مغاشية ذ
وهاذي بشهادة ناس شافوه
تقولشي هاذ البقر راه يعرف واش راه يدير
هو يقولك نورمال حيوانات ما يفهموش مي ماشكيتش انا اللي ما يفهموش
لاخاطر راح عندهم خويا ..مساكن هاذوك البقر حنو ليه ومنين يشوفو خالي يهربو
في بالي يحسو بيه
وعلى حساب واش نظن يتحاسب عليها
ولا غالطة
*
المهم انا لواش حبيت نوصل
ماشي باش نحكيلكم على البقر وماشي باش نمنشر في خالي
مي باش تكون عندنا الرافة بالحيوانات
وباش نتهلاو فالحيوانات
لاخاطر راهم رزق لينا
رانا نستفادو منهم مهما يكون وماشي من حقنا نعذبوهم
حتى هوما راهم من مخلوقات ربي سبحانو.
*
نظن فهمتو واش حابة نقول
وما تقولوش موضوع نتاع تبهليل
:shay:
مرسي عليكم
:re_gards:يعطيكم الصحيتو:re_gards:
سلاموووووووووووووووووووو
​

 

[adel-mz]

ياوخيتي اذا مع الحيوان (حشاكم) معندوش رافة ، مع الانسان كيفاه راهو داير
كامل نعرفو القصة نتاع المراة والقطة .
ايمالا خالك هادا لا زملو التوعية والنصح والارشاد.
الله يهديه هادا مانقولو.

 

[دنيا البسمة]

ياوخيتي اذا مع الحيوان (حشاكم) معندوش رافة ، مع الانسان كيفاه راهو داير
كامل نعرفو القصة نتاع المراة والقطة .
ايمالا خالك هادا لا زملو التوعية والنصح والارشاد.
الله يهديه هادا مانقولو.

يا خويا المشكل ماراهش ثم مرات نقول ماكانش اللي حنين كيما هوما ومرات ماكانش اللي واعر وحقار كيما هوما
هاذو هوما
مرسي على الرد
ولوكان يعرف بللي كتبت عليه موضوع يقتلني
هههههههههههههههههههههههههه

 

[تاج الجزائر]

حاشة ختي موضوعك عجبني لان مضمونه مهم ولازم نتناقشو فيه كامل

وما عاش لي يقول عليه نتاع تبهليل

بالنسبة لتصرفات خالك هادا باين بلي من كثر ما عاش مع البقر ولا ما عندهش عقل لا وتفكير نتاع

ناس واعية ونتمنى ما يروحش فكرك لبعيد والله ما قصدي الاساءة لخالك فهميها بحسن نية

لي راه دايره في الحيوانات يتحاسب عليه يوم الحساب

يا ريت تهدرو معاه وتوعوه

انا ما نحملش نشوف اي حيوان يعاني من ظلم واساءة البشر


شكرا على الموضوع وان شاء الله يلقى اقبال من اهل اللمة

بارك الله فيك على طيبة قلبك :shay:
​

 

[دنيا البسمة]

حاشة ختي موضوعك عجبني لان مضمونه مهم ولازم نتناقشو فيه كامل​

وما عاش لي يقول عليه نتاع تبهليل ​

بالنسبة لتصرفات خالك هادا باين بلي من كثر ما عاش مع البقر ولا ما عندهش عقل لا وتفكير نتاع ​

ناس واعية ونتمنى ما يروحش فكرك لبعيد والله ما قصدي الاساءة لخالك فهميها بحسن نية ​

لي راه دايره في الحيوانات يتحاسب عليه يوم الحساب ​

يا ريت تهدرو معاه وتوعوه​

انا ما نحملش نشوف اي حيوان يعاني من ظلم واساءة البشر ​

شكرا على الموضوع وان شاء الله يلقى اقبال من اهل اللمة ​

بارك الله فيك على طيبة قلبك :shay:​

شكرا اختي
وصدقيني والله نتقبل كل الانتقادات بصدر رحب
شكرا على ردك
وربي يهدي
وما تقوليش خالي عاش معا البقر ياو عندهم بالاك عام برك مللي عندو
راكي تشوفي

 

[nina bonoise]

ياه وش بيه خالك ادا
نورمالوا يراف بيهم
راهم نعمة من عند ربي سبحانوا

 

[دنيا البسمة]

ياه وش بيه خالك ادا
نورمالوا يراف بيهم
راهم نعمة من عند ربي سبحانوا

اييييييييييييييييه راكي تشوفي
مي ما تخافوش معا الوقت يستعقل
ياك مسكين عندو السكر يجي يخرج فيهم الزعاف برك
:scared::scared::scared::scared::scared::scared::scared:​

 

[ماكانش]

يعطيك الصحة دنيا على الإفلتفاتة الطيبة
الرأفة بالحيوان فيها آجر كبير
انا لذرك مادخلتليش في راسي تربي كاناري ولا مقنين في اكاج ؟؟؟
ولا يمشي بالموطو والكلب تاعو يجري وراه زعما راهو يدريسي فيه ...

 

[tendresse]

الرفق بالحيوان

الحيوان خلق ** له عليك حق
سخره الله لكا ** وللعباد قبلكما
حمولة الأثقال ** ومرضع الأطفال
و مطعم الجماعة ** وخادم الزراعة
من حقه ان يرفقا ** به وألا يرهقا
ان كل دعه يسترح ** وداوه اذا جرح
ولا يجع في داركا ** أو يظم في جواركم
بهيمة مسكين ** يشكو فلا يبين
لسانه مقطوع ** وما له دموع !



شعر أمير الشعراء
/ أحمد شوقي
​

والحيوان مخلوق من مخلوقات الله له روح ونفس يسبح الله دوما ولا ينقطع و يجوع ويعطش ويتألم ويحرص على الحياة فهو بحاجة إلى الرفق وخاصة من الإنسان وقد رأينا رسول الله صلى الله عليه وسلم يقول (دخلت امرأة النار في هرة حبستها لا هي أطعمتها ولا هي تركتها تأكل من خشاش الأرض )

 

[DARINE05]

اخاه على خالك واش بيه ربي يهديه

 

[hasna.m]

الرأفة بالحيوان مفروضة علينا وعلينا بمعاملتهم كالانسان


مشكورة اختـــــــــــــــــــــــــى
​

 

[دنيا البسمة]

مرسي مرسي مرسي
شكرا لمروركم جميعا بلا ما ننسى حتى واحد
ربي يخليكم لينا

 

[النورس]

اهلا دنيا
تفكرتيني؟
:shiny:

متنسايش كاين لي دخل للنار بسبة قطة
وكاين لي دخل للجنة بسبة كلب

نظن تعرفو لحكاية

​

 

[دنيا البسمة]

اهلا دنيا

تفكرتيني؟
:shiny:​

متنسايش كاين لي دخل للنار بسبة قطة
وكاين لي دخل للجنة بسبة كلب​

نظن تعرفو لحكاية​

​

هههههههههههههههههههه
:shay::shay:
اكيد تفكرت
ورانا سمعنا بالحكاية هايك
ماعندنا ما نقولو
ربي يجازي كل واحد على حساب فعالو

ومرسي اللي جيت طليت علينا هنا​

 

[الورد الأحمر]

ايه حتى الحيوانات راهم مخلوقات الله
يعني يحسو ومام هوما ياك مخدومين
من شحم ولحم والحيوانات يفهمو شكون
قال ما يفهموش والله كيما توالفو يوالف
وأكيد لازم الرأفة يالحيوانات على خاطر
راهم نعمة سخرها ربي للإنسان يعني
خالك راه غالط أحنا رانا مربيين زوج
عصافير يعني اتخيلي العصفور قدماه
داير هكاك ودايرينلهم لعجب ديجا عندهم
بيت وحدهم يرقدو فيها ومن ورا التسعة
ماكانش لي يشعل عليهم الضو ويفطنهم
سي نو تنوض لالاغم تاع صوت بابا
ويبهدلنا وانتوما ما تحشموش وكيفاه
تشعلو عليهم الضو وهوما تاني كيفنا
يحسو وكيما ما تحبوش على رواحكم
يشعلو عليكم الضو وانتوما راقدين
ما تشعلوش عليهم الضو وهوما
راقدين وزيد الماكلة تاعهم ديفوا
تتقطع عندنا يشقى ليها لعنابة
والتيليفونات وكلشي غير باش
ما ياكلوش لاgـغان هذيك العادية
وكان مرضو ليه ليه عند الفيتيغيناغ
والدوا تاعهم ليه ليه يتشرا وكل حاجة
ناكلوها يقدرو ياكلوها هوما تاني كيما
الديساغ مثلا لازم نمدولهم قسمهم
يعني كلّي عبد نعاملو فيهم وحتى كي
يرقدو دايرينلهم الموستيكاغ باش ما
يقلقهم الموستيك راهم عايشين في
5 نجوم وان شاء الله ربي يجازينا
على قد ما وفّرنالهم من راحة وما تدريش
اختي قادرة برأفة منك لحيوان يجازيك
ربي لي ما تتصوريهش وبيه يشفعلك
ربي رؤوف رحيم مالا العبد لازم يكون كيفو
ألوغ نقولك ربي يهدي خالك راه ميل %
غالط ومغسي عالموضوع فيه توعية
مليحة وتستاهلي تقييم من عندي
وسلامو
​

 

[Houda Chaouienne DZ]

ايييييه مساكن
و الله يغيضوني الحيوانات كي يحقروهم العباد
بصح ضحكتيني كي قلتيلي يقولها و انتي وعلاه و نتي و نتي ..
هههههههه
بصح و الله يشفو الحيوانات مساكن
البارح طاحتلنا القطة من دوزيام ايتاج
و الله كي قالولي عليها دارنا غاضتني اخر
قريب بكيت عليها مسكينة
الإنسان لازم يرأف بالحيوانات لأنهم لا حول و لاقوة لهم
مارسي ختي ع الموضوع
و ماهوش تاع تبهليل
​

 

[النورس]

ايه حتى الحيوانات راهم مخلوقات الله
يعني يحسو ومام هوما ياك مخدومين
من شحم ولحم والحيوانات يفهمو شكون
قال ما يفهموش والله كيما توالفو يوالف
وأكيد لازم الرأفة يالحيوانات على خاطر
راهم نعمة سخرها ربي للإنسان يعني
خالك راه غالط أحنا رانا مربيين زوج
عصافير يعني اتخيلي العصفور قدماه
داير هكاك ودايرينلهم لعجب ديجا عندهم
بيت وحدهم يرقدو فيها ومن ورا التسعة
ماكانش لي يشعل عليهم الضو ويفطنهم
سي نو تنوض لالاغم تاع صوت بابا
ويبهدلنا وانتوما ما تحشموش وكيفاه
تشعلو عليهم الضو وهوما تاني كيفنا
يحسو وكيما ما تحبوش على رواحكم
يشعلو عليكم الضو وانتوما راقدين
ما تشعلوش عليهم الضو وهوما
راقدين وزيد الماكلة تاعهم ديفوا
تتقطع عندنا يشقى ليها لعنابة
والتيليفونات وكلشي غير باش
ما ياكلوش لاgـغان هذيك العادية
وكان مرضو ليه ليه عند الفيتيغيناغ
والدوا تاعهم ليه ليه يتشرا وكل حاجة
ناكلوها يقدرو ياكلوها هوما تاني كيما
الديساغ مثلا لازم نمدولهم قسمهم
يعني كلّي عبد نعاملو فيهم وحتى كي
يرقدو دايرينلهم الموستيكاغ باش ما
يقلقهم الموستيك راهم عايشين في
5 نجوم وان شاء الله ربي يجازينا
على قد ما وفّرنالهم من راحة وما تدريش
اختي قادرة برأفة منك لحيوان يجازيك
ربي لي ما تتصوريهش وبيه يشفعلك
ربي رؤوف رحيم مالا العبد لازم يكون كيفو
ألوغ نقولك ربي يهدي خالك راه ميل %
غالط ومغسي عالموضوع فيه توعية
مليحة وتستاهلي تقييم من عندي
وسلامو
​

ديروني عصفور عندكم ههه
لمعيشة راهي فايف ستار عندكم
​

 

[الورد الأحمر]

ديروني عصفور عندكم ههه
لمعيشة راهي فايف ستار عندكم
​

ههه مي انتا تخلص لكرا خخخخ
أهلا بيك النوغس
نورت اللمة
​

 

[بنـ MaPa ـت]

وعليكم السلاام

صحيتي على الموضوع المميز ختي

تحيآآ’’تي
​

 

[مابقاش بزاف.Dz]

ثانك يو على الموضوع لي عوده باذن الله