المراهقة ,,,, الحب ماشي حقيقي اعجاب برك يابنات

A

asma1717

:: عضو مُشارك ::
سلاااااام يا خاوتي في اللمة
حبيت ليوم نحكيلكم على لبنات المراهقات ..... البنت تاع هاد الزمان كل ما تشوف واحد تقولك نحبو وتبقا تحلم مسكينة ,,,, بصح انا جامي سمعت بلي حب مراهقة كمل بالزواج هههه ,,,,
صافي الطفلة يقعد قلبها معلق ,,, نحب هاداك .. لالا هاداك خير ..... ورايحة ,,, وتولي دير علاقة وهمية وبيان سير ماننساوش الاخطاء لكبار تاع التصاور والتيليفون .....بكري حناي في السيام كانوا هادو لحوايج ماكانش بزاف بصح دوكة ربي يستر برك ...
انا نظن بلي حب المراهقة مجرد اعجاب برك ومع الوقت يزول المهم ماديرش الطفلة غلطات في هاديك الفترة وتعمر وقتها ...
وانتوما واش رايكم ؟؟ و المراهقة هادي وقتاش تخلااااااااص ؟؟؟
 
صح ختي عندك الحق و انا ميعجبونيش لبنات هكاك الحب الحقيقي يكون بالمعاشرة
 
والله يا ختي علىحسب ما عشتواا انا و ما تم ملاحظته هههههههههههههه انا بنت خالتي عاشت حب من السيزيام كا كان خو بخنونتوا و هى بشعرها لمشنشف و راهو بولدهم دوكا الله يبارك انوووس ربي يخليه ختي لي مكتوب في الجبين تشوفوا العين صح كاين حب مراهقة و كاين لى ينجح و لى ما ينجحش انت و شطارتك واش مكتوب في قدرك الوووغ منقدروا نقوا والوا مراهقة فتره برك تعيشيها مطولش متقلقيش مهم كاين لى طول معاهم انى نخووووفك هههههههههه في سنك هادي تاع المراهقة تقدري تبني روحك و تولى جده تفهمي الدنيا الى روتور هههههههه ​
 
سلام حنونة
او الحب تاع المراهقة غير تاع تمصخير ومام بلا مراهقة مكانش حب اصلا
وماننكرش كاين الي ينجح وشفت بعيني مي انا نظن حالة نادرة وسن المراهقة بلاك تخلص في 21 سنة بلاك
 
سن نتاع المراهقة راهو صعيب بزاف اصعب مرحلة ...
وشحال من واحد ولا وحدة اثرت عليهم المراهقة بلبزاااف
في سنهم يتعلقو باي شخص ..مي كي يبداو يكبرو ينساو قاع واش عاشو
باسكو معظم القصص الي عاشوها كانت غير نزوات ومع الوقت تزول
وبالنسبة للحب الي يعيشوه انا تبانلي وهم
الواحد لازم يحصي روحو في هاد السن ...
تـــشكــــــراتي ​
 
بيان سير اختي هاي مافيهاش هدرة انتي تجي في بالك وحدة تمشي مع واحد وهوما 16 ولا 17 سنة يعني هاذو راح يزوجو ويحلو دار بواه لا خدمة لا مستقبل ولي قبلهم كامل العقلية صغيرة وماهيش واعية
والله يجيوك مشاعر او واحد فينا ماينكرها ختراه كامل فتنا عليها وحسينا بيها وذرك كي فتناها تحسي بلي مخك كبر ورجعتي تحسبي الامور بطريقة زي اخر
نن انو فترة المراهقة تبدا من 14-15 وتكمل في سن 21-22 ​
 
حسب واش شفت نظن بلي الطفلة الجزايرية الريح الي جا يديها
ابطال المسلسلات المكسيكية ثم السورية ثم التركية
الافلام الامريكية و الافلام الهندية ( خاصة تيتانيك ديكابريو بنات الدزاير كانو يموتو عليه )
و زيدي كامل المغنيين الي يغنو زعما على الحب mdr ( بكري كان يبغو السوريين دوكا راهم يحبو ايفرون و كريس براون و enrique iglesiass
كامل اعضاء المنتديات ، الفايسبوك
الي يقراو معاها
لي جوار من ليكيب ناسيونال تاع الدزاير، البرسا ، الريال .... الخ
ادا درتي واحد من كل حاجة تلقاي وحد 30 واحد تحبو ( يعجبها )
قلبها أوتآآل mdr
حاشا الي ما تستهلش ( كامل اعضاء اللمة الله يبارك )
بارك الله فيك ختي​
 
فترة المراهقة فترة عادية كيفها كيف غيرها من الفترات المهم الإنسان تكون علاقته بربي وعائلته قوية
مايقدرش يغلط ... أما الحب ماهو لافترة مراهقة لاغيرها الحب يجي بعد الزواج هذاك حب يباركه الرحمن
اما هذاك اللي قبل تمسخير وضعف ايمان
يعطيك الصحة اختي ​
 
والله غير عندك الحق
 
شكرا الحب يكون بعد الزواج و ليس قبله و الي قبلو يعتبر عشق و غاليا ما يكون عشق الصور
 
عندك الحق 100 بالمئة و انا هذا هو رأيي شكرااااااااااااا
 
كااااااااااااااينه
​
 
الحب في سن المراهقة

هو مجرد اعجاب
وهذا لكلا الجنسين

وبتوهم انو يحبو تع الصح

وهادي حقيقة علمية
مع مرور وقت وقت قصير تتبدل المشاعر


اما وقت زوالها تكون
غالبا حتي سن 22
 
نكره هاد المواضيع
dsl
​
 
♥.......♥
و الله غير صح و كيما رامي تقولي just
هادا ماشي حب ..... اعجاااااااب و يزول مع الوقت
المهم ما نديروش ليفوت الي نندموا عليهم ياكــ
​
 
يعطيك الصحة ختي على حرصك على هذ المواضيع ونصحك لبنات
الله يحفظك
أظن أن الحب تاع الصح ينزلو ربي سبحانو في الزواج ولحلال
الباقي كامل وساوس وولف ...​
 
وعليكم السلام
دركا تطلع للسيام تلقايها عشقت وكملت
12 13 سنة تسقسيها على الحب تعلمك
الله يستر
وي اكيد ماكانش حب في سن المراهقة
صحيتي على الموضوع اختي
تحياتي
​
 
توقيع السلطانة
قادر العلاقات العاطفية تاع سن المراهقة تكون صح ما تدري ههههههههه
 
nichane khti 3andak elha9
 
قالك القلب لحمة وانا عندي غير ما
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom