قفة رمضان

[lakhdar29]

سلام عليكم واش راكم ملاح راني في شحال مدخلش هنا بويسك مراه طايرلي والوا مع خويا youcef29 باه نكوناكتي​

المهم غادي نحكيلكم على واش راه صاري في ناس على قفة رمضان
بغات اللجنة تاع البلدية تقصم القفة تاع رمضان كيما العادة بصح انا مافهمت والو مع هذو لعباد والله غير تبقى حاير كاين ناس بزاف تسيبهم بشهريتهم وباغيين يدوا قفة رمضان لي راها مخصة للمساكين واش يدسروا هذو ناس يجو لعندنا في البلدية ويقدملك بعض وراقي مالقري انت تعرفة بلي حدام ويقولك اعطيني باني تاعي خبرني كون جيت انت في بلاستي واش ديرله وقالع ذاك شىء وانا نعرف واحد دا قفة رمضان وهو مجاهد ثورة زعم يخلص 9ملاييين والله واحد ماهدر معاه وهنى عرفت بلي الجزائر تاعنا مايعيش المسكين فيها _____________واش ريكم نتما

 

[Lacey Sturm]

هادي هي بلادنا يا خويا رانا والفا كل عام هك تلقا الي عندو شهريتو ودراهمو يروح يسجل باه يدي القفة وهكا يفسد على الفقير واملحتاج تاع الصح مافهمناش العقلية هادي وين رايحين بيها ربي يهديهم وخلاص

 

[بنـ MaPa ـت]

وعليكم السلاام

حاجة باينة قفة رمضان للزواولة لي ماعندهمش
بصح دوك تخلطت وتقلبت الحالة لي عندو يدخل يدي كلي رزقهم ولي ماعندوش يقعدو يليكيدو فيه
ماكان واش نقولوهم عيينا ربي يهدي وماكان والو كفرونا استغفر الله

دوك يليق كل واحد يخدم في رزقو ومايسال على حتى عربي

مرسي على الموضوع
​

 

[khasoft]

خويا في الزمان هاذا عاد الفقير هوا لي يصرف و يحوس على خبزو والغني عاد يخبي و يخبي في سواردو
علابالك دورك يلحقوه فالقبر ههه
​

 

[ziassia]

ايه صحا هذيك هيا يدو قفة رمضان باه يخبو دراهمهم للعيد و للحوايج خفت عليهم ​

 

[ياقوتة الصحراء]

المحتاج صح عمرو مايروح يمد يدو ويطلب حقو نفسو عزيزة
و قفة رمضان يديوها غير لي لاباس عليهم
ربي يهدينا باش نجرو على كاش اجر ندوه وحنا نجرو على كروشنا و كيفاش نعمروها ​

 

[souhila-alg]

wallah sah walaw li3andham yadiw rabi wastar 3la blad hadi

 

[adel-mz]

هادي قمة الطمع وعدم القناعة عند هؤلاء الناس .
الله يحفظ ويستر .
مارسي

 

[DARINE05]

ربي يهديهم هذي هي بلادي مرسييييييييييييييي

 

[hiba14]

هادي قفة رمضان داروها للي لاباس بيهم اما المسكين دا شيعة برك

 

[الورد الأحمر]

ناس ضايعة ما منع منهم حتى واحد
ربي يهديهم والطماع يموت مشنوق
وهذو راهم ياكلو في قوت الفقراء
ربي يحاسب على الشي هذا
سلام
​

 

[meriem150491]

قفة رمضان دك رجعت للاغنياء مش للفقراء مرة وين نسكن واحد معروف عندنا بلي لاباس بيه صبح مع جماعة قفة رمضان

تبعو للزوالية في السكنى في الخدمة في كلش وزادو دك تبعوهم حتى في قفة رمضان

الزوالي مسكين في بلادنا معادش عندو قسم مع الاغنياء اللي ميشبعوش ويشوفو في الدنيا دراهم ووسخ دنيا


عباد ميشبعوش
​

 

[Jeune Sghir Mc]

شوف يا خو شريكي
حنا بلادنا يعيش فيها غير موول التيكي
وحنا شعبنا خوااف مايهدروش
يشوفوه موول شكارة وطالعة بيه مايهدروش معاه
يزيدو يفرشولو طاpي رووج gاع
الله غالب ناس قتلها الطمع
بدراهمهم وكامل وماشي قانعين بنعمة ربي
سلام
.
.
.
​