بطل منها لخاطر باباه توفى

إ

إيمان قلب

:: عضو فعّال ::
أحباب اللمة
السلامـ عليكمـ ورحمة الله تعالى وبركاتهـ
أهلا بأهل اللمــة ..
316913.gif
.. ان شاء الله راكم غاية كيما راكم
وماكمش كيفي انا لخاطر مانيش غاية تاع الصح
315247.gif
الحمد لله على كل حال

ندخلو فالموضوع ديراكتـــ ...
تعرفوا واش معنتها الطيرة ؟؟؟ كيما يقولك العين حق والطيرة باطل
هي الناس اللي ماتأمنش بالمكتوب ويتطيروا من حوايج كيما هذه يعني
هذا واحد يشوف قط اكحل مع الصباح يقولك نهار اليوم ماهوش مليح
واحد يشوف واحد مايبغيهش يقولك الله يخرجو على خير نهار اليوم وهي ماشية
ان شاء الله تكونوا اديتو فكرة على المووضوع
كامل هذا مايهمش كيما يهم كي تدخل في مستقبل الإنسان
نحكيلكم الحكاية دوك ...
عندها واحد اليومين صادفتني واحد الظاهرة وبقيت حايرة فيها
828958.gif

وقلت مايلزم غير أهل اللمة يعطوني رايهم فيها
ألوغ هذا واحد خطب واحدة وتفاهموا على كل شئ كان باقيلهم غي العرس باش يديروها
فالصيف هذا ... قدر الله توفى بابات هاذ الراجل , فاتت الجنازة وكل شئ وجاو اهل الطفلة من آخر الدنيا عضمولهم الأجر ومشات كل شئ بخير... فالتالي وقبل يومين بعثلهم الراجل قالهم باللي راني بطلت مانديش بنتكم
كي حاولوا يعرفوا منه واش هي السبة قالهم باللي gـــصة بنتكم ماهيش مربحة
812502.gif
الgـصة بمعنى الجرة
يعني كي خطبت بنتكم مات بابا كون نجيبها لداري واش غادي يصرا
مالقيت
491186.gif
مانقول الطفلة دجا واجدة كل شئ لعرسها وخاص غي تدخل فجأة يبطل
واش رايكم في هاذ التفكير يظهرلي كل شئ بالمكتوب وهذه ماهي الا خرافات
عرضت عليكم الموضوع وفي انتظار تعاليقكم
ايا في أمان الله
وسلامـ الله عليكمـ
ايمان قلب ...

​
 
تفكير الجاهليه
ربي يهدي
مارسي عليك​
 
والله لوكان مافيهاش شوية نتاع شوك ويغيضها الحال سيرتو هي مرا معنداش ذنب ، والله نقولك فراقو احسن من عشرتو ،خاطر هدا انسان جاهل وجاهل نتاع الصح ،aske الروح بيد المسكينة ولا بيد ربي سبحانو ،واش بيه هذا هبل يالطيف ،ربي يهديه هدا مانقول.
 
حاجه بيزار ماشي نورمال
الله يهدي
​
 
كي نسمع حكايات كيما هكذا يحبس راسي
هذه موت و حق و قدر الله و ما شاء فعل
الله يهدي
سلام
 
لا حول و لا قوة ألا بالله
الله لا تربحه
ان شاااء الله تكون حاجه خير ليها
"عسى أن تكرهو شيئا و هو خير لكم "
أملا فيما يخص هو انسان ناقص في مخه بزااااف و أيمانه ضعيف يااااسر
ما دامه يأمن بالطيره و هاذو البدع ما يريحش في باله
تحياتي أيمااان
و سمحيلي على الرد المتواضع
سلالالالام
​
 
توقيع يوسےفے
السلام عليكم ورحمة الله تعالى وبركاته
أهلا ايمان
هاذي عليها دعوة الخير
مزية ماتزوجاتهش
دون تعليـــــــــــــــق
عميلة
شكرا ليك
​
 
هدا واش من عصر ؟ عصر الطباشيري ؟


​
 
سبحان الله هادي ماش عفسة خلاص يديرها واحد ناوي على بنت حلال وحاب يتزوج وهادي كيما قلتيها خرافات وكون جا يفهم وعاقل مايديرش هكة بصح ربي كاين وكما تدين تدان .............باي
 
كي تجي للصح عباد خرين جرتهم يا لطيف

لكن ماشي لهذا الدرجة
خطرة سمعت على واحد خطب واحدة ماتت يماه وقبل العرس بيومين مات باباه قالها نديك ولوكان يخلاص العرش كامل ههه
 
قال فاطمة الزهراء05:
اكيد نوافقك
كان يحوس على السبة ولقاها
إضغط للتوسيع...

صحيح

وزيد السبب تافه خلاص ماعندو حتى معني حقا حقا قال مات باباه

وزيد الشعب تاعنا يموووووت على الصوارد وهذا باين بلي صرف حتى غلب

يعني ما يخسرش بهاذ السهووولة​
 
هذا انسان جاهل
وهذا تطير
لي عودة نحكيلك على واحد القصة
ولا نحكيهالك باختصار
هذيك المرة تلاقيت واحد نعرفو واش راك لاباس بخير
أيا قالي خطبت وبطلت ووو
ماحبيتش نقلو وعلاه بطلت لاخاطر مانسقسيش الناس ومانحوسش نفهم
ايا قالي وحدو شفتها في لمنام ؟؟؟
اه كيفاش
قالي شفتها في لمنام بلي بطلت بطلت عليها
اففففف سيدنا يوسف هذا
ايا يعطيك الصحة وعيشي تسمعي هههههه​
 
جاهلين الله غالب مرسيييييييييييييييي
 
هاذي الطفلة ربي شايف فيها الخير
لمزيا اللي ماداتوش
كون هاكذاك يكرهلها حياتها بالقصة هاذي
وهاذي ناس جاهلة الله يبعدهم علينا
ان شاء الله
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom