خوكم محمد جاي لعنابة .....

[Moha le sage]

السلام عليكم

غدا ان شاء الله ( الخميس 21 جويلية 2011 )


اني رايح ان شاء الله نبحر مع صحابي ...


ربما راح نبقى يومين و لا تلاثة في عنابة


و اللي حاب نتلاقاو مرحبا بيه


الرسالة خاصة لمراد ( مراد 23 ) و اسامة ( ميسي بومب )

..

و اذا ما تلاقيناش اني نبقى نمدور وحدي كي المهبول في الكارطيات هههههه


ان شاء الله كشما نتلاقا بخاوة اخرين


سلامو



​

 

[ياسمين عنابة]

عليكم السلام يا ابن الكرام
تشرف عنابة بزيارتك وانتم اهل المقام
وان شاء الله تحوس وتتبحر وتلقى جماعة عنابة
وترجعلنا موحا العاقل الزين مول الكاسكيطا

 

[adel-mz]

احنا ياخويا منا ش من عنابة مي نتمناولك تبحيرة هايلة ،وان شاء الله تلقى احسن ترحيب من خاوتك العنابيين ان شاء الله . غدوة الخميس 21 /07 وقيلا تخلطلك البرقرام ههههههههههههه
وادا كاش نهار حبيت جي ولايتنا اهلاوسهلا بيك . دير نفس الشىء وحنا نكونو في استقبالك ان شاء الله.

 

[Moha le sage]

عليكم السلام يا ابن الكرام
تشرف عنابة بزيارتك وانتم اهل المقام
وان شاء الله تحوس وتتبحر وتلقى جماعة عنابة
وترجعلنا موحا العاقل الزين مول الكاسكيطا

يعطيك الصحة ختي ياسمين ... ربي يبارك فيك

راه الموضوع في واش تهدر .. كون جا في فرغ قلبك كون شكيتلكم ... بلي انا موليتش انا ... بلي تبدلت و معدتش نعرف روحي ....

و الله التعب تاع الخدمة و كل يوم هارج مع حاجة ... و زيديها تعب مورال و قضايا داخلية .. ....

تلاقاو في محمد تعب فيزيك و تعب مورال .... على ذيك ماولاش عاقل ...

قلنا نبحرو شوي عله و عسى الواحد يديفولي شوي ...

قلت في طريقي ندير حاجة و حويجة .. نبحر و نتلاقا بلحباب ..

و اللي حاب نتلاقاو يتصل بالخط الداخلي للحصة :showoff: ههههه
​

 

[Moha le sage]

احنا ياخويا منا ش من عنابة مي نتمناولك تبحيرة هايلة ،وان شاء الله تلقى احسن ترحيب من خاوتك العنابيين ان شاء الله . غدوة الخميس 21 /07 وقيلا تخلطلك البرقرام ههههههههههههه
وادا كاش نهار حبيت جي ولايتنا اهلاوسهلا بيك . دير نفس الشىء وحنا نكونو في استقبالك ان شاء الله.

صحيت اعادل ..

ميرسي ليك .. و ان شاء الله تبحر نتا ثاني و تديفولي

لالا ما تخلطوليش الخيوط ... هذيك ايرور دو فراp و وليت ركتيفيتها ... خطأ مطبعي صححتو .. راني نكتب و نشاطر باسكو اني خارج ...



ربي يحفظك خوا على الدعوة ...واش هي ولايتكم ؟

​

 

[nina bonoise]

نتمنالك تبحيرة ملكبار مع اسامة
غير عيطلوا يديك لليروشي
​

 

[Moha le sage]

نتمنالك تبحيرة ملكبار مع اسامة
غير عيطلوا يديك لليروشي
​

اهلا لينة ...

تعيشي ... و الله صحابي نحاو مني الدم باش نلحقهم و اني رايح معاهم .. و قلت في طريقي كشما نتلاقا باعضاء ...


مراد و اسامة نجيهم طول للدار هههه راهم حبابي في زوج

اسامة اني بعثتلو ...

لالا منيش تاع روشيات انا ههههههه مزال يحتاجوني :showoff:

​

 

[nina bonoise]

اهلا لينة ...

تعيشي ... و الله صحابي نحاو مني الدم باش نلحقهم و اني رايح معاهم .. و قلت في طريقي كشما نتلاقا باعضاء ...


مراد و اسامة نجيهم طول للدار هههه راهم حبابي في زوج

اسامة اني بعثتلو ...

لالا منيش تاع روشيات انا ههههههه مزال يحتاجوني :showoff:

​

هههههههههه
قتلتيني بالضحك
المهم روح وين تحب
متخافش مش حتموت في ليروشي
​

 

[Moha le sage]

هههههههههه
قتلتيني بالضحك
المهم روح وين تحب
متخافش مش حتموت في ليروشي
​

ما و منيش خايف من الموت ... كون جات ليا اني طلقت روحي ذاك العام من روشي
ياو الله غالب عندي يما و دارنا يحتاجوني .... هاي لي لقيتيني نخمم فيها ...
بصح بيني و بينك اذا مت نروبوزي صح صح والله ......
​

 

[تاج الجزائر]

تبحر وتحوس بصحتك

روح شوي ديفولي على روحك :shiny:

ان شاء الله تتلاقى بحبابك i-o:

الله غالب جيت بعيد علينا وين راها عنابة وين رانا حنا من الشرق للغرب :shiny:


بصح ان شاء الله تشرفنا قي ولايتنا ونرحبو بيك احسن ترحاب :shay:


​

 

[ابوندى]

اهلا موح وناس سطيف الزينة
تنور في كل وقت حبيبي راك عارفنا
عنابة وناسها تحت امرك يابطل
ربي يسهللكم ان شاء الله وتوصلوا بالسلامة وتديروا فيها ايامات شباب ماتتنساش
ايا موحا اتهلا في روحك
​

 

[nina bonoise]

ما و منيش خايف من الموت ... كون جات ليا اني طلقت روحي ذاك العام من روشي
ياو الله غالب عندي يما و دارنا يحتاجوني .... هاي لي لقيتيني نخمم فيها ...
بصح بيني و بينك اذا مت نروبوزي صح صح والله ......
​

باينة خلاه لازم تخمم في ماماك
ياه شومي بعيد الشر عليك الموت
​

 

[الورد الأحمر]

أهلا بيك في الشمال الجزائري
وفي الشرق الجزائري
ان شاء الله تعجبك الحطة
في عنابة وبصحتك التبحيرة
هيا سلامو
​

 

[نجـStarــمة]

اهلا وسهلا بيك محمد في عنابة
نتمنالك تبحيرة مليحة
ان شاء الله ما تهملش في الكارطيات برك ومباعد نتغدروا فيك ههه
بصح نقولك استغل وقتك مليح ساعة بساعة علابالك عنابة تستاهل
تروح وترجع بالسلااامة و أونفورم
تحيآآآآتي لــــــك...



​

 

[Houda Chaouienne DZ]

إن شاء الله تلقا الأعضاء العنابية
و يطهلاو فيك خونا

سلام
​

 

[makour]

ممممم جيت لسطيف او ماسقسيتش عليا ماعليش راني شدتهالك ههه
ان شاء الله تروح او تولي بخير

 

[Jagwar]

سلاموووووووووو


يعععععععععععع :cra_zy: هذا وين لقيت أوكازيون و دخلت :cra_zy:
ما نعرف اذا تدخل هنا و لا ما تدخلش يا موح
النيمرو تاعك راحلى من الريبرتوار
يا جماعة الخير لى عندو النيمرو تاع موح يرسلهولى على الخاص الله يخليكم
ما نعرف راك وصلت يا موح و لا ما زلت
أنا رانى فى سوق أهراس و نرجع بالسبت ان شاء الله
يا موح أقعد كيما راك حتان نرجع ، هاو كاين العضو أكرم (ميسى برصا) راه يستنى فيا هو تانى فى سكيكدة أصبر نرجع من سوق اهراس و نتلاقو فى 4 مع خويا مراد تانى
ياخى حالة ياخى و الله حاب نروح درك على الـ 3 تاع الصباح :shiny:

​

 

[ملكة الانوار]

مرحبا بيك في عنابة انا من عنابة رايح تعشقها وتقول نزيد نقعد فيها صيف كامل

 

[معاك يا الخضراء]

ايا بصحتك ها موح موح
حنا على 3 ايام ان شالله باه نضربو طلة
كان راني جيتك انا وadraa
i-o: i-o:

اتهلى في روحك :sheer:

عندك تغرق :showoff:
صحة ليك ا اسوم نت تاني
ومراد هادا مانعرفوش

كول البوراك عليا و عليك :sheer: :sheer:


​

 

[هآجر]

سلاموووووووووو


يعععععععععععع :cra_zy: هذا وين لقيت أوكازيون و دخلت :cra_zy:
ما نعرف اذا تدخل هنا و لا ما تدخلش يا موح
النيمرو تاعك راحلى من الريبرتوار
يا جماعة الخير لى عندو النيمرو تاع موح يرسلهولى على الخاص الله يخليكم
ما نعرف راك وصلت يا موح و لا ما زلت
أنا رانى فى سوق أهراس و نرجع بالسبت ان شاء الله
يا موح أقعد كيما راك حتان نرجع ، هاو كاين العضو أكرم (ميسى برصا) راه يستنى فيا هو تانى فى سكيكدة أصبر نرجع من سوق اهراس و نتلاقو فى 4 مع خويا مراد تانى
ياخى حالة ياخى و الله حاب نروح درك على الـ 3 تاع الصباح :shiny:

​

السلام عليكم


ههههههههههههههه يخي اسامة يخي


اهلا موح ومرحبا بك في عنابة ناسها راهم مضيافين والدليل عنابي 23 واسامة راهم بالمرصاد
اتمنى لك قعدة جميلة في عنابة

يا رجال عنابة اديوه لبلايص لملاح خلاه ولمخيرين نتع عنابة

تحياتي الخالصة ​